2 Korintofo 10:1-18
10 Afei me Paulo, m’ankasa mede Kristo dwo+ ne n’ayamye+ tu mo fo, me a sɛ mewɔ mo nkyɛn a, menyɛ nipa mũ biara,+ nanso minni hɔ a, meyɛ ɔkokodurufo ma mo no.+
2 Nokwarem no, meresrɛ na sɛ meba a mamfa ahotoso anyɛ m’ade akokoduru so sɛnea mepɛ sɛ mede nnamyɛ yɛ ade+ tia wɔn a wɔhwɛ yɛn sɛnea yɛte ɔhonam mu no.
3 Na yɛnam ɔhonam mu+ de, nanso yɛnkɔ ɔsa honam mu,+
4 efisɛ akode a yɛde kɔ sa no nyɛ honam mu de,+ nanso Onyankopɔn ma ɛyɛ den,+ na yetumi de tutu nneɛma a agye ntini gu.
5 Na yɛretutu nsusuwii ne ade a ɛkorɔn biara a wɔama so atia Onyankopɔn nimdeɛ agu;+ na yɛfa nsusuwii nyinaa nnommum ma ɛyɛ setie ma Kristo;
6 na yɛasiesie yɛn ho sɛ sɛ moyɛ asoɔmmerɛw wie ara pɛ a,+ yɛde asoɔden nyinaa ho asotwe bɛma.+
7 Mohwɛ nneɛma aniani.+ Sɛ obi gye ne ho di sɛ ɔyɛ Kristo dea a, ma ɔnsan nsusuw saa nokwasɛm yi ho sɛ, sɛnea ɔyɛ Kristo dea no, saa ara na yɛn nso yɛyɛ Kristo dea.+
8 Na sɛ mehoahoa me ho+ boro so kakra wɔ tumi a Awurade de ama yɛn sɛ yɛmfa nhyɛ mo den na ɛnyɛ sɛ yɛde bebu mo abam+ no ho mpo a, m’ani renwu,
9 na anyɛ sɛ nea mepɛ sɛ mede me nkrataa no hunahuna mo.
10 Na wɔka sɛ: “Ne nkrataa mu yɛ duru na tumi wom, nanso sɛ ɔno ankasa wɔ ha a, ɔyɛ mmerɛw,+ na ne nsɛm nka hwee.”+
11 Ma onii no nhu eyi sɛ sɛnea yɛn nsɛm a ɛwɔ nkrataa no mu te bere a yenni hɔ no, saa ara na yɛbɛyɛ wɔ nneyɛe mu bere a yɛwɔ hɔ no.+
12 Na yɛrentumi nkan yɛn ho mfra ebinom na yɛrentumi mfa yɛn ho ntoto ebinom a wɔkamfo wɔn ho kyerɛ no.+ Nokwarem no, wɔn ho a wɔde yɛ susuhama ma wɔn ho na wɔde wɔn ho toto wɔn ankasa ho no kyerɛ sɛ wonni ntease.+
13 Na yɛn de, yɛrenhoahoa yɛn ho ntra ɔhye a wɔde ama yɛn+ no, na mmom, yɛde besi ɔhye a Onyankopɔn asusuw atwa ama yɛn no, na ɛba ara besi mo so.+
14 Nokwarem no, yɛntwe yɛn mu ntra so te sɛ nea gyama yɛannu mo nkyɛn, efisɛ yɛn na yedii kan de Kristo ho asɛmpaka no bae ara beduu mo nkyɛn.+
15 Dabi, yɛnhoahoa yɛn ho ntra ɔhye a wɔde ama yɛn no wɔ obi adwuma mu,+ na mmom yɛn ani da so sɛ bere a mo gyidi renya nkɔso no,+ yɛbɛyɛ kɛse mo anim wɔ yɛn asasesin mu.+ Ɛno ansa na yɛbɛkyɛn so,
16 na yɛakɔka asɛmpa no akyerɛ nsase foforo wɔ mo akyi nohoa+ sɛnea yɛremfa obi asase a wɔawie hɔ dedaw nhoahoa yɛn ho.
17 “Na nea ɔhoahoa ne ho no, ma ɔnhoahoa ne ho Yehowa mu.”+
18 Efisɛ ɛnyɛ nea ɔkamfo ne ho na ɔfata,+ na mmom nea Yehowa+ kamfo no.+
