1 Korintofo 8:1-13
8 Na ɛdefa nnuan a wɔde bɔ afɔre ma abosom ho no:+ yenim sɛ yɛn nyinaa wɔ nimdeɛ.+ Nimdeɛ homan, na ɔdɔ ma nkɔso.+
2 Sɛ obi susuw sɛ wanya biribi ho nimdeɛ+ a, onnya nhui sɛnea ɛsɛ sɛ ohu.+
3 Na sɛ obi dɔ Onyankopɔn+ a, ɔno nso nim no.+
4 Afei ɛdefa nnuan a wɔde abɔ afɔre ama abosom a obi bedi+ ho de, yenim sɛ ɔbosom nyɛ hwee+ wɔ wiase, na Onyankopɔn biara nso nni hɔ sɛ obiako no ara.+
5 Ɛwom, ɔsoro oo,+ asase so oo,+ wɔn a wɔfrɛ wɔn “anyame” wɔ hɔ+ sɛnea “anyame” pii ne “awuranom” pii wɔ hɔ no,+
6 nanso yɛn de, Onyankopɔn biako+ na yɛwɔ, Agya+ no a nneɛma nyinaa fi no mu, na yɛwɔ hɔ ma no+ no; na Awurade biako+ na ɔwɔ hɔ, Yesu Kristo,+ a ɛnam no so na nneɛma nyinaa wɔ hɔ,+ na yɛnam no so wɔ hɔ no.
7 Nanso saa nimdeɛ yi nni nnipa nyinaa mu;+ na mmom ebinom a abosom amanne da so wɔ wɔn adwenem de besi nnɛ no di aduan no sɛ biribi a wɔde abɔ afɔre ama ɔbosom bi,+ na esiane sɛ wɔn ahonim yɛ mmerɛw nti, ɛho gu fĩ.+
8 Na ɛnyɛ aduan na ɛbɛma yɛanya Onyankopɔn anim dom;+ sɛ yɛanni a yɛntɔ sin, na sɛ yedi nso a, ɛmma yɛnkyɛn so.+
9 Na monhwɛ yiye na ɔkwan bi so no, tumi a mowɔ yi anto wɔn a wɔyɛ mmerɛw no hintidua.+
10 Na sɛ obi hu wo a wowɔ nimdeɛ no sɛ wote abosonnan mu redidi a, so ɛremma ɔno a ɔyɛ mmerɛw no ahonim nnya ahoɔden nkodu sɛ obedi aduan a wɔde abɔ afɔre ama abosom?+
11 Hwɛ, wo nimdeɛ nti, onipa a ɔyɛ mmerɛw no resɛe, wo nua a ne nti Kristo wui no.+
12 Na sɛ moyɛ mo nuanom no bɔne saa pira wɔn ahonim+ a ɛyɛ mmerɛw no a, na moreyɛ Kristo bɔne.
13 Enti sɛ aduan to me nua hintidua+ a, merenni nam bio da, na manto me nua hintidua.+
