Adiyisɛm 1:1-20
1 Yesu Kristo adiyisɛm+ a Onyankopɔn de maa no+ sɛ ɔnkyerɛ ne nkoa+ nneɛma a etwa sɛ ɛba ntɛm.+ Na ɔsomaa ne bɔfo+ ma ɔnam nsɛnkyerɛnne+ so de maa n’akoa Yohane+
2 a odii asɛm a Onyankopɔn de mae ne adanse a Yesu Kristo de mae, kyerɛ sɛ nea ohui nyinaa, ho adanse no.+
3 Anigye+ ne nea ɔkenkan nkɔmhyɛ+ yi mu nsɛm no den+ ne wɔn a wotie na wodi nea wɔakyerɛw wom no so;+ na bere a wɔahyɛ no abɛn.+
4 Yohane de kɔma asafo ason+ a ɛwɔ Asia mantam mu no:
Adom ne asomdwoe mfi “Nea na ɔwɔ hɔ, na ɔda so wɔ hɔ a ɔreba,”+ ne ahonhom ason+ a ɛwɔ n’ahengua no anim,
5 ne Yesu Kristo, “Ɔdansefo Nokwafo no,”+ “awufo mu abakan,”+ ne “asase so ahene Sodifo”+ no hɔ, nka mo.
Nea ɔdɔ yɛn+ na ɔnam n’ankasa mogya so san yɛn fii yɛn bɔne mu+—
6 na wayɛ yɛn ahemman+ ne asɔfo+ ama ne Nyankopɔn ne n’Agya no—yiw, ɔno na anuonyam ne tumi nyɛ ne dea daa.+ Amen.
7 Hwɛ! Ɔnam omununkum mu reba,+ na aniwa nyinaa behu no,+ ne wɔn a wohwirew ne mu no;+ na ne nti, asase so mmusuakuw nyinaa de awerɛhow bɛbobɔ wɔn kokom.+ Yiw, Amen.
8 “Mene Alfa ne Omega,”*+ Yehowa Nyankopɔn na ose, “Nea na ɔwɔ hɔ, na ɔda so wɔ hɔ a ɔreba,+ ade nyinaa so Tumfoɔ no.”+
9 Me Yohane, mo nua a ɔne mo nyinaa nya kyɛfa wɔ ahohiahia+ ne ahenni+ ne boasetɔ+ mu wɔ Yesu mu,+ mikopuee supɔw a wɔfrɛ no Patmo so esiane Onyankopɔn ho asɛm a mekae ne Yesu ho adanse a midii nti.+
10 Mebaa+ Awurade da+ no mu honhom mu,+ na metee nne+ kɛse bi wɔ m’akyi te sɛ torobɛnto
11 a ese: “Nea wuhu no kyerɛw+ wɔ nhoma mu kɔma asafo ason+ a ɛwɔ Efeso+ ne Smirna+ ne Pergamo+ ne Tiatira+ ne Sardi+ ne Filadelfia+ ne Laodikea.”+
12 Na medan m’ani sɛ merehwɛ nne a ɛne me rekasa no, na medanee m’ani no, mihuu sika akaneadua+ ason
13 ne obi a ɔte sɛ onipa ba+ wɔ akaneadua no mfinimfini a ɔhyɛ atade a esi ne nan ase, na sika abɔso bɔ ne koko so.
14 Afei nso, na ne ti nhwi hoa te sɛ oguan nhwi fitaa,+ te sɛ sukyerɛmma, na n’ani te sɛ ogyaframa;+
15 na ne nan te sɛ kɔbere fɛfɛ+ a adɔ wɔ fononoo mu; na ne nne+ te sɛ nsu bebree a ɛreworo.
16 Na nsoromma ason+ wɔ ne nsa nifa mu, na nkrante anofanu nnamnam+ fi n’anom pue, na n’anim te sɛ owia a abɔ denneennen.+
17 Bere a mihuu no no, mehwee ne nan ase te sɛ obi a wawu.
Ɛnna ɔde ne nsa nifa too me so kae sɛ: “Nsuro.+ Mene Odikanfo+ ne Okyikafo,+
18 ne ɔteasefo no;+ na miwui,+ nanso, hwɛ! mete ase daa daa,+ na mikura owu+ ne Adamoa*+ safe.
19 Enti kyerɛw nea wuhui, ne nea ɛwɔ hɔ ne nea ɛbɛba wɔ eyinom akyi no to hɔ.+
20 Ahintasɛm kronkron a ɛfa nsoromma ason+ a wuhui wɔ me nsa nifa mu no ho, ne sika akaneadua ason+ no ho de: Nsoromma ason no yɛ asafo ason no abɔfo no, na akaneadua ason no yɛ asafo ason.+
Ase Hɔ Nsɛm
^ Egyina hɔ ma Hela nkyerɛwde a edi kan ne nea etwa to.
^ Anaa “Hades.” Nea ɛkyerɛ ne adesamma adamoa. Hwɛ Nkekaho 4.
