Amos 3:1-15
3 “O Israelfo, muntie asɛm a Yehowa aka afa mo ho yi,+ asɛm a ɛfa abusua mũ a miyii wɔn fii Egypt asase so bae ho yi,+
2 ‘Asase so mmusua nyinaa,+ mo nko na minim mo.+ Eyi nti na mɛma moabu mo bɔne nyinaa ho akontaa no.+
3 “‘Nnipa baanu betumi abom anantew bere a wɔnyɛɛ nhyehyɛe nhyiae?+
4 Gyata bɛbobom wɔ kwae mu bere a onnyaa aboa biara?+ Na gyatanini bɛma ne nne so wɔ n’atenae bere a ɔnkyeree aboa biara?
5 Anomaa bɛtɔ afiri mu wɔ asase so bere a wonsum no afiri?+ Na afiri huan kɔ soro bere a enyii biribiara?
6 Wɔbɛhyɛn abɛn wɔ kurow mu a nnipa ho rempopo anaa?+ Na mmusu ba kurow mu a ɛnyɛ Yehowa na wama aba?
7 Awurade Tumfoɔ Yehowa renyɛ biribi gye sɛ wayi n’atirimsɛm adi akyerɛ ne nkoa adiyifo no ansa.+
8 Gyata abobom!+ Hena na ɔrensuro? Awurade Tumfoɔ Yehowa akasa! Hena na ɔrenhyɛ nkɔm?’+
9 “‘Mommɔ no dawuru wɔ Asdod aban akɛse so ne Egypt+ asase so aban akɛse so sɛ: “Mommoa mo ano nkɔ Samaria+ mmepɔw so na monhwɛ sakasakayɛ ne nsisi a ahyɛ hɔ mã.+
10 Wonnim adetrenee yɛ,+ na wɔkora amumɔyɛ+ ne nsisi so wɔ wɔn aban mu.” Yehowa asɛm ni.’
11 “Enti nea Awurade Tumfoɔ Yehowa aka ni, ‘Ɔtamfo bi atwa asase no ho ahyia,+ na ɔbɛbrɛ w’ahoɔden ase na wafow w’aban akɛse no.’+
12 “Nea Yehowa aka ni, ‘Sɛnea oguanhwɛfo hwim aboa nnyawa abien anaa n’aso fi gyata anom no,+ saa ara na wobehwim Israelfo, wɔn a wɔtete mpa+ fɛfɛ so wɔ Samaria ne Damasko nnae+ so nen.’
13 “‘Muntie na munni adanse+ wɔ Yakob fie,’ Awurade Tumfoɔ Yehowa, asafo Nyankopɔn, asɛm ni.
14 ‘Na da a mɛma Israel abu ne bɔne ho akontaa no,+ mɛma Betel afɔremuka nso abu akontaa;+ na wobetwitwa mmɛn a ɛwɔ afɔremuka no ho no agu fam.+
15 Na mebubu awɔw bere mu fie+ ne ahohuru bere mu fie nyinaa.’+
“‘Na afie a wɔde asommɛn ayɛ nyinaa bedwiriw agu+ na afie pii asɛe koraa,’+ Yehowa asɛm ni.”
