Mmebusɛm 6:1-35
6 Me ba, sɛ woadi wo yɔnko agyinam,+ sɛ woakyia ɔhɔho nsam de agyina n’akyi,+
2 sɛ w’anom asɛm asum wo afiri,+ sɛ w’ano akɔpɛ asɛm ama wo a,
3 ɛnde me ba, yɛ eyi fa tetew wo ho, efisɛ woatɔ wo yɔnko nsam:+ Kɔbrɛ wo ho ase, kɔ na koguan wo yɔnko no ho.+
4 Mma nna mmma w’ani so, na mma w’ani nnkum.+
5 Gye wo ho sɛ adowa gye ne ho ɔbɔmmɔfo nsam na anomaa gye ne ho anomaayifo nsam+ no.
6 Ɔkwadwofo,+ kɔ ntɛtea nkyɛn;+ hwɛ n’akwan, na hu nyansa.
7 Onni otitiriw, ɔpanyin anaa sodifo,
8 nanso osiesie n’aduan ahohuru bere mu;+ na ɔboaboa n’aduan ano twabere mu.
9 Ɔkwadwofo, wobɛda akosi da bɛn?+ Bere bɛn na wobɛsɔre afi wo nna mu?+
10 Wode nna kakra, nkotɔ kakra, mɛpono me nsa mada kakra,+
11 wode saa ara na wo hia abɛto wo sɛ owifo,+ na w’ahokyere aba sɛ ɔkyɛmkurafo.+
12 Onipa huhuw,+ onipa omumɔyɛfo de ano kɔntɔnkye+ nenam,
13 obubu n’aniwa,+ ɔde ne nan kasa, na ɔde ne nsateaa nso kasa.+
14 Nkontomposɛm wɔ ne koma mu.+ Pɔw bɔne na daa ɔbɔ.+ Ɔtoto nkurɔfo ntam.+
15 Ɛno nti na n’amanehunu bɛba mpofirim;+ wobebubu no prɛko pɛ, na ɔrennya ayaresa.+
16 Nneɛma asia na Yehowa kyi;+ ason na ɛyɛ ne kra tan:+
17 ani a ɛtra ntɔn,+ atoro tɛkrɛma,+ ne nsa a ehwie mogya a edi bem gu,+
18 koma a ɛbɔ pɔw bɔne,+ nan a etu mmirika kɔ bɔne mu,+
19 ɔdansekurumfo a otwa nkontompo,+ ne obi a ɔtoto anuanom ntam.+
20 Me ba, di wo papa mmara nsɛm so,+ na nnyaw wo maame mmara.+
21 Fa kyekyere wo koma ho daa;+ fa bobare wo kɔn.+
22 Sɛ wonantew a, ɛbɛkyerɛ wo kwan;+ sɛ woda a, ɛbɛhwɛ wo so;+ sɛ wunyan a, ebedwen wo ho.
23 Na mmara nsɛm no yɛ ɔkanea,+ mmara no yɛ hann,+ na nteɛso ne ɔkasakyerɛ yɛ nkwa kwan;+
24 ɛbɛbɔ wo ho ban afi ɔbea bɔne+ ne ɔbea huhuni a n’ano yɛ dɛ ho.+
25 Mma wo kɔn nnnɔ n’ahoɔfɛ wo koma mu,+ mma n’aniwa mma adabadabaa no nntwetwe wo,+
26 efisɛ nea odi ɔbea aguaman akyi no, ɛbɛka no paanoo sin;+ obi yere nso kyin hwehwɛ ɔkra+ a ne bo yɛ den.
27 So obi betumi de ogya ahyɛ ne kokom a ne ntade renhyew?+
28 Anaa obi betumi anantew nsramma so a ɛrenhyew no?
29 Saa ara na obi a ɔkɔ ne yɔnko yere+ ho no te, obiara nni hɔ a ɔde ne ho ka no a, ɔbɛfa ne ho adi.+
30 Ɔkorɔmfo, sɛ owia ade sɛ ɔde rema ne kra amee sɛ́ ɔkɔm de no nti a, nnipa remmu no animtiaa.
31 Nanso sɛ wɔkyere no a, ɔbɛbɔ dekode no ho mpɛn ason; ɔde n’ahode a ɛwɔ ne fie nyinaa bɛma.+
32 Obiara a ɔne ɔbea sɛe aware no nni ti;*+ nea ɔyɛ saa no sɛe ɔno ara ne kra.+
33 Ɔhaw ne animguase na ɛbɛba no so,+ na n’ahohora nso rempopa da.+
34 Okunu ninkuntwe+ de abufuhyew ba, na ɔrenhu mmɔbɔ aweredi da.+
35 Ɔremmu mpata biara, na woma no akyɛde kɛse sɛ dɛn ara a, ɔrempene.
Ase Hɔ Nsɛm
^ Nea ɛkyerɛ ankasa ne sɛ, “ne koma nni hɔ.”
