Salamo 146:1-10
146 ‵Viki atu ki a Ioa!*+
Ke ‵viki atu a toku foitino kātoa ki a Ieova.+
2 Ka ‵viki atu au ki a Ieova i toku olaga kātoa.
Ka usu atu ne au a pese o vikiga ki toku Atua i te taimi e ola ei au.
3 Sa tali‵tonu ki pelenise*Io me ki se tama a se tagata, telā e se mafai o aumai ne ia te fakaolataga.+
4 E fano ki tua tena mānava, e foki atu a ia ki te laukele;+I te aso eiloa tenā e fakagata i ei ana mafaufauga.+
5 E fiafia a te tino telā e fai ne ia a te Atua o Iakopo mo fai tena fesoasoani,+Telā e fakamoemoe ki a Ieova tena Atua,+
6 Te Atua telā ne faite ne ia te lagi mo te lalolagi,Te tai mo mea katoa i loto i ei,+Te Atua telā e tumau faeloa i te fakamaoni,+
7 Te Atua telā e puipui ne ia te fakamasinoga tonu mō latou kolā ne kaisoagina olotou mea,Te Atua telā e tuku atu ne ia a meakai ki tino fia‵kai.+
A Ieova e fakasaoloto ne ia a pagota.*+
8 E faka‵pula ne Ieova a mata o tino ‵kivi;+E fakatu ‵tonu aka ne Ieova a latou kolā e pu‵nou ki lalo;+E alofa a Ieova ki tino amio‵tonu.
9 E puipui ne Ieova a tino fakaa‵tea;E tausi ne ia te tamaliki e seai sena tamana mo te fafine ko mate tena avaga,+Kae e fakamakosu ne ia a palani a te tino amio masei.*+
10 Ka fai a Ieova mo Tupu ki te se-gata-mai,+
Ko tou Atua, e Siona, i kautama katoa.
‵Viki atu ki a Ioa!*
Fakamatalaga mai lalo
^ Io me “Aleluia!” A “Ioa” ko te fakatoetoega o te igoa o Ieova.
^ Io me “tino tāua.”
^ Epelu, “tino ne saisai.”
^ Io me “fai ke pikopiko a te auala o te tino matagā.”
^ Io me “Aleluia!” A “Ioa” ko te fakatoetoega o te igoa o Ieova.
