Adiyisɛm 15:1-8
15 Na mihuu sɛnkyerɛnne+ foforo kɛse bi a ɛyɛ nwonwa wɔ soro, abɔfo baason+ a wokurakura ɔhaw ason.+ Eyinom ne nea etwa to, efisɛ ɛnam so na Onyankopɔn abufuw+ ba awiei.+
2 Na mihuu biribi a ɛte sɛ ahwehwɛ po+ a ogya fra mu, ne wɔn a wodi akekaboa no ne ne honi+ no ne ne din akontaahyɛde+ no so nkonim+ no sɛ wogyinagyina ahwehwɛ po+ no ho kurakura Onyankopɔn asanku.+
3 Na wɔreto Onyankopɔn akoa Mose dwom+ ne Oguammaa no dwom+ sɛ:
“Yehowa Nyankopɔn, ade nyinaa so Tumfoɔ,+ wo nnwuma yɛ akɛse na ɛyɛ nwonwa.+ Mmeresanten Hene,+ w’akwan teɛ na ɛyɛ nokware.+
4 Yehowa,+ hena na ɔrensuro wo+ na ɔnhyɛ wo din anuonyam?+ Efisɛ wo nkutoo ne ɔnokwafo.+ Amanaman nyinaa bɛba w’anim abɛsom wo,+ efisɛ w’ahyɛde a ɛteɛ no ada adi.”+
5 Eyinom akyi no mihui, na wobuee adanse+ ntamadan+ no kronkronbea no ano wɔ soro,+
6 na abɔfo baason+ a wokurakura ɔhaw ason+ no pue fii kronkronbea hɔ bae a wɔhyehyɛ nwera+ pa a ɛho tew hyɛnn, na wɔde sika abɔso abobɔ wɔn koko.
7 Na honhom abɔde baanan+ no mu biako de sika nkuruwa ason maa abɔfo baason no, na na Onyankopɔn a ɔte ase daa daa+ no abufuw+ ahyɛ no mama.
8 Na Onyankopɔn anuonyam+ ne ne tumi nti, wusiw hyɛɛ kronkronbea hɔ mã, na obiara antumi ankɔ kronkronbea hɔ kosii sɛ abɔfo baason no haw ason+ no baa awiei.
