1 Tesalonikafo 4:1-18
4 Awiei koraa, anuanom, yɛsrɛ mo, na yetu mo fo Awurade Yesu mu sɛ sɛnea munyaa akwankyerɛ fii yɛn nkyɛn a ɛkyerɛ sɛnea ɛsɛ sɛ monantew+ na mosɔ Onyankopɔn ani, a saa ara nso na mugu so nantew no, monkɔ so nyɛ no kɛse.+
2 Na munim ahyɛde+ a yɛnam Awurade Yesu so de maa mo no.
3 Na eyi ne nea Onyankopɔn pɛ, sɛ mo ho bɛtew,+ sɛ mobɛtwe mo ho afi aguamammɔ ho;+
4 sɛ mo mu biara behu sɛnea ɔbɛhyɛ n’ankasa nipadua so+ wɔ ahotew+ ne nidi mu,
5 na ɛnyɛ nna ho akɔnnɔ bɔne mu+ te sɛ aman+ a wonnim Onyankopɔn no;+
6 sɛ obiara nnyɛ ade mmpira ne nua anaa onnni no aboro wɔ asɛm yi mu,+ efisɛ Yehowa na ɔde eyinom nyinaa ho asotwe ma,+ sɛnea yedii kan kaa ho asɛm kyerɛɛ mo na yedii mo adanse fefeefe no.+
7 Ɛnyɛ afideyɛ nti na Onyankopɔn frɛɛ yɛn, na mmom ahotew ntia.+
8 Enti nea obu nkyerɛkyerɛ yi animtiaa no,+ ɛnyɛ onipa na obu no animtiaa, na mmom Onyankopɔn+ a ɔde ne honhom kronkron+ hyɛ mo mu no.
9 Na ɛdefa onuadɔ+ ho no, enhia sɛ yɛkyerɛw ho asɛm brɛ mo, efisɛ Onyankopɔn akyerɛkyerɛ mo+ sɛ monnodɔ mo ho;+
10 na ampa, moda no adi kyerɛ anuanom nyinaa wɔ Makedonia baabiara. Nanso, anuanom, yetu mo fo sɛ, monkɔ so nyɛ mmoro so,
11 na momfa nyɛ mo botae sɛ mobɛtena hɔ komm+ adi mo ankasa mo fie asɛm,+ na mode mo nsa ayɛ adwuma,+ sɛnea yɛhyɛɛ mo no;
12 na moanantew fɛfɛɛfɛ+ wɔn a wɔwɔ akyi no anim,+ a ɛnka mo hwee.+
13 Afei nso anuanom, yɛmpɛ sɛ wɔn a wɔadeda+ wɔ owu mu no ho asɛm behintaw mo, na moanni awerɛhow sɛnea wɔn a aka a wonni anidaso biara no yɛ no.+
14 Na sɛ yɛwɔ gyidi sɛ Yesu wui na wasɔre bio a,+ saa ara nso na Onyankopɔn nam Yesu so de wɔn a wɔawuwu no bɛka ne ho aba.+
15 Na eyi na yɛnam Yehowa asɛm+ so ka kyerɛ mo, sɛ yɛn ateasefo a yɛbɛtena ase akosi Awurade mmae+ mu no renni wɔn a wɔawuwu no anim;
16 efisɛ Awurade ankasa de nteɛm a emu yɛ den, ɔbɔfo panyin+ nne ne Onyankopɔn torobɛnto+ besian afi soro,+ na wɔn a wɔawuwu Kristo mu no bedi kan asɔre.+
17 Ɛno akyi no, wɔbɛfa yɛn,+ ateasefo a yɛaka no ne wɔn+ nyinaa omununkum+ mu akohyia+ Awurade wɔ wim; na saa na yɛne Awurade bɛtena daa.+
18 Ne saa nti monkɔ so ara mfa nsɛm yi nkyekye mo ho mo ho werɛ.
