1 Timoteo 2:1-15
2 Enti nea edi kan koraa no, mehyɛ wo nkuran sɛ momfa nkotɔsrɛ, mpaebɔ,+ srɛ a wɔsrɛ ma afoforo ne aseda nni mma nnipa ahorow nyinaa,+
2 ahene+ ne wɔn a wɔwɔ dibea a ɛkorɔn nyinaa;+ ɛno bɛma yɛde asomdwoe ne kommyɛ abɔ yɛn bra wɔ onyamesom pa ne anidahɔ a edi mũ mu.+
3 Eyi na eye na ɛfata+ wɔ yɛn Agyenkwa Nyankopɔn+ anim;
4 ɔno na ɔpɛ sɛ ogye+ nnipa ahorow nyinaa+ ma wobenya nokware+ no ho nimdeɛ+ a edi mũ.
5 Na Onyankopɔn koro+ na ɔwɔ hɔ, ne Onyankopɔn+ ne nnipa+ ntamgyinafo+ koro, onipa Kristo Yesu+
6 a ɔde ne ho mae sɛ agyede a ɛfata maa nnipa nyinaa+—eyi na wobedi ho adanse wɔ ne bere mu.
7 Adanse+ yi nti na wɔpaw me sɛ ɔsɛnkafo ne ɔsomafo+—nokware na mereka,+ ɛnyɛ atoro—amanaman+ kyerɛkyerɛfo wɔ gyidi+ ne nokware ho.
8 Enti mepɛ sɛ mmarima kura mpaebɔ mu baabiara, na wɔma nsa+ a ɛho tew so a abufuw+ ne akyinnyegye+ mma mu.
9 Saa ara nso na mepɛ sɛ mmea de fɛre+ ne adwenemtew hyɛ ntade a ɛfata, ɛnyɛ mmɛsawɔw soronko ne sika anaa nhene anaa ntade a ne bo yɛ den kɛse+ mu,
10 na mmom nea ɛfata mmea a wɔkyerɛ sɛ wɔsom Onyankopɔn,+ denam nnwuma pa+ so.
11 Ɔbea nyɛ komm mfi ahobrɛase nyinaa mu nsua ade.+
12 Memma ɔbea kwan sɛ ɔnkyerɛkyerɛ+ anaasɛ onni ɔbarima so tumi,+ na mmom sɛ ɔnyɛ komm.
13 Efisɛ Adam na wodii kan bɔɔ no ansa na wɔrebɔ Hawa.+
14 Afei nso ɛnyɛ Adam na wɔdaadaa+ no, na mmom ɔbea no na wɔdaadaa+ no ma ɔtoo mmara.+
15 Nanso sɛ ɔkɔ so tena gyidi ne ɔdɔ ne ahotew ne adwenemtew+ mu a, ɔnam abawo+ so benya ahobammɔ.
