2 Ahene 22:1-20
22 Yosia+ bedii ade no, na wadi mfe awotwe, na odii hene mfe aduasa biako wɔ Yerusalem. Ne maame din de Yedida a ɔyɛ Adaia a ofi Boskat+ no ba.
2 Ɔyɛɛ nea ɛteɛ Yehowa ani so,+ na ɔnantew ne nana Dawid kwan nyinaa so,+ na wamman ankɔ nifa anaa benkum.+
3 Ɔhene Yosia afe a ɛto so dunwɔtwe mu no, ɔhene somaa Mesulam ba Asalia ba ɔkyerɛwfo Safan+ kɔɔ Yehowa fie sɛ:
4 “Kɔ ɔsɔfo panyin+ Hilkia+ nkyɛn, na ka kyerɛ no sɛ sika+ a wɔde ba Yehowa fie+ hɔ a apon ano ahwɛfo+ no boaboa ano fi ɔman no nkyɛn no, onwie ho adwuma.
5 Ma wɔmfa nhyɛ adwumayɛfo no nsa,+ kyerɛ sɛ, wɔn a wɔdeda adwuma no ano wɔ Yehowa fie hɔ no, na wɔde ama nnipa a wɔreyɛ adwuma wɔ Yehowa fie hɔ no ma wɔde asiesie fie no,+
6 adwumfo ne adansifo ne abantofo no, na wɔde bi atɔ nnua a wɔapae ne abo a wɔapae a wɔde besiesie fie hɔ.+
7 Nnipa a wɔde sika bɛhyɛ wɔn nsa no de, ɛnsɛ sɛ wɔma wobu ho akontaa,+ efisɛ nokwaredi+ mu na wɔreyɛ adwuma no.”
8 Akyiri yi ɔsɔfo panyin Hilkia+ ka kyerɛɛ ɔkyerɛwfo+ Safan+ sɛ: “Mmara nhoma+ no, makohu wɔ Yehowa fie hɔ.” Enti Hilkia de nhoma no maa Safan, na ofii ase kenkanee.
9 Na ɔkyerɛwfo Safan baa ɔhene anim, na ɔka kyerɛɛ ɔhene sɛ: “Sika a ɛwɔ fie hɔ no, wo nkoa ahwie de ahyɛ adwumayɛfo, ahwɛfo no nsa wɔ Yehowa fie hɔ.”+
10 Afei ɔkyerɛwfo Safan ka kyerɛɛ ɔhene sɛ: “Ɔsɔfo Hilkia de nhoma+ bi ama me.” Ɛnna Safan fii ase kenkanee wɔ ɔhene anim.
11 Na bere a ɔhene tee mmara nhoma no mu nsɛm ara pɛ, osuan n’atade mu.+
12 Ɛnna ɔhene hyɛɛ ɔsɔfo Hilkia ne Safan ba Ahikam+ ne Mikaia ba Akbor ne ɔkyerɛwfo Safan ne ɔhene akoa Asaia+ sɛ:
13 “Monkɔ nkobisa+ Yehowa mma me ne ɔman no ne Yuda nyinaa, nhoma a wɔahu yi mu nsɛm nti, na Yehowa abufuw+ a aba yɛn so no sõ, efisɛ yɛn agyanom+ antie nhoma yi mu nsɛm anyɛ sɛnea wɔakyerɛw wom afa yɛn ho no+ nyinaa.”
14 Ɛnna ɔsɔfo Hilkia ne Ahikam ne Akbor ne Safan ne Asaia kɔɔ odiyifobea+ Hulda, ntade sohwɛfo+ Harhas ba Tikwa ba Salum yere, no nkyɛn; saa bere no, na odiyifobea no te Yerusalem kurow foforo no mu, na wɔkɔkaa asɛm no kyerɛɛ no.+
15 Na ɔno nso ka kyerɛɛ wɔn sɛ: “Nea Yehowa, Israel Nyankopɔn aka ni,+ ‘Monkɔka nkyerɛ ɔbarima a ɔsomaa mo me nkyɛn no sɛ:
16 “Nea Yehowa aka ni, ‘Hwɛ, mede mmusu+ reba kurow yi ne wɔn a wɔtete mu no so;+ nsɛm+ a wɔakyerɛw wɔ nhoma a Yuda hene akenkan no mu nyinaa, mede reba;+
17 efisɛ wɔagyaw me akɔhyew afɔrebɔde ama anyame foforo,+ sɛ wɔde wɔn nsa ano adwuma+ nyinaa bɛhyɛ me abufuw; m’abufuw aba kurow yi so a ɛrennum.’”’+
18 Na Yuda hene a ɔsomaa mo sɛ mummebisa Yehowa anom asɛm no, monka nkyerɛ no sɛ: ‘Nea Yehowa, Israel Nyankopɔn no aka ni: “Nsɛm a woate no,+
19 sɛ́ woanyɛ wo koma+ den na wobrɛɛ wo ho ase+ Yehowa anim bere a wotee nsɛm a maka atia kurow yi ne wɔn a wɔtete mu sɛ ɛbɛyɛ ahodwiriwde ne nnome,+ na wusuan+ w’atade mu sui m’anim nti, me nso mate,” Yehowa asɛm ni.+
20 “Ɛno nti hwɛ, mɛboaboa+ wo akɔka w’agyanom ho, na wɔbɛboaboa wo akɔ wo damoa mu asomdwoe mu,+ na w’aniwa renhu mmusu a mede reba kurow yi so no.”’” Enti wɔde mmuae no kɔmaa ɔhene.
