2 Beresosɛm 2:1-18
2 Ɛnna Solomon hyɛe sɛ wonsi ofie+ mma Yehowa din+ na wonsi ahemfie mma no.+
2 Enti Solomon kan mmarima mpem aduɔson sɛ wɔnsoasoa nneɛma, ne mmarima mpem aduɔwɔtwe sɛ wɔmpae abo wɔ mmepɔw so,+ na oyii mmarima mpem abiɛsa ahansia sɛ wɔnhwɛ wɔn so.+
3 Bio nso Solomon soma kɔɔ Tiro hene Hiram+ nkyɛn kɔka kyerɛɛ no sɛ: “Sɛnea wo ne me papa Dawid+ dii, na wode nkyeneduru brɛɛ no ma ɔde sii ofie tenaa mu no,—
4 me nso merebesi+ ofie ama Yehowa me Nyankopɔn din+ na matew ho+ ahyew aduhuam+ n’anim, na mede paanoo a wɔde kyerɛ daa,+ ne anɔpa ne anwummere ɔhyew afɔre+ ama no homeda homeda,+ ne ɔsram foforo,+ ne Yehowa yɛn Nyankopɔn afahyɛ bere+ mu. Eyi na Israel bɛyɛ daa.+
5 Na ofie a merebesi no sõ,+ efisɛ yɛn Nyankopɔn yɛ kɛse sen anyame nyinaa.+
6 Hena na ɔwɔ ahoɔden a obetumi asi ofie ama no?+ Ɔsoro ne ɔsoro mu soro mpo ntumi nkora no,+ na hena ne me+ a mesi ofie ama no? Nea metumi ayɛ ara ne sɛ mesi na wɔahyew afɔrebɔde wɔ n’anim.+
7 Enti ma me ɔbarima a ne ho akokwaw a obetumi ayɛ sika ne dwetɛ ne kɔbere ne dade ne tankɔkɔɔ ne nea ɛbere dum ne ahama bruu, ho adwuma+ na onim nsamaa yiyi, ma ɔmmɛka mmarima a wɔn ho akokwaw a wɔwɔ me nkyɛn wɔ Yuda ne Yerusalem a me papa Dawid yiyii wɔn sii hɔ no ho.+
8 Brɛ me Lebanon+ nkyeneduru,+ ɔpopaw+ nnua, ne algum nnua,+ na minim sɛ wo nkoa nim Lebanon nnua twa yiye,+ (me nkoa ne wo nkoa bɛbom ayɛ adwuma no).
9 Ma wonsiesie nnua pii mma me, na ofie a merebesi no sõ yiye.
10 Hwɛ! Wo nkoa a wɔboaboa nnua ano ne wɔn a wotwa nnua no, nnuan a mede bɛma wɔn ni: Awi, kor+ mpem aduonu; atoko, kor mpem aduonu; bobesa,+ nhina mpem aduonu; ne ngo, nhina mpem aduonu.”
11 Ɛnna Tiro+ hene Hiram kyerɛw krataa brɛɛ Solomon sɛ: “Yehowa dɔ+ ne man nti na ɔde wo asi wɔn so hene.”+
12 Hiram toaa so sɛ: “Nhyira nka Yehowa, Israel Nyankopɔn+ a ɔyɛɛ ɔsoro ne asase+ no, efisɛ wama Ɔhene Dawid ɔba nyansafo, ɔba a ɔwɔ nhumu ne ntease+ a obesi ofie ama Yehowa na wasi n’ahemfie+ nso.
13 Na afei meresoma ɔbarima a ne ho akokwaw na ɔwɔ nimdeɛ pii, Hiram-Abi;+
14 ɔbea bi a ofi Danfo mu a ne papa fi Tiro ba ne no; ne ho akokwaw. Ɔno na ɔbɛba abɛyɛ sika ne dwetɛ ne kɔbere,+ dade ne abo+ ne nnua, tankɔkɔɔ,+ ahama bruu+ ne nwera pa+ ne ntama a ɛbere dum+ ho adwuma; onim nsamaa+ ahorow nyinaa yiyi, na obetumi adi adwini+ biara a wɔde bɛhyɛ ne nsa; ɔne wo mmarima a wɔn ho akokwaw ne me wura, wo papa Dawid mmarima a wɔn ho akokwaw na ɛbɛyɛ adwuma.
15 Afei awi ne atoko ne ngo ne bobesa a me wura hyɛɛ ho bɔ no, ɔmfa mmrɛ ne nkoa.+
16 Yɛn de, yebetwa nnua+ dodow biara a wuhia+ afi Lebanon de agu po+ so aba Yopa,+ na wode akɔ Yerusalem.”
17 Ɛnna Solomon kan mmarima a wɔyɛ ahɔho wɔ Israel asase so+ nyinaa, nea ne papa Dawid kan wɔn no akyi,+ na onyaa mpem ɔha aduonum abiɛsa ne ahansia.
18 Enti oyii wɔn mu mpem aduɔson sɛ wɔnsoasoa nneɛma,+ ne mpem aduɔwɔtwe sɛ wɔmpae abo+ wɔ mmepɔw so, na oyii mpem abiɛsa ahansia sɛ wɔnhwɛ nkurɔfo no so mma wɔnyɛ adwuma.+
