1 Yohane 5:1-21
5 Obiara a ogye di sɛ Yesu ne Kristo no, Onyankopɔn na wawo no,+ na obiara a ɔdɔ nea wawo no no, ɔdɔ nea onii no awo no no.+
2 Nea ɛma yehu sɛ yɛdɔ+ Onyankopɔn mma+ ne sɛ yɛbɛdɔ Onyankopɔn na yɛadi n’ahyɛde so.+
3 Na eyi ne nea Onyankopɔn dɔ+ kyerɛ, sɛ yebedi n’ahyɛde so;+ na n’ahyɛde nyɛ den,+
4 efisɛ biribiara a Onyankopɔn awo+ no di wiase so nkonim.+ Na nea adi wiase so nkonim+ ne yɛn gyidi.+
5 Hena ne nea wadi wiase+ so nkonim+ sɛ nea ogye di+ sɛ Yesu yɛ Onyankopɔn Ba no?+
6 Oyi ne nea ɔnam nsu ne mogya so bae no, Yesu Kristo; ɛnyɛ nsu+ nkutoo so, na mmom nsu ne mogya+ so. Na honhom+ na edi adanse, efisɛ honhom no ne nokware no.
7 Na abiɛsa na edi adanse,
8 honhom+ ne nsu+ ne mogya,+ na abiɛsa yi yɛ biako.+
9 Sɛ yegye adanse a nnipa de ma+ a, adanse a Onyankopɔn de ma kyɛn no, efisɛ adanse a Onyankopɔn de ma ne nokwasɛm a ɛne sɛ wadi ne Ba no ho adanse.+
10 Nea ogye Onyankopɔn Ba no di no ankasa nya adanse+ no. Nea onnye Onyankopɔn nni no ama wayɛ ɔtorofo,+ efisɛ wannye adanse a Onyankopɔn, sɛ ɔdansefo+ no, adi+ wɔ ne Ba no ho no anni.
11 Na eyi ne adanse a wɔde ama no, sɛ Onyankopɔn maa yɛn daa nkwa,+ na nkwa yi wɔ ne Ba no mu.+
12 Nea ɔwɔ Ɔba no wɔ nkwa; nea onni Ɔba no nni nkwa.+
13 Merekyerɛw eyinom abrɛ mo a mugye Onyankopɔn Ba no din di+ no na moahu sɛ mowɔ daa nkwa.+
14 Ahotoso a yɛwɔ wɔ ne mu+ ne sɛ biribiara a yebisa sɛnea n’apɛde te no, otie yɛn.+
15 Bio nso, sɛ yenim sɛ otie biribiara a yebisa no a,+ yenim sɛ yɛn nsa bɛka nea yɛabisa no, efisɛ yɛabisa afi ne hɔ.+
16 Sɛ obi hu sɛ ne nua reyɛ bɔne a ɛnkɔ owu mu+ a, ommisa na ɔbɛma no nkwa,+ yiw, ɔde bɛma wɔn a wɔnyɛ bɔne a ɛkɔ owu mu+ no. Bɔne bi wɔ hɔ a, ɛkɔ owu mu. Saa bɔne yi ho de, menka sɛ ommisa.+
17 Nea ɛnteɛ nyinaa yɛ bɔne;+ nanso bɔne bi wɔ hɔ a ɛnkɔ owu mu.
18 Yenim sɛ obiara a Onyankopɔn awo no+ no ntena bɔne mu, mmom Nea+ Onyankopɔn awo no no hwɛ no so, na ɔbɔnefo no ntumi nso ne mu.+
19 Yenim sɛ yefi Onyankopɔn,+ nanso wiase nyinaa da ɔbɔnefo no tumi mu.+
20 Na yenim sɛ Onyankopɔn Ba no aba,+ na wama yɛn adwene+ a yetumi de nya ɔnokwafo no ho nimdeɛ.+ Yɛne ɔnokwafo no ayɛ biako+ denam ne Ba Yesu Kristo so. Eyi ne nokware+ Nyankopɔn ne daa nkwa+ no.
21 Mma nkumaa, monhwɛ mo ho yiye wɔ ahoni ho.+
