Isaia 15:1-9
-
Se fekau ‵mafa e uiga ki Moapi (1-9)
15 Se fekau ‵mafa e uiga ki Moapi:+
Ona ko te mea ko oti ne fakamasei a ia i se po,Ko oti ne fakafilemu a Alo+ o Moapi.
Ona ko te mea ko oti ne fakamasei a ia i se po,Ko oti ne fakafilemu a Kila+ o Moapi.
2 Ko oti ne fanaka a ia ki te Fale* e pelā foki mo Tipono,+Ki koga ma‵luga o tagi mautuutu i ei.
A Moapi e tagi fanoanoa ona ko Nepo+ mo Metepa.+
A ulu katoa ne ‵vele ke ‵kila,+ a talafa katoa ko oti ne ‵kati.+
3 I ana auala ne ‵pei latou ki gatu lautaga.
I olotou tuafale mo malae i olotou fakai e ‵tagi fanoa‵noa ei latou katoa;E olo ifo latou mo te ‵tagi mautuutu.+
4 E Hesepono mo Eleale+ e ‵tagi;E lagona atu lā leo ke oko eiloa ki Iasa.+
Tenā te pogai ne ka‵laga atu faeloa a sotia o Moapi.
A ia ko polepole.
5 E tagi toku loto ona ko Moapi.
Ana tino ‵sola ko oti ne ‵tele ke oko atu eiloa ki Soala+ mo Ekalata-selisia.+
I te fanakaga ki Luita ne ‵tagi mautuutu ei latou kae olo aka ki luga;I te auala ki Holonaima e ‵tagi latou ona ko te fakalavelave.+
6 Me ko ‵masa a vai o Nimalima;Ko paku‵paku a mouku lanu launiu,Ko ‵galo atu a mouku kae seai se mea lanu launiu koi ‵toe.
7 Tenā te pogai e ave kea‵tea ei ne latou a mea ‵toe mai i olotou sitoa mo olotou koloa;E olo atu latou ki te suā feitu o te vanu o lakau ko popula.
8 Me ne salalau atu eiloa i koga katoa o Moapi te ‵tagi.+
E oko atu te ‵tagi fanoanoa ki Ekelaima;E oko atu te ‵tagi fanoanoa ki Pelelima.
9 Me i vai o Timono e ‵fonu i toto,Kae e uke atu aku mea ne tausi mō Timono:
Se leona mō tino Moapi kolā ne ‵saoMo latou kolā ne ‵toe i te fenua.+
Fakamatalaga mai lalo
^ Io me “te Faletapu.”
