Mmebusɛm 10:1-32
10 Solomon+ mmebusɛm.
Ɔba nyansafo ma ne papa ani gye,+ na ɔba kwasea hyɛ ne maame awerɛhow.+
2 Mfaso remma ɔbɔnefo ademude so,+ na trenee na ebegye onipa afi owu mu.+
3 Yehowa remma ɔkɔm nne ɔtreneeni kra,+ na abɔnefo akɔnnɔde de, ɔbɛka agu.+
4 Ohia behia nea ɔde anihaw nsa yɛ adwuma,+ na nsiyɛfo nsa na ɛbɛma onipa adi yiye.+
5 Nea ɔboaboa ano ahohuru bere no yɛ ɔba a ɔwɔ nhumu; na nea ɔda hatee twabere no yɛ ɔba a ɔhyɛ aniwu.+
6 Nhyira wɔ ɔtreneeni atifi,+ na abɔnefo ano de, ɛkata amumɔyɛ so.+
7 Ɔtreneeni nkae bɛyɛ nhyira,+ na abɔnefo din de, ɛbɛporɔw.+
8 Koma mu onyansafo begye mmara nsɛm atom,+ na nea ɔde n’ano ka nkwaseasɛm de, wobetiatia no so.+
9 Nea ɔnam mũdi* mu no bɛnantew dwoodwoo,+ na nea ɔkyeakyea n’akwan de, ɔbɛma nnipa ahu no.+
10 Nea obubu n’aniwa no ma nkurɔfo di yaw,+ na nea ɔde n’ano ka nkwaseasɛm de, wobetiatia no so.+
11 Ɔtreneeni ano yɛ nkwa asuti;+ na abɔnefo ano de, ɛkata amumɔyɛ so.+
12 Ɔtan toto nnipa ntam,+ na ɔdɔ de, ɛkata bɔne nyinaa so.+
13 Nyansa wɔ onipa a ɔwɔ ntease ano,+ na abaa wɔ hɔ ma nea onni ti* akyi.+
14 Anyansafo na wɔkora nimdeɛ,+ na ɔkwasea ano de, ɛbɛn ɔsɛe.+
15 Ɔdefo ahonyade ne ne kurow a ɛyɛ den,+ na abrɛfo de, wɔn hia na ɛsɛe wɔn.+
16 Ɔtreneeni nnwuma ma nkwa;+ ɔbɔnefo aba de, ewie bɔne.+
17 Nea oso nteɛso mu no nim nkwa kwan,+ na nea ontie ɔkasakyerɛ no de, ɔma nnipa fom kwan.+
18 Nea ɔkata ɔtan so no wɔ atoro ano,+ na nea ɔsɛe nkurɔfo din no yɛ ɔkwasea.+
19 Mfomso mpa ɔkasa dodow mu,+ na nea osianka n’ano no yɛ ɔbadwemma.+
20 Ɔtreneeni tɛkrɛma yɛ dwetɛ amapa;+ ɔbɔnefo koma de, mfaso nni so.+
21 Ɔtreneeni ano yɛn nnipa pii,+ na nkwasea de, eti a wonni nti, wowuwu.+
22 Yehowa nhyira—ɛno na ɛma onipa yɛ ɔdefo,+ na ɔmfa ɛyaw biara nka ho.+
23 Ɔkwasea bu ahohwibra sɛ agoru,+ na onipa a ɔwɔ nhumu de,+ nyansa yɛ ne dea.
24 Ade a ɔbɔnefo suro no—ɛno ara na ɛbɛba no so;+ na treneefo apɛde de, wɔbɛyɛ ama wɔn.+
25 Sɛnea ahum twam no, saa ara na ɔbɔnefo betwam akɔ;+ na ɔtreneeni de, otim hɔ daa.+
26 Sɛnea nsã nyinyanyinya yɛ ɛsẽ na wusiw yɛ aniwa no, saa ara na ɔkwadwofo yɛ wɔn a wɔsoma no no.+
27 Yehowa suro to onipa nna so,+ na abɔnefo mfe de, wobetwa so.+
28 Treneefo anidaso bɛyɛ ahurusi,+ na abɔnefo anidaso de, ɛbɛyera.+
29 Yehowa kwan yɛ abannennen ma ɔtreneeni,+ na ɔsɛe wɔ hɔ ma abɔnefo.+
30 Ɔtreneeni renhim da biara da;+ na abɔnefo de, wɔrentena asase so.+
31 Ɔtreneeni ano—ɛsow nyansa aba,+ na nkontompofo tɛkrɛma de, wobetwa.+
32 Ɔtreneeni ano—enya adom,+ na abɔnefo ano de, ɛka nkontomposɛm.+
