Adiyisɛm 3:1-22
3 “Kyerɛw kɔma Sardi asafo no bɔfo+ sɛ: Eyinom na nea ɔwɔ Onyankopɔn ahonhom ason+ ne nsoromma ason+ no ka, ‘Minim wo nnwuma sɛ wowɔ din sɛ wote ase, nanso woawu.+
2 Wɛn,+ na hyɛ nneɛma a aka a na ɛrewu no mu den,+ na minhuu sɛ woawie wo nnwuma wɔ me Nyankopɔn anim.+
3 Enti kɔ so kae nea woanya+ ne nea woate, na di so+ na sakra.+ Nokwasɛm ni, sɛ woanwɛn a,+ mɛba sɛ ɔkorɔmfo,+ na worenhu dɔn ko a mɛba wo so da.+
4 “‘Nanso wowɔ nnipa kakra+ wɔ Sardi a wɔangu wɔn ntade nguguso ho fĩ,+ na wɔne me bɛnantew ntade fitaa mu,+ efisɛ wɔfata.+
5 Enti nea odi nkonim+ no wɔde ntade nguguso fitaa bɛhyɛ no;+ na merempopa ne din mfi nkwa nhoma no mu da,+ na mmom mɛbɔ ne din wɔ m’Agya+ ne n’abɔfo anim.+
6 Ma nea ɔwɔ aso no ntie nea honhom+ no ka kyerɛ asafo ahorow no.’
7 “Kyerɛw kɔma Filadelfia asafo no bɔfo+ sɛ: Eyinom na nea ɔyɛ kronkron,+ ɔnokwafo,+ nea ɔwɔ Dawid safe,+ a sɛ obue a obiara ntom, na ɔtom a obiara mmue, no ka,
8 ‘Minim wo nnwuma+—hwɛ! mede ɔpon a wɔabue+ asi w’anim a obiara ntumi ntom—ɛne sɛ wowɔ tumi kakra, na wudii m’asɛm so na woampa me din.+
9 Hwɛ! mede wɔn a wofi Satan bagua mu a wɔka sɛ wɔyɛ Yudafo,+ nanso wɔnyɛ bi na mmom wɔredi atoro+ no bɛma—hwɛ! mɛma wɔaba abɛkotow+ wo nan ase na wɔahu sɛ medɔ wo.
10 Esiane sɛ wudii me boasetɔ+ ho asɛm so nti, me nso mɛkora+ wo so wɔ sɔhwɛ bere a ɛbɛba wiase nyinaa so abɛsɔ wɔn a wɔte asase so ahwɛ no mu.+
11 Mereba ntɛm.+ Kɔ so kura nea wowɔ no mu denneennen,+ na obi annye w’abotiri.+
12 “‘Nea odi nkonim no—mɛyɛ no edum+ wɔ me Nyankopɔn+ asɔrefie,+ na ɔremfi hɔ nkɔ bio, na mɛkyerɛw me Nyankopɔn din ne me Nyankopɔn kurow, Yerusalem foforo+ a efi me Nyankopɔn hɔ sian fi soro, no din wɔ no so, ne m’ankasa me din foforo no.+
13 Ma nea ɔwɔ aso no ntie nea honhom+ no ka kyerɛ asafo ahorow no.’
14 “Kyerɛw kɔma Laodikea+ asafo no bɔfo sɛ: Eyinom na Amen+ no ka, ɔdansefo+ nokwafo+ a wɔwɔ ne mu ahotoso,+ Onyankopɔn adebɔ mfiase no,+
15 ‘Minim wo nnwuma sɛ wonyɛ nwini na saa ara na wonyɛ hyew. Me yam a anka woyɛ nwini anaa nso woyɛ hyew.
16 Enti esiane sɛ woyɛ boturobodwo na wonyɛ hyew+ na wonyɛ nwini+ nti, mɛfe wo afi m’anom.
17 Woka sɛ: “Meyɛ ɔdefo,+ manya me ho, na hwee nhia me,” nanso wunnim sɛ w’asɛm yɛ mmɔbɔ san yɛ awerɛhow, na woyɛ ohiani ne onifuraefo+ a woda adagyaw,
18 enti mitu wo fo sɛ tɔ sika+ a wɔde gya apa mu fi me nkyɛn na woayɛ ɔdefo, ne ntade nguguso fitaa na woatumi asiesie wo ho na wɔanyi w’adagyaw so amma w’ani anwu,+ na tɔ aniduru a wode bɛsra w’ani+ na woahu ade.
19 “‘Wɔn a mepɛ wɔn asɛm nyinaa miyi wɔn ntɛn teɛ wɔn so.+ Enti yɛ nnam na sakra.+
20 Hwɛ! migyina pon ano+ rebom. Sɛ obi te me nne na obue pon no a,+ mɛba ne fie ne no abedi anwummeduan na ɔno nso ne me adidi.
21 Nea odi nkonim no,+ mɛma ɔne me atena m’ahengua so,+ sɛnea me nso midii nkonim na me ne m’Agya tenaa+ n’ahengua+ so no.
22 Ma nea ɔwɔ aso no ntie nea honhom+ no ka kyerɛ asafo ahorow no.’”+
