2 Beresosɛm 15:1-19
15 Na Onyankopɔn honhom+ baa Oded+ ba Asaria so.
2 Ɛnna ofii adi kɔɔ Asa anim, na ɔka kyerɛɛ no sɛ: “Asa, wo ne Yuda ne Benyamin nyinaa, muntie me ɛ! Yehowa de, sɛ mo ne no tena a, ɔno nso ne mo bɛtena;+ sɛ mohwehwɛ+ no a, ɔbɛma moahu no, na sɛ mugyaw no a, ɔno nso begyaw mo.+
3 Nna pii na Israel+ tenaa ase a na wonni nokware Nyankopɔn ne ɔsɔfo a ɔkyerɛkyerɛ+ wɔn ne Mmara.
4 Nanso sɛ wɔkɔ ahohia mu+ na wɔsan ba Yehowa, Israel Nyankopɔn+ nkyɛn bɛhwehwɛ no a, ɔma wohu no.+
5 Saa bere no na asomdwoe bi nni hɔ mma nea ofi adi ne nea ɔba mu,+ efisɛ na sakasaka pii wɔ asase no so nnipa nyinaa mu.+
6 Wɔbobɔɔ wɔn ho pasaa, ɔman ne ɔman,+ kurow ne kurow, efisɛ Onyankopɔn na ɔmaa wɔn ani tanee, ahohia nyinaa mu.+
7 Na mo de, momma mo bo nyɛ duru,+ na mommma mo nsam nngow,+ efisɛ mubenya mo adwuma no so akatua.”+
8 Bere a Asa tee nsɛm yi ne odiyifo Oded+ nkɔmhyɛ no ara pɛ, ɔhyɛɛ ne ho den, na oyii atantanne+ no fii Yuda ne Benyamin asase nyinaa so ne nkurow a ogyei wɔ Efraim mmepɔw so+ no mu, na Yehowa afɔremuka a esi Yehowa abantenten+ no anim no, ɔyɛɛ no foforo.
9 Afei ɔboaboaa Yuda ne Benyamin+ ne ahɔho+ a wofi Efraim ne Manase ne Simeon bɛkaa wɔn ho no nyinaa ano; wohui sɛ Yehowa, ne Nyankopɔn di n’akyi, enti nnipa pii wae fii Israel baa n’afã.+
10 Asa ahenni afe a ɛto so dunum, ɔsram a ɛto so abiɛsa no mu na wɔboaboaa wɔn ano wɔ Yerusalem.
11 Ɛnna wɔde asade a wɔde bae no bi bɔɔ afɔre maa Yehowa saa da no; wɔde anantwi ahanson ne nguan mpemnson.
12 Na wɔkɔɔ apam+ sɛ wɔde wɔn koma ne wɔn kra nyinaa bɛhwehwɛ Yehowa, wɔn agyanom Nyankopɔn no;+
13 na obiara a ɔrenhwehwɛ Yehowa, Israel Nyankopɔn no, akumaa oo, ɔkɛse oo,+ ɔbarima oo, ɔbea oo,+ wonkum no.+
14 Enti wɔde nne kɛse ne osebɔ ne ntorobɛnto ne mmɛn kaa ntam+ kyerɛɛ Yehowa.
15 Na Yuda nyinaa ani gyee+ ntam no ho, efisɛ wɔde wɔn koma nyinaa na ɛkaa ntam no. Anigye kɛse na wɔde hwehwɛɛ no, na ɔma wohuu no,+ na Yehowa maa wɔn ahome afã nyinaa hyiae.+
16 Asa nanabea Maaka+ nso, ɔhene+ tuu no ade so, na wamma wanyɛ ɔbaapanyin+ bio, efisɛ ɔyɛɛ ohoni huhuuhu bi a wɔde som abosonnua;+ enti Asa twaa ohoni+ no bubuu no dukuduku na ɔkɔhyewee+ wɔ Kidron subon+ no mu.
17 Nanso sorɔnsorɔmmea+ no amfi Israel.+ Na Asa de, ne koma dii mũ ne nna nyinaa.+
18 Na ɔde nneɛma a ne papa yɛɛ no kronkron ne nea+ n’ankasa yɛɛ no kronkron no baa nokware Nyankopɔn fie hɔ, dwetɛ ne sika ne anwenne.+
19 Ɔko de, ebi amma de kosii Asa ahenni afe a ɛto so aduasa anum so.+
