Kilauea yɛ bepɔw a ogya taa puw fi mu. Ɛwɔ Hawaii, U.S.A. Efi May 3, 2018 reba no, ogya gu so repuw fi mu ba. Atoyerɛnkyɛm yi ama nnipa bɛyɛ 2,000 atu afi hɔ na anyɛ yiye koraa no, adan bɛyɛ 36 na asɛe.

Mmusua nnan a wɔyɛ Yehowa Adansefo ne onuawa bi a n’ani afi ka wɔn a wɔatu no ho. Ahenni Asa biara ansɛe, nanso May 4 no asasewosow a ano yɛ den bi sii. Ɛno maa Ahenni Asa baako ho kaa kakra.

Boayikuw a Wɔde Mmoa Ma Wɔ Atoyerɛnkyɛm Bere Mu ne anuanom a ɛwɔ hɔ reyɛ yɛn nuanom a wɔn ho aka no mmoa. Sɛ nneɛma totɔ yiye kakra a, Boayikuw no bɛhwɛ mmoa foforo a anuanom a wɔn ho aka no bɛsan ahia.

Yɛkɔ so bɔ mpae ma yɛn nuanom a atoyerɛnkyɛm yi nti, wɔn ho aka no, na yɛwɔ awerɛhyem sɛ Yehowa bɛkɔ so ayɛ wɔn abannennen wɔ ahohia bere mu.​—Nahum 1:7.