2 Ahene 7:1-20
7 Ɛnna Elisa kae sɛ: “Muntie Yehowa asɛm.+ Nea Yehowa aka ni, ‘Ɔkyena sesɛɛ esiam susukora biako bo bɛyɛ dwetɛbona biako, na atoko susukora abien bo bɛyɛ dwetɛbona biako wɔ Samaria kurow pon ano.’”+
2 Ɛhɔ ara na okunini a ɔhene tweri+ ne nsa so no bisaa nokware Nyankopɔn nipa no sɛ: “Sɛ Yehowa rebue ɔsoro mfɛnsere+ mpo a, anka asɛm yi betumi aba mu?”+ Na ɔno nso kae sɛ: “Wode w’aniwa na ebehu,+ nanso ebi renka w’ano.”+
3 Ná mmarima akwatafo baanan bi wɔ kurow no pon ano,+ na wɔkeka kyerɛɛ wɔn ho sɛ: “Dɛn nti na yɛretena ha awu yi?
4 Sɛ yɛka sɛ, ‘Momma yɛnkɔ kurow no mu’ bere a ɔkɔm wɔ kurow no mu a, yebewuwu wɔ hɔ.+ Na sɛ yɛtena ha nso a, yebewuwu. Enti momma yɛmmɔ nwura Siriafo nsra no mu. Sɛ wɔkora yɛn so a, yɛbɛtena nkwa mu, na sɛ wokunkum yɛn nso a, na yɛawu.”+
5 Ɛnna wɔsɔree anwummere a esum aba kɔɔ Siriafo nsra no mu; wɔkɔe ara koduu Siriafo nsra no ano, na hwɛ! wɔanhu obiara wɔ hɔ.
6 Ná Yehowa ama Siriafo no ate+ ɔko nteaseɛnam, apɔnkɔ, ne asraafodɔm kɛse nka+ wɔ wɔn nsra no mu. Enti wɔkeka kyerɛɛ wɔn ho sɛ: “Hwɛ! Israel hene na wakɔbɔ Hitifo ahene+ ne Egypt ahene+ paa ama wɔreba yɛn so no oo!”
7 Ntɛm ara na wɔsɔre guan anwummere a esum aba+ no, na wogyaw wɔn ntamadan ne wɔn apɔnkɔ+ ne wɔn mfurum—woguan gyee wɔn kra+ nkwa gyaw nsra no saa ara.
8 Bere a akwatafo yi beduu nsra no ano no, wɔhyɛn ntamadan biako mu, na wodidi nomee, na wɔsesaw dwetɛ ne sika ne ntade fii hɔ de kosiei. Ɛno akyi no, wɔsan bae bɛhyɛn ntamadan foforo mu, na wɔsesaw nneɛma fii hɔ de kosiei.+
9 Afei wɔkeka kyerɛɛ wɔn ho sɛ: “Nea yɛreyɛ yi nye. Ɛnnɛ yɛ anigye da!+ Sɛ yɛtwentwɛn yɛn nan ase, na yɛtenatena ho ma ade kye a, asodi na ɛbɛba yɛn so.+ Enti momma yɛnkɔbɔ amanneɛ wɔ ahemfie.”
10 Ɛnna wɔbae bɛfrɛɛ kurow pon ano ahwɛfo+ no, na wɔka kyerɛɛ wɔn sɛ: “Yɛkɔɔ Siriafo nsra mu, na hwɛ! yɛanhu obiara na yɛante obiara nka wɔ hɔ, gye apɔnkɔ ne mfurum a wɔamantam wɔn ne ntamadan a wɔagyaw hɔ saa ara.”+
11 Ɛhɔ ara na apon ano ahwɛfo no frɛe na wɔkɔbɔɔ amanneɛ wɔ ahemfie.
12 Ntɛm ara na ɔhene sɔree anadwo, na ɔka kyerɛɛ n’asomfo+ sɛ: “Momma menka nea Siriafo pɛ sɛ wɔde yɛ yɛn.+ Wonim sɛ ɔkɔm de yɛn,+ enti wɔafi wɔn nsra mu akohintaw wuram,+ na wɔaka sɛ, ‘Sɛ wofi kurow no mu ba a, yɛbɛkyere wɔn animono, na yɛahyɛn kurow no mu.’”
13 Ɛnna n’asomfo no biako ka kyerɛɛ no sɛ: “Mesrɛ wo, ma nnipa mfa kurow no mu apɔnkɔ a aka+ no anum nkɔ. Hwɛ! Wɔn nso te sɛ Israelfo a wɔaka kurow yi mu no ara. Wɔte sɛ Israelfo dodow a wɔawuwu no ara.+ Na ma yɛnsoma wɔn mma wɔnkɔhwɛ.”
14 Enti wɔfaa nteaseɛnam abien ne apɔnkɔ, na ɔhene somaa wɔn sɛ wɔnkɔ Siriafo nsra no mu, na ɔkae sɛ: “Monkɔ na monkɔhwɛ.”
15 Ɛnna wodii wɔn akyi ara koduu Yordan ho, na hwɛ! ntade ne anwenne+ a ahopere nti Siriafo a wɔreguan no totow gui no ayɛ kwan no so mã.+ Enti abɔfo no bɛbɔɔ ɔhene amanneɛ.
16 Ɛnna ɔman no fii adi kɔfow+ Siriafo nsra no mu nneɛma; enti esiam susukora biako bo bɛyɛɛ dwetɛbona biako, na atoko susukora abien bo bɛyɛɛ dwetɛbona biako sɛnea Yehowa kae no.+
17 Na ɔhene paw okunini a otweri+ ne nsa so no sɛ ɔnhwɛ kurow pon no ano; na ɔman no tiatiaa+ no so wɔ ɔpon no ano ma owui sɛnea nokware Nyankopɔn nipa no kae+ bere a ɔhene baa ne nkyɛn a ɔkasae no.
18 Enti sɛnea nokware Nyankopɔn nipa no ka kyerɛɛ ɔhene no, ɛbaa mu saa sɛ: “Esiam susukora biako bo bɛyɛ dwetɛbona biako, na atoko susukora abien bo bɛyɛ dwetɛbona biako wɔ Samaria kurow pon ano ɔkyena sesɛɛ.”+
19 Nanso okunini no bisaa nokware Nyankopɔn nipa no sɛ: “Sɛ Yehowa rebue ɔsoro mfɛnsere mpo a, anka asɛm yi betumi aba mu?”+ Na ɔno nso kae sɛ: “Wode w’aniwa na ebehu, nanso ebi renka w’ano.”+
20 Enti saa na ɛtoo no,+ efisɛ ɔman no tiatiaa+ no so wɔ kurow pon no ano ma owui.
