Adiyisɛm 6:1-17
6 Na mihui sɛ Oguammaa+ no atew nsɔano ason no mu biako ano,+ na metee sɛ honhom abɔde baanan no mu biako+ de nne a ɛte sɛ aprannaa kae sɛ: “Bra!”+
2 Na mihui, na hwɛ! ɔpɔnkɔ fitaa bi ni;+ na nea ɔte no so+ no kura agyan;+ na wɔmaa no abotiri,+ na ofii adi kodii nkonim+ sɛ obewie ne nkonimdi koraa.+
3 Na bere a ɔtew nsɔano a ɛto so abien no ano no, metee sɛ honhom abɔde a ɔto so abien+ no reka sɛ: “Bra!”
4 Na ɔpɔnkɔ foforo kɔkɔɔ bi bae; na wɔmaa nea ɔte no so no kwan sɛ onyi asomdwoe mfi asase so na wonkunkum wɔn ho wɔn ho; na wɔmaa no nkrante kɛse bi.+
5 Bere a ɔtew+ nsɔano a ɛto so abiɛsa no ano no, metee sɛ honhom abɔde a ɔto so abiɛsa no+ reka sɛ: “Bra!” Na mihui, na hwɛ! ɔpɔnkɔ tuntum bi ni; na nea ɔte no so no kura nsenia+ wɔ ne nsam.
6 Na metee nne bi te sɛ nea efi honhom abɔde baanan+ no mfinimfini+ sɛ: “Awi susukora denare biako,+ na atoko susukora abiɛsa denare biako; na ngo ne bobesa de, nsɛe no.”+
7 Na bere a ɔtew nsɔano a ɛto so anan no ano no, metee honhom abɔde a ɔto so anan+ no nne sɛ: “Bra!”
8 Na mihui, na hwɛ! ɔpɔnkɔ a ne ho nsonso bi ni; na nea ɔte no so no din de Owu. Na Adamoa*+ di n’akyi pɛɛ. Na wɔmaa wɔn asase nkyekyɛm anan mu biako so tumi sɛ wɔmfa nkrante+ tenten ne aduankɔm+ ne owuyare ne asase so nkekaboa+ nkunkum wɔn.
9 Na bere a ɔtew nsɔano a ɛto so anum no ano no, mihuu wɔn a Onyankopɔn asɛm ne adansedi+ adwuma a na wɔyɛ nti wokunkum+ wɔn no akra+ wɔ afɔremuka+ no ase.
10 Na wɔde nne kɛse teɛɛm sɛ: “Awurade Tumfoɔ,+ ɔkronkronni ne ɔnokwafo,+ wobɛtwentwɛn wo nan ase akosi da bɛn na woabu atɛn+ atua asase sofo ka yɛn mogya+ ho?”
11 Na wɔmaa wɔn mu biara atade tenten fitaa;+ na wɔka kyerɛɛ wɔn sɛ wɔnhome kakra nkosi sɛ wɔn mfɛfo asomfo ne wɔn nuanom a wɔrebekunkum+ wɔn sɛnea wokum wɔn no bɛba abɛka ho ama wɔn dodow awie du.
12 Na mihui sɛ wɔatew nsɔano a ɛto so asia no ano, na asasewosow kɛse bi sii; na owia yɛɛ tumm sɛ atweaatam+ a wɔde nhwi ayɛ, na ɔsram mũ no nyinaa yɛɛ sɛ mogya,+
13 na ɔsoro nsoromma hwehwee asase so te sɛ borɔdɔma dua a mframa dennen awosow no ama n’aba bun atetew agu.
14 Na ɔsoro fii hɔ kɔe te sɛ nhoma a wɔrebobɔw,+ na wotuu bepɔw ne supɔw biara fii baabi a emu biara wɔ.+
15 Na asase so ahene ne atitiriw ne asahene ne adefo ne ahoɔdenfo ne nkoa ne adehye nyinaa de wɔn ho siee abodan ne mmepɔw mu abotan mu.+
16 Na wɔkɔɔ so ara ka kyerɛɛ mmepɔw ne abotan no sɛ: “Mummegu yɛn so+ na momfa yɛn nhintaw mfi Nea ɔte ahengua+ no so no anim ne Oguammaa+ no abufuw ho,
17 efisɛ wɔn abufuw+ da kɛse+ no adu, na hena na obetumi agyina?”+
Ase Hɔ Nsɛm
^ Anaa “Hades.” Nea ɛkyerɛ ne adesamma adamoa. Hwɛ Nkekaho 4.
