1 Beresosɛm 4:1-43
4 Yuda mma ne Peres,+ Hesron,+ Karmi,+ Hur+ ne Sobal.+
2 Sobal ba Reaia+ na ɔwoo Yahat, na Yahat nso woo Ahumai ne Lahad. Eyinom ne Soratifo+ mmusua.
3 Etam+ agya asefo ni: Yesreel,+ Yisma ne Yidbas (wɔn nuabea din de Haselelponi);
4 ne Gedor+ agya Penuel ne Husa agya Eser. Eyinom ne Efrata abakan Hur,+ Betlehem+ agya no mma.
5 Na Tekoa+ agya Asur+ waree yerenom baanu, Hela ne Naara.
6 Naara woo Ahusam, Hefer, Temeni ne Ahastari maa no. Eyinom ne Naara mma.
7 Na Hela mma ne Seret, Yisar ne Etan.
8 Kos mma ne Anub ne Sobeba ne Harum ba Aharhel mmusua.
9 Na Yabes+ nyaa anuonyam+ sen ne nuanom; ne maame na ɔtoo no din Yabes, na ɔkae sɛ: “Ɛyaw mu na mewoo no.”+
10 Na Yabes su frɛɛ Israel Nyankopɔn+ sɛ: “Sɛ wubehyira+ me na woatrɛw me nsase+ mu na wo nsa+ adi m’akyi na woamma bɔne biara amma me so+ ammɛhaw me+ a, anka—” Na Onyankopɔn yɛɛ n’abisade no maa no.+
11 Suha nua Kelub na ɔwoo Eston papa Mehir.
12 Na Eston woo Bet-Rafa, Pasea ne Ir-Nahas agya Tehina. Eyinom ne Reka mmarima.
13 Kenas+ mma ne Otniel+ ne Seraia, na Otniel mma no bi ne Hatat.
14 Meonotai na ɔwoo Ofra. Na Seraia nso na ɔwoo Ge-Harasim agya Yoab; ná wɔyɛ adwumfo.+
15 Yefune+ ba Kaleb+ mma ne Iru, Ela ne Naam; na Ela mma no bi ne Kenas.
16 Yehalelel mma ne Sif, Sifa, Tiria ne Asarel.
17 Esrah mma ne Yeter, Mered, Efer ne Yalon; ne yere woo Miriam ne Samai ne Estemoa+ agya Isbah.
18 Na ne yere Yudani no nso woo Gedor papa Yered ne Soko agya Heber ne Sanoa agya Yekutiel. Eyinom ne Farao babea Bitia a Mered faa no waree no no mma.
19 Hodia yere a ɔyɛ Naham nuabea no mma ne Garmitfo Keila+ no agya ne Estemoa a ofi Maakat.
20 Simon mma ne Amnon, Rina, Ben-Hanan ne Tilon. Na Yisi mma ne Sohet ne Ben-Sohet.
21 Yuda ba Sela+ asefo ne Leka agya Er, ne Maresa agya Laada ne ntamanwemfo+ mmusua a wofi Asbea fie no;
22 ebinom nso ne Yokim ne Koseba mmarima ne Yoas ne Saraf a wɔwaree Moabfo mmea+ ne Yasubi-Lehem. Nsɛm yi fi tete.+
23 Wɔn ne nkukunwemfo+ a wɔte Netaim ne Gedera. Ɛhɔ na wɔtenae, na wɔyɛɛ adwuma maa ɔhene.+
24 Simeon mma ne Nemuel,+ Yamin,+ Yarib, Sera ne Saul,+
25 na Saul ba ne Salum, na ɔno nso ba ne Mibsam, na ɔno nso ba ne Misma.
26 Misma mma no bi ne Hamuel; Hamuel ba ne Sakur, na ɔno nso ba ne Simei.
27 Simei woo mmabarima dunsia ne mmabea baasia; na ne nuanom anwo mmabarima bebree, na obiara nni wɔn abusua mu a na ɔwɔ mmabarima bebree sɛ Yuda.+
28 Wɔtenaa Beer-Seba+ ne Molada+ ne Hasar-Sual+
29 ne Bilha+ ne Esem+ ne Tolad+
30 ne Betuel+ ne Horma+ ne Siklag+
31 ne Bet-Makabot ne Hasar-Susim+ ne Bet-Biri ne Saaraim.+ Eyinom ne wɔn nkurow kosi bere a Dawid bedii ade.
32 Na wɔn nkuraa ne Etam ne Ain ne Rimon ne Token ne Asan,+ nkurow anum.
33 Wɔn nkurow yi ho nkuraa koduu Baal.+ Eyinom ne wɔn atenae ne wɔn mmusua din.
34 Mesobab ne Yamlek, ne Amasia ba Yosa,
35 ne Yoel ne Asiel ba, Seraia ba, Yosibia ba Yehu,
36 ne Elioenai ne Yaakoba ne Yesohaia ne Asaia ne Adiel ne Yesimiel ne Benaia,
37 ne Semaia ba, Simri ba, Yedaia ba, Alon ba, Sifi ba Sisa:
38 Eyinom a wɔabobɔ wɔn din yi yɛ wɔn abusua mpanyimfo,+ na wɔn agyanom fiefo ase trɛwee pii.
39 Na wɔde wɔn ani kyerɛɛ Gedor pon ano koduu apuei bon no mu sɛ wɔrekɔhwehwɛ adidibea ama wɔn nguan.
40 Na wonyaa adidibea pa+ a adɔ srade; ná asase no sõ na ɛso dwo fɔmm;+ ná wɔn a wɔtete hɔ kan no yɛ Ham asefo.+
41 Yuda hene Hesekia+ nna no mu na eyinom a wɔakyerɛkyerɛw wɔn din no bɛsɛee+ Hamfo ne Meunimfo a na wɔtete hɔ no ntamadan; wɔsɛee wɔn pasaa+ de besi nnɛ, na wɔtenatenaa wɔn nkurow no mu efisɛ wonyaa adidibea+ wɔ hɔ maa wɔn nguan.
42 Na Simeon mma no mu mmarima ahanum fii wɔn mu kɔɔ Bepɔw Seir+ so; Pelatia ne Nearia ne Refaia ne Usiel a wɔyɛ Yisi mma na wodii wɔn anim.
43 Na wokunkum wɔn a woguan fii Amalekfo+ nsam kae no, na wɔtenaa hɔ de besi nnɛ.
