Memeneda, October 6, 2018 no, asasewosow kɛse bi sii wɔ Haiti atifi fam ma ekunkum nnipa 17, na nnipa bɛboro 300 pirapirae.

Yennyaa amanneɛbɔ biara sɛ onua bi ahwere ne nkwa, nanso anuanom mmienu apirapira kakra. Amanneɛbɔ a edi kan a efi amansin so ahwɛfo hɔ kyerɛ sɛ, anuanom afie 44 ne Ahenni Asa 4 na asɛesɛe. Wokɔ Port-de-Paix kurow mu a, anuanom bɛyɛ 50 ne wɔn mmusua atutu afi wɔn afie efisɛ asasewosow no ama ayɛ hu sɛ wɔbɛtena afie no mu. Anuanom a wɔwɔ asafo no mu agye mmusua yi rehwɛ wɔn. Haiti Baa Boayikuw no muni baako ne anuanom mmienu a wɔne Adansi Dwumadibea no yɛ adwuma akɔ beae a atoyerɛnkyɛm no sii no sɛnea ɛbɛyɛ a wobehu nneɛma a asɛesɛe no, na afei wɔakyekye anuanom no werɛ. Wɔatew Boayikuw a Wɔde Mmoa Ma Wɔ Atoyerɛnkyɛm Bere Mu sɛ wɔnhwɛ mma anuanom nsa nka nea wohia.

Yɛkae yɛn nuanom a wɔwɔ Haiti no daa wɔ yɛn mpaebɔ mu. Yɛn ani sɔ sɛ yɛn soro Agya no ahyɛ bɔ sɛ n’adɔe nti, ɔbɛkyekye n’asomfo anokwafo werɛ.—Dw 119:76.