1 Beresosɛm 18:1-17
18 Akyiri yi, ɛbae sɛ Dawid kaa Filistifo+ no gui, dii wɔn so nkonim, na ogyee Gat+ ne ɛho nkurow fii Filistifo no nsam.
2 Na ɔkaa Moab+ nso gui, na Moabfo bɛyɛɛ Dawid nkoa a wotua tow ma no.+
3 Na Dawid kum Soba+ hene Hadadeser+ wɔ Hamat+ bere a na ɔrekɔbɔ nsra wɔ asubɔnten Eufrate+ ho no.
4 Bio nso Dawid ko gyee nteaseɛnam apem ne apɔnkɔsotefo mpemnson ne mmarima mpem aduonu a wɔnam fam+ fii ne nsam. Ɛnna Dawid twitwaa nteaseɛnam apɔnkɔ+ no nyinaa nantin ntini,+ na ogyaw nteaseɛnam apɔnkɔ no mu ɔha.
5 Bere a Siriafo a wɔwɔ Damasko bae sɛ wɔrebɛboa Soba hene+ Hadadeser no, Dawid kunkum Siriafo mmarima mpem aduonu abien.
6 Ɛno akyi no, Dawid de asraafodɔm koguu Siriafo a wɔwɔ Damasko+ no asase so, na Siriafo bɛyɛɛ Dawid nkoa a wotua tow ma no.+ Na Yehowa bɔɔ Dawid ho ban baabiara a ɔkɔe.+
7 Afei nso Dawid sesaw sika kɔkɔɔ akyɛm+ a na ekurakura wɔn a wɔhyɛ Hadadeser ase no, na ɔde baa Yerusalem.+
8 Na Dawid faa kɔbere bebree fii Hadadeser nkurow Tibhat+ ne Kun mu de kɔe. Ɛno na Solomon de yɛɛ kɔbere po*+ no ne adum+ no ne kɔbere anwenne+ no.
9 Bere a Hamat hene+ Tou tee sɛ Dawid aka Soba hene Hadadeser+ asraafodɔm no nyinaa agu no,
10 ntɛm ara na ɔsomaa ne ba Hadoram+ kɔɔ Ɔhene Dawid nkyɛn kokyiaa no, na ɔmaa no amo sɛ ɔne Hadadeser ako aka no agu, (nea ɛwom ne sɛ, na Hadadeser taa ne Tou di ako), na ɔde sika ne dwetɛ+ ne kɔbere nneɛma nyinaa bi kɔmaa no.
11 Dawid hyiraa+ eyinom nyinaa so maa Yehowa, sɛnea ohyiraa dwetɛ ne sika kɔkɔɔ a ogye fii amanaman+ no nyinaa nkyɛn so no, nea ogye fii Edom ne Moab+ ne Ammon+ asefo ne Filistifo+ ne Amalekfo+ nsam no.
12 Seruia+ ba Abisai+ nso kaa Edomfo mpem dunwɔtwe gui wɔ Nkyene Bon+ no mu.
13 Enti ɔde asraafodɔm koguu Edom, na Edomfo nyinaa bɛyɛɛ Dawid nkoa.+ Na Yehowa bɔɔ Dawid ho ban baabiara a ɔkɔe.+
14 Dawid kɔɔ so dii Israel nyinaa so hene;+ obuu atɛn na odii asɛntrenee maa ne man nyinaa daa.+
15 Ná Seruia ba Yoab na ɔda asraafo no ano,+ na Ahilud ba Yehosafat+ nso ne ɔhene krakye.
16 Ná Ahitab ba Sadok+ ne Abiatar ba Ahimelek+ na wɔyɛ asɔfo, na Sawsa+ nso ne ɔkyerɛwfo.
17 Ná Yehoiada+ ba Benaia+ na ɔda Keretifo+ ne Peletifo+ no ano; Dawid mma no na na wɔwɔ tumi paa wɔ ɔhene anim.+
