Iopu 31:1-40
31 “Ko oti ne fai ne au se feagaiga mo oku mata.+
E mafai pefea o saga atu au mo manakoga sē ‵lei ki se tamafine ‵ma?+
2 Se a la toku vaega mai te Atua i te lagi,Se a te tofi ka maua mai te Atua Malosi Katoatoa i luga nei?
3 E a, e se fakatalitali mai a te fakalavelave ki te tino fai mea ‵seMo te puapuaga ki a latou kolā e fai ne latou a mea fakalogo‵mae?+
4 E a, e se lavea ne ia oku auala+Kae lau oku kalafaga katoa?
5 E a, kai sasale aka loa au mo te loi?*
Kai fakava‵vave aka loa oku vae o fakaloiloi se tino?+
6 Ke fua au ne te Atua ki fua kolā e ‵tonu;+Tenā ko lavea ei ne ia toku fakamaoni.+
7 Kafai ko ‵seke oku kalafaga mo te auala+Io me ko toku loto ko tautali i tua o oku mata+Io me ko oku lima ko oti ne fakalai‵lai,
8 Tuku mai la ke ‵toki ne au a fuaga kae kai ne te suā tino,+Kae ko mea e ‵toki ne au ke unu aka kea‵tea.*
9 Kafai ko fakakolekole toku loto ne se fafine+Kae takato au i te mataloa o toku tuakoi o faka‵tali+ i ei,
10 Ke tuki la ne taku avaga a saito a te suā tagata,Kae ko nisi tāgata ke ‵moe fakatauavaga mo tou fafine.*+
11 Me i te mea tenā se amioga fakamasiasi,Se mea ‵se telā e ‵tau o isi sena fakasalaga mai te kau famasino.+
12 E fai pelā me se afi telā e fakaseai kae fakamasei,+E ‵ka foki i ei a aka o* aku mea katoa.
13 Kafai e taofi ne au te faiga o te fakamasinoga tonu ki aku tavini tāgata io me ko aku tavini fāfineMāfai e isi se lotou fameo* e uiga ki a au,
14 Se a taku mea e mafai o fai māfai e fetaui au* mo te Atua?
Se a taku tali ka fai atu ki ei māfai e manako mai ke fai atu se tala ki a ia?+
15 E a, e seki faite foki latou ne te Atua telā ne faite ne ia au i te moegatama?+
E a, e se ko te Atua foki eiloa tenā ne faite ne ia tatou kae koi tuai tatou o fa‵nau?*+
16 Kafai e ita au ma tuku atu ki tino ma‵tiva a mea e ma‵nako latou ki ei+Io me fakafanoanoa a mata o te fafine ko mate tena avaga;*+
17 Kafai e kai tokotasi au ki te vaega o aku meakaiE aunoa mo te ‵kai fakatasi mo tama‵liki ko ‵mate olotou mātua;+
18 (Me i te taimi koi talavou ei au ne ‵tupu tasi aka māua mo se tamaliki e seai ne ana mātua e pelā loa au me ko tena tamana,Kae ne fai au e pelā me se tino tausi o fāfine ko ‵mate olotou avaga mai taku folikiga eiloa.*)
19 Kafai e lavea ne au se tino ko pili o mate me seai ne ana gatuIo me se tagata mativa e seai ne mea mo ana pei;+
20 Kafai ne seki fakamanuia ne ia* au+I te taimi e fakamafanafana ei a ia ki fulufulu o aku mamoe;
21 Kafai e fakatutu atu taku fusu ki se tamaliki ko ‵mate ana mātua+I te taimi e manako ei a ia ki toku fesoasoani i mataloa o te fakai;*+
