1 Samuel 26:1-25
26 Akyiri yi, Sif+ mmarima baa Saul nkyɛn wɔ Gibea+ bɛkae sɛ: “Ɛnyɛ Dawid na wabehintaw Hakila koko+ a ɛkyerɛ Yesimon+ no so yi?”
2 Ɛnna Saul sɔre+ sian kɔɔ Sif sare so, ɔne Israel mmarima mpem abiɛsa+ a wɔapaw wɔn, sɛ wɔrekɔhwehwɛ Dawid wɔ Sif sare so.
3 Saul bɔɔ nsra wɔ Hakila koko a ɛkyerɛ Yesimon no so, ɔkwan ho. Saa bere no na Dawid te sare so, na ohui sɛ Saul adi n’akyi aba sare no so hɔ.
4 Enti Dawid somaa akwansrafo+ kɔhwɛe sɛ Saul aba hɔ ampa anaa.
5 Akyiri yi, Dawid sɔree, na osiim kɔɔ faako a Saul abɔ nsra no, na Dawid huu baabi a Saul ne Ner ba Abner+ a ɔyɛ ne sahene no deda; ná Saul da nsraban no mu,+ na nnipa no abɔ nsra atwa ne ho ahyia.
6 Ɛnna Dawid bisaa Hitini+ Ahimelek ne Seruia+ ba Abisai,+ Yoab nua no sɛ: “Hena na obesian ne me akɔ Saul nkyɛn nsra no mu?” Na Abisai kae sɛ: “Me na me ne wo bɛkɔ.”+
7 Na Dawid ne Abisai siim kɔɔ nkurɔfo no mu anadwo; na hwɛ! Saul ada wɔ nsraban no mu, na ne peaw si fam wɔ n’atifi, na Abner ne nnipa no nyinaa adeda atwa ne ho ahyia.
8 Ɛnna Abisai ka kyerɛɛ Dawid sɛ: “Onyankopɔn ayi wo tamfo ahyɛ wo nsa+ nnɛ. Enti afei, mesrɛ wo, ma memfa peaw nwɔ no biako pɛ nsi fam, merenwɔ no mprenu.”
9 Nanso Dawid ka kyerɛɛ Abisai sɛ: “Nni no awu, na hena na wateɛ ne nsa aka nea Yehowa asra no+ na wafa ne ho adi pɛn?”+
10 Na Dawid toaa so kae sɛ: “Sɛ́ Yehowa te ase yi,+ Yehowa na ɔbɛbɔ no;+ anyɛ saa nso a, ne da bedu+ ma wawu, anaa ɔbɛkɔ ɔsa+ ma wɔapra no akɔ.+
11 Ɛmpare me+ sɛ megyina Yehowa anim+ ateɛ me nsa+ aka nea Yehowa asra no!+ Enti mesrɛ wo, fa peaw a ɛwɔ n’atifi no ne nsutoa no ma yɛnkɔ.”
12 Enti Dawid faa peaw ne nsutoa no fii Saul atifi, na wosii kwan so; obiara anhu wɔn,+ na obiara nso ante wɔn nka, na obiara annyan; ná wɔn nyinaa adeda, efisɛ Yehowa na ɔma wɔdaa hatee.+
13 Afei Dawid twaam kɔɔ ɔfã nohoa kogyinaa bepɔw so wɔ akyiri; ná ɔkwan a ɛda wɔn ntam no ware.
14 Ɛnna Dawid teɛɛm frɛɛ nkurɔfo no ne Ner ba Abner sɛ: “Abner, enti merefrɛ yi wunnye so?” Na Abner+ buae sɛ: “Wo hena na worefrɛ ɔhene yi?”
15 Ɛnna Dawid ka kyerɛɛ Abner sɛ: “Wonyɛ ɔbarima anaa? Hena na ɔte sɛ wo wɔ Israel? Dɛn nti na woanwɛn wo wura ɔhene yi? Obi baa hɔ sɛ anka ɔrebedi wo wura ɔhene awu.+
16 Nea woayɛ yi nye. Sɛ́ Yehowa te ase yi,+ mo nyinaa mofata owu,+ efisɛ moanwɛn+ mo wura a Yehowa asra no+ no. Afei monhwɛ nea ɔhene peaw ne nsutoa+ a na esi n’atifi no wɔ.”
17 Ɛnna Saul hui sɛ ɛyɛ Dawid nne, na obisae sɛ: “Me ba Dawid, wo nne na mete yi anaa?”+ Na Dawid buae sɛ: “Me wura ɔhene, ɛyɛ me nne.”
18 Na ɔtoaa so kae sɛ: “Dɛn nti na me wura retaa n’akoa+ yi? Dɛn na mayɛ? Bɔne bɛn na ɛwɔ me nsam?+
19 Enti afei, mesrɛ wo, me wura ɔhene, tie w’akoa asɛm a mereka yi: Sɛ Yehowa na ɔrepiapia wo tia me a, ma onnye me nsam aduan afɔre.+ Na sɛ ɛyɛ nnipa mma+ nso a, ɛnde wɔadome wɔn Yehowa anim+ efisɛ wɔapam me nnɛ afi Yehowa agyapade+ ho sɛnea minni kyɛfa bi wom, na wɔaka sɛ, ‘Kɔ, kɔsom anyame foforo!’+
20 Na afei mma me mogya nnhwie nngu fam Yehowa anim;+ sommɔre+ biako pɛ yi na Israel hene afi adi rekɔhwehwɛ no sɛnea obi pam akokɔhwerew wɔ mmepɔw so yi.”+
21 Ɛnna Saul kae sɛ: “Mayɛ bɔne.+ Me ba Dawid, san bra na merenyɛ wo bɔne bio, efisɛ me kra asom bo+ w’ani so nnɛ. Hwɛ! madi nkwaseasɛm, na mafom pii.”
22 Na Dawid kae sɛ: “Ɔhene peaw no ni, ma mmerante no biako mmra mmegye.
23 Na Yehowa na obetua obiara ka, sɛnea obiara trenee+ ne ne nokwaredi te, efisɛ ɛnnɛ Yehowa de wo hyɛɛ me nsa, nanso mampɛ sɛ meteɛ me nsa ka nea Yehowa asra no.+
24 Hwɛ, sɛnea ɛnnɛ wo kra ayɛ adekɛse m’ani so no, saa ara na ma me kra nso nyɛ adekɛse Yehowa ani so,+ na onyi me mfi ahohia nyinaa mu.”+
25 Ɛnna Saul ka kyerɛɛ Dawid sɛ: “Nhyira nka wo, me ba Dawid. Ɛnyɛ nnwuma nko na wode wo nsa bɛyɛ na mmom wubedi nkonim+ nso.” Na Dawid siim kɔɔ ne kwan, na Saul nso san kɔɔ baabi a ofi bae.+
