Mmebusɛm 16:1-33
16 Koma mu nsusuwii yɛ ɔdesani dea,+ na tɛkrɛma mmuae fi Yehowa.+
2 Onipa akwan nyinaa ho tew wɔ n’ani so,+ nanso Yehowa na ɔkari nsusuwii.+
3 Dan wo nnwuma gu Yehowa so,+ na wo nhyehyɛe betim.+
4 Biribi nti na Yehowa ayɛ ade nyinaa;+ ɔbɔnefo mpo, ɔwɔ hɔ ma da bɔne.+
5 Koma mu ɔhantanfo yɛ Yehowa akyide,+ na nsa tɔ nsayam mpo a, onipa remfa ne ho nni.+
6 Wɔde adɔe ne nokware na ɛpata mfomso,+ na Yehowa suro na ɛma onipa dan fi bɔne ho.+
7 Sɛ onipa akwan sɔ Yehowa ani a,+ ɔma n’atamfo mpo ne no tena asomdwoe mu.+
8 Trenee mu ade ketewa ye+ sen nnɔbae pii a atɛntrenee nni mu.+
9 Ɔdesani koma hyehyɛ ne kwan,+ na Yehowa na ɔkyerɛ n’anammɔn kwan.+
10 Onyankopɔn adwene na ɛsɛ sɛ ɛtena ɔhene anom;+ ɛnsɛ sɛ n’ano kyea atemmu.+
11 Susude ne nsenia a ɛyɛ pɛ yɛ Yehowa dea;+ kotoku mu abrammo nyinaa yɛ ne nsa ano adwuma.+
12 Amumɔyɛsɛm ne ahene akyide,+ na trenee mu na ahengua tim.+
13 Trenee ano ma ɔhenkɛse ani gye;+ na onipa a ɔka nea ɛteɛ na ɔdɔ no.+
14 Ɔhene abufuw te sɛ owu abɔfo,+ na onyansafo na osiw ano.+
15 Ɔhene animtew mu na nkwa wɔ,+ na n’adom te sɛ osutɔbere+ mu omununkum.
16 Nyansa nya de, O hwɛ sɛnea eye sen sika!+ Na ntease, sɛ wɔpaw a, eye sen dwetɛ.+
17 Teefo tempɔn ne bɔne kwati.+ Nea ɔhwɛ ne kwan no kora ne kra so.+
18 Ahantan di ɔsɛe anim,+ na ahomaso honhom di asehwe anim.+
19 Eye sɛ wo ne ahobrɛasefo benya ahobrɛase honhom+ sen sɛ wo ne ahomasofo bɛkyɛ asade.+
20 Nea ɔda nhumu adi wɔ asɛm mu no, ebesi no yiye;+ anigye ne nea ɔde ne ho to Yehowa so.+
21 Koma mu nyansafo na wɔbɛfrɛ no ntease,+ na nea n’anom kasa yɛ dɛ na nkurɔfo tie no.+
22 Nhumu yɛ nkwa asuti+ ma ne wura; na nkwasea nteɛso yɛ nkwaseasɛm.+
23 Onyansafo koma ma n’ano da nhumu adi,+ na ɛma n’anom kasa yɛ dɛ.+
24 Nsɛm a ɛyɛ dɛ yɛ ɛwokyɛm;+ ɛyɛ ɔkra dɛ na ɛsa nnompe yare.+
25 Ɛwɔ ɔkwan bi a ɛteɛ onipa ani so,+ nanso n’awiei yɛ owu kwan.+
26 Nea ɔpɛ adwuma no kra yɛ adwumaden ma no,+ efisɛ n’ano regye adi.+
27 Ohuhuni bɔre hwehwɛ bɔne,+ na n’ano te sɛ ogya a ɛhyehye.+
28 Onipa kɔntɔnkye toto nnipa ntam,+ na nea ɔsɛe nkurɔfo din no tetew nnamfo ntam.+
29 Omumɔyɛfo daadaa ne yɔnko,+ na ɔma ɔfa ɔkwan a enye so.+
30 Obubu n’aniwa de bɔ pɔw bɔne.+ Ɔwe n’ano de di bɔne.
31 Atifi dwen, sɛ wohu no trenee kwan so a,+ ɛyɛ abotiri a ɛyɛ fɛ.+
32 Nea ne bo kyɛ fuw no ye sen dɔmmarima,+ na nea odi ne honhom so ye sen nea ɔko fa kurow.+
33 Onipa srɛ so na wɔtwe ntonto,+ nanso nea efi mu ba biara fi Yehowa.+
