Salamo 31:1-24
Ki te takitaki o te kau fai pese. Ko te pese a Tavita.
31 Ieova, au ne faka‵lafi atu ki a koe.+
Sa faigina au ke masiasi.+
Fakasao mai au ona ko tou amiotonu.+
2 Tuku mai ou taliga* ki a au.
Vau fakavave o fakasao au.+
Ke fai koe pelā me se mauga malosi ki a au,Se ‵pui malosi ke fakaola ei au.+
3 Me i a koe ko toku kaupapa mo toku ‵pui malosi;+Ona ko tou igoa,+ ka takitaki ne koe au kae fakatonutonu mai au.+
4 Ka fakasaoloto ne koe au mai te tili telā ne fakatoka ‵funa ne latou mō oku,+Me i a koe ko toku ‵pui malosi.+
5 Ko tuku atu ne au toku ola* ki ou lima.+
Ko oti ne fakaola ne koe au, e Ieova, te Atua o te munatonu.*+
6 E takalialia au ki a latou kolā e tapuaki atu ki tupua sē aoga,Kae penei mo au, e talitonu eiloa au ki a Ieova.
7 Ka fiafia malosi au i tou alofa fakamaoni,Me ne lavea ne koe toku puapuaga;+E iloa ‵lei ne koe te ‵poko o toku fakalavelave.
8 Ne seki tuku atu ne koe au ki te fili,Kae ne fai ne koe au ke tu i se koga saogalemu.*
9 Talia mai au, e Ieova, me i a au ko puapuaga.
A te mafatia ko fai ne ia ke vāi‵vai oku mata,+ e pelā foki mo toku foitino kātoa.+
10 Ko masei valevale toku olaga ona ko te fanoanoa+Kae ko ‵fonu oku tausaga i te mānava fi‵ta.+
A toku malosi ko gasolo ifo eiloa ona ko taku mea ‵se;A oku ivi ko gasolo o vāi‵vai.+
11 Au ko fakatauemu ne oku fili katoa,+Maise eiloa oku tuakoi.
Kae ko tino kolā e iloa ne latou au e ma‵taku i a au;Kafai e lavea ne latou au i mua o tino, e ‵tele latou kea‵tea mai i a au.+
12 Ko oti au ne tapale kea‵tea mai olotou loto* kae fakapuli atu, e pelā eiloa au me se tino mate;Ko fai au e pelā me se tiā mafā.
13 Au ne logo i tala ma‵sei e uke;Ko fakatamilo au ne te mataku.+
Kafai ko maopoopo fakatasi latou e pelā me se potukau o ‵teke mai ki a au,E fai olotou togafiti ke tamate au.+
14 Kae ko au e talitonu ki a koe, e Ieova.+
E folafola atu au: “A koe ko toku Atua.”+
15 A oku aso* konā eiloa i ou lima.
Fakasao mai au i lima o oku fili mo tino kolā e fakasaua mai ki a au.+
16 Fai ke maina atu ou mata ki luga i tau tavini.+
Fakaola mai au e auala i tou alofa fakamaoni.
17 Ieova, sa faigina au ke masiasi i te taimi e kalaga atu ei au ki a koe.+
Ke fakamasiasi atu a tino amio ma‵sei;+Ke ‵pono olotou gutu i lalo i te Tanuga.*+
18 A laugutu ‵loi ke se toe fai‵pati eiloa,+Ko laugutu kolā e fai‵pati fia sili ki tino amio‵tonu, fakatasi mo te fakamaualuga mo te fakatauemu.
19 Ko tafaga la te lasi o tou aga‵lei!+
Ne tausi ne koe mō latou kolā e ma‵taku ki a koe,+Kae ne fakaasi atu ne koe i mua o tāgata katoa, ona ko latou kolā e faka‵lafi atu ki a koe.+
20 Ka ‵funa ne koe latou i se koga sē lavea i ou mua+Mai i togafiti a tāgata;Ka faka‵muni ne koe latou i tou fale fakamalumaluMai i kinauga.*+
21 Ke vikia a Ieova,Me i se auala fakaofoofogia, ne fakaasi mai ei ne ia tena alofa fakamaoni ki a au+ i loto i se fakai ne nikoi+ ne se kautau.
22 E penei mo au, au ne polepole kae fai aka:
“Ka mate eiloa au i ou mua.”+
Kae ne lagona ne koe aku fakatagi mō se fesoasoani i te taimi ne tagi atu ei au ki a koe.+
23 A‵lofa ki a Ieova, koutou katoa kolā e fakamaoni ki a ia!+
E puipui ne Ieova a tino fakamaoni,+Kae toe taui atu ne ia ki so se tino e fakaasi atu te fakamatamata.+
24 Ke loto ‵toa kae ke ma‵losi otou loto,+Koutou katoa kolā e fakatali‵tali ki a Ieova.+
Fakamatalaga mai lalo
^ Io me “Punou ifo kae fakalogo mai.”
^ Epelu, “ruʹach,” tena uiga ko te malosi ola.
^ Io me “te Atua fakamaoni.”
^ Io me “se koga saosao.”
^ Io me “mafaufau.”
^ Epelu, “taimi.”
^ Epelu, “Mai i kinauga o te alelo.”
