Mmebusɛm 15:1-33
15 Mmuae bɔkɔɔ ma abufuw twa,+ na asɛm a ɛyɛ yaw hyɛ abufuw.+
2 Anyansafo tɛkrɛma de nimdeɛ yɛ adepa,+ na nkwasea ano woro nkwaseasɛm.+
3 Yehowa aniwa wɔ baabiara;+ ɛhwɛ abɔnefo ne apapafo+ nyinaa.
4 Odwo tɛkrɛma yɛ nkwa dua,+ na sɛ ɛkyea a, ebubu honhom.+
5 Ɔkwasea bu ne papa nteɛso animtiaa,+ na onipa a obu ɔkasakyerɛ yɛ onitefo.+
6 Ɔtreneeni fie wɔ akorade pii,+ na ɔbɔnefo aba de, ɛde mmusu ba.+
7 Anyansafo ano pete nimdeɛ,+ na nkwasea koma de, ɛnte saa.+
8 Abɔnefo afɔrebɔ yɛ Yehowa akyide,+ na teefo mpaebɔ na n’ani gye ho.+
9 Ɔbɔnefo kwan yɛ Yehowa akyide,+ na nea ɔyɛ adetrenee na ɔdɔ no.+
10 Nteɛso mu yɛ den ma nea ogyaw ɔkwan no;+ obiara a ɔtan ɔkasakyerɛ bewu.+
11 Adamoa* ne ɔsɛe amoa+ mpo wɔ Yehowa anim,+ na adesamma koma mu na ɔrenhu?+
12 Ɔfɛwdifo nnɔ nea ɔka n’anim.+ Ɔrenkɔ anyansafo nkyɛn.+
13 Anigye koma ma onipa anim tew,+ na koma mu yaw ma honhom botow.+
14 Ntease koma hwehwɛ nimdeɛ,+ na nkwasea ano di nkwaseasɛm akyi.+
15 Mmɔborɔni de, da biara nye mma no;+ na nea ɔwɔ anigye koma no wɔ apontow mu daa.+
16 Yehowa suro mu ade ketewa ye+ sen adedodow a ɔhaw bata ho.+
17 Nhabamma aduan a ɔdɔ wom ye+ sen nantwi a wadɔ na ɔtan bata ho.+
18 Obufufafo hwanyan ntɔkwaw mu,+ na nea ne bo kyɛ fuw ma ɔham gyae.+
19 Ɔkwadwofo kwan te sɛ nsɔe ban,+ na teefo kwan so yɛ toromtorom.+
20 Ɔba nyansafo ma ne papa ani gye,+ na ɔkwasea bu ne maame animtiaa.+
21 Nea onni ti* ani gye nkwaseasɛm ho,+ na onipa a ɔwɔ nhumu na ɔnam tee.+
22 Wɔkwati atirimsɛm a tirimbɔ yɛ ɔkwa,+ na agyinatufo dodow mu na ebegyina.+
23 Onipa anom mmuae ma odi ahurusi,+ na asɛm a wɔka wɔ bere a ɛsɛ mu de, O hwɛ sɛnea eye!+
24 Nkwa kwan kɔ soro ma nhumufo,+ na ɔkwati Adamoa a ɛwɔ ase no.+
25 Yehowa bedwiriw ahantanfo fie,+ na ɔbɛma okunafo hye atim.+
26 Abɔnefo agyina yɛ Yehowa akyide,+ na nsɛm a ɛyɛ dɛ ho tew.+
27 Nea ɔpɛ mfaso bɔne no de mmusu ba ne fie,+ na nea ɔtan adanmude no benyin akyɛ.+
28 Ɔtreneeni koma dwen ansa na ama mmuae,+ na amumɔyɛfo ano woro nsɛmmɔne.+
29 Yehowa ne amumɔyɛfo ntam kwan ware,+ na treneefo mpaebɔ de, otie.+
30 Aniwa+ a ɛhyerɛn ma koma di ahurusi;+ amanneɛbɔ+ pa ma nnompe yɛ akɛse.+
31 Asõ a etie nkwa animka+ no, anyansafo+ mu na ɛtena.
32 Nea ɔpo nteɛso no bu ne kra animtiaa,+ na nea otie ɔkasakyerɛ no nya adwempa.+
33 Yehowa suro yɛ nteɛso a ɛma nyansa,+ na ahobrɛase di anuonyam anim.+
Ase Hɔ Nsɛm
^ Anaa “Sheol.” Nea ɛkyerɛ ne adesamma adamoa. Hwɛ Nkekaho 4.