22 Tenā ko ‵tau ei o tō a toku lima mai toku tuauma,Kae ke fati toku lima i te tulilima.
23 Me ne mataku au i te fakalavelave mai te Atua,Kae ko se mafai ne au o tu i mua o tena ‵malu.
24 Kafai ne tuku atu ne au toku loto talitonu ki auloIo me fai atu ki te aulo ‵lei, ‘A koe ko toku puipuiga!’+
25 Kafai ne maua toku fiafia i te lasi o toku maumea+Ona ko te uke o aku mea e maua;+
26 Kafai ne lavea ne au te la* e ‵kasaIo me ko te masina e gasue i tena galiga;+
27 Kae ko takitaki ‵se toku loto i se auala ‵funa,Kae sogi atu toku gutu ki toku lima o tapuaki atu ki mea konā;+
28 Tenā ko fai ei te mea tenā e pelā me se mea ‵se telā e ‵tau o isi se fakasalaga ki ei mai te kau famasino,Me ko fakafiti ne au a te Atua tonu i luga.
29 Kai fiafia aka eiloa au ona ko te fakaseaiga o toku fili+Io me ‵pole me ko oko atu ki ei a te mea matagā?
30 Ne seki talia ne au ke agasala toku gutuMai te fakamolemole atu ki tena ola e auala i se tautoga.+
31 E a, e seki fai atu a tāgata i toku faleie,‘Ko oi e mafai o ‵sala mai ne ia se tino telā e seki makona i ana meakai?’*+
32 E seai se tino fou* e ‵tau o nofo i tua i te po;+E ‵tala ne au oku mataloa ki te tino faimalaga.
33 Kai taumafai aka eiloa au o ‵funa aku amioga solitulafono, e pelā mo nisi tāgata,+Mai te ‵funaga o taku mea ‵se i te taga o toku gatu?
34 E a, kai mataku aka eiloa au i faifaiga a te vaitino,Io me mataku au ona ko fakatauemuga mai i nisi kāiga,Kae fai ei au ke nofo filemu kae mataku ma fano ki tua?
35 Moi fai fua la ke fakalogo mai se tino ki a au!+
Ka saina eiloa ne au toku igoa ki aku pati ko oti ne fai.*
Ke tali mai eiloa a te Atua Malosi Katoatoa ki a au!+
Moi ne tusi fua la ne te tino e isi sena tagi ki a au a ‵losiga ki luga i se pepa!
36 Ka tauave eiloa ne au i luga i toku tuauma,Kae ka ‵sai ne au i toku ulu e pelā me se kalauna.
37 Ka tuku ne au ki a ia se tala o oku kalafaga katoa;Ka fanatu au ki a ia mo te loto talitonu e pelā me se pelenise.
38 Kafai e tagi mai a toku laukele o ‵teke mai ki a auKae ko laina o fakatugā one kolā e ‵toki ki ei a fuaga o lakau e ‵tagi mautuutu;
39 Kafai ne kai ne au ana fuataga kae e se ‵togi,+Io me fai ne au a tino i o latou a mea ke loto vāi‵vai;+
40 Ke ‵tupu aka la a lakau talatala ma aku i lō saitoMo mouku manogi ‵pou i lō kalite.”
A pati a Iopu ko gata i konei.
Fakamatalaga mai lalo
^ Io me kāti, “fakatasi mo tāgata ‵loi.”
^ Io me “ke unu aka a tino kolā ne ‵tupu mai i a au.”
^ Epelu, “ke fai a nisi tāgata ke totuli ifo i luga i tou fafine.”
^ Io me “Unu aka.”
^ Io me “tagi.”
^ Epelu, “tu aka ki luga?”
^ Epelu, “i te moegatama.”
^ Epelu, “fai a mata o te fafine ko mate tena avaga ke se ‵lei.”
^ Epelu, “mai te moegatama o toku mātua.”
^ Epelu, “ana kautega.”
^ Io me kāti, “I te taimi e lavea ei ne au me isi ne tino e ‵lago mai ki a au i mataloa o ‵pui o te fakai.”
^ Epelu, “mainaga.”
^ Epelu, “‵kano o manu.”
^ Io me “tino fakaa‵tea.”
^ Io me “Tenei toku sainaga.”
