Mmebusɛm 19:1-29
19 Ohiani a ɔnam ne mũdi* mu no ye+ sen nea ɔwɔ ano kɔntɔnkye, ne ɔkwasea.+
2 Ɔkra a nimdeɛ abɔ no nye,+ na nea ɔpere ne ho ne nantew mu no yɛ bɔne.+
3 Ɔdesani nkwaseasɛm na ɛkyea ne kwan,+ na ne koma huru hyɛ Yehowa.+
4 Ahode ma onipa nya nnamfo pii,+ na ohiani de, ne nnamfo mpo twe wɔn ho fi ne ho.+
5 Ɔdansekurumfo remfa ne ho nni,+ na nea ɔkeka atosɛm remfa ne ho nni.+
6 Nnipa pii na wɔhwehwɛ otitiriw anim dom,+ na nea ɔkyɛ ade yɛ obiara yɔnko.+
7 Ohiani nuanom nyinaa tan no.+ Ne nnamfo mpo atwe wɔn ho kɔ akyirikyiri!+ Ɔhwehwɛ wɔn aka biribi akyerɛ wɔn, nanso onnya wɔn.+
8 Nea onya adwempa+ no dɔ ne kra. Nea ɔkora nhumu no behu papa.+
9 Ɔdansekurumfo remfa ne ho nni,+ na nea ɔkeka atosɛm bɛyera.+
10 Asetena pa mfata ɔkwasea.+ Sɛ́ akoa bedi mpanyimfo so+ de, enye koraa!
11 Onipa nhumu twentwɛn n’abufuw ase,+ na ɛyɛ anuonyam ma no sɛ obebu n’ani agu bɔne so.+
12 Ɔhene abufuw te sɛ gyata a ɔbobom,+ na n’anim dom te sɛ wura so bosu.+
13 Ɔba kwasea ma ne papa hu amane,+ na ɔyere gyigyefo te sɛ ɔdan a enwini na ɛpam onipa.+
14 Ofie ne ahode yɛ agyapade a papanom de gyaw wɔn mma,+ na ɔyere badwemma fi Yehowa.+
15 Anihaw ma obi da hatee,+ ɔkwadwofo kra di kɔm.+
16 Nea ɔkora mmara nsɛm no kora ne kra;+ nea obu n’ani gu n’akwan so no, wobekum no.+
17 Nea ɔdom ɔbrɛfo no de fɛm Yehowa,+ na nea ɔde ama no, Obetua no ka.+
18 Anidaso wɔ hɔ yi, teɛ wo ba;+ mma ne wu nnyɛ wo akɔnnɔ.+
19 Nea n’abufuw sõ no, ɛka na wɔbɔ no;+ na sɛ wutwitwa gye no a, wubetwitwa agye no, atwitwa agye no bio.+
20 Tie afotu na gye nteɛso,+ na woahu nyansa daakye.+
21 Onipa komam nsusuwii dɔɔso,+ na Yehowa agyina na ebetim.+
22 Ade a ɛyɛ fɛ wɔ ɔdesani ho ne n’adɔe;+ na ohiani ye sen ɔtorofo.+
23 Yehowa suro ma nkwa,+ na ɛma onipa da ma n’asom dwo no;+ adebɔne bi remma no so.+
24 Ɔkwadwofo de ne nsa ato asanka mu;+ ontumi mfa nkɔ n’ano mpo.+
25 Bɔ ɔfɛwdifo+ na ogyimfo no ani ntew;+ ma onipa a ɔwɔ ntease ɔkasakyerɛ, na obenya nimdeɛ.+
26 Nea odi ne papa ani na ɔpam ne maame+ no, ɔyɛ aniwu ne animguase ba.+
27 Me ba, sɛ wugyae nteɛso tie a, ebeyi wo afi nimdeɛ nsɛm ho.+
28 Ɔdansefo huhuni di atɛntrenee ho fɛw,+ na amumɔyɛfo ano memene bɔne.+
29 Atemmu tim hɔ ma afɛwdifo,+ na mmaa nso wɔ hɔ ma nkwasea akyi.+
