Asomafo Nnwuma 3:1-26
3 Afei na Petro ne Yohane rekɔ asɔrefie hɔ wɔ dɔn a wɔbɔ mpae no mu, dɔn a ɛto so akron,*+
2 na na nkurɔfo sõ ɔbarima bi a ɔyɛ obubuafo fi ne maame yam,+ na daa wɔde no ba asɔrefie pon a wɔfrɛ no Ɔpon Fɛfɛ+ no ano, ma ɔsrɛ wɔn a wɔrekɔ asɔrefie hɔ no sɛ wɔnkyɛ no ade.+
3 Bere a n’ani bɔɔ Petro ne Yohane so sɛ wɔrekɔ asɔrefie hɔ no, ofii ase srɛe sɛ wɔnkyɛ no ade.+
4 Nanso, Petro ne Yohane nyinaa hwɛɛ no dinn+ kae sɛ: “Hwɛ yɛn.”
5 Enti ɔhwɛɛ wɔn susuwii sɛ obenya biribi afi wɔn hɔ.
6 Nanso, Petro kae sɛ: “Dwetɛ ne sika de, minni bi, na mmom nea mewɔ na mede ma wo yi:+ Mise wo Nasareni+ Yesu Kristo din mu sɛ nantew!”+
7 Enti osoo ne nsa nifa+ maa no so. Amonom hɔ ara ne nan ase ne ne nankɔn nnompe mu yɛɛ den;+
8 na ohuruw gyinae,+ na ofii ase nantewee na ɔne wɔn kɔɔ asɔrefie hɔ+ a ɔnam rehuruhuruw yi Onyankopɔn ayɛ.
9 Na nnipa no nyinaa+ huu no sɛ ɔnam a ɔreyi Onyankopɔn ayɛ.
10 Bio nso, wofii ase huu no yiye sɛ ɔno ne ɔbarima a na ɔtena Ɔpon Fɛfɛ no ano wɔ asɔrefie hɔ srɛsrɛ ade+ no, na nea asi no yɛɛ wɔn nwonwa na wɔn ho dwiriw wɔn.+
11 Bere a ɔbarima no kura Petro ne Yohane mu no, nnipa a wɔwɔ hɔ nyinaa tuu mmirika kɔɔ wɔn nkyɛn wɔ nea wɔfrɛ no Solomon abrannaa+ no so, a nea wohui no ama wɔn ho adwiriw wɔn aboro so.
12 Bere a Petro huu eyi no, ɔka kyerɛɛ nkurɔfo no sɛ: “Israel mmarima, dɛn nti na eyi yɛ mo nwonwa, na dɛn nti na morehwɛ yɛn haa te sɛ gyama yɛnam yɛn ankasa tumi anaa onyamesom pa so na yɛma ɔnantewee yi?+
13 Abraham ne Isak ne Yakob Nyankopɔn,+ yɛn agyanom Nyankopɔn ahyɛ N’akoa+ Yesu anuonyam,+ nea mo de, muyii no mae,+ na mopaa no Pilato anim, bere a osii gyinae sɛ obegyaa no no.+
14 Yiw, mopaa nea ɔyɛ kronkron na ɔteɛ no,+ na mosrɛe sɛ wɔnyɛ mo adom mfa ɔbarima wudifo+ mma mo,
15 na mukum nkwa Safohene+ no. Nanso Onyankopɔn nyan no fii awufo mu; ɛyɛ nokwasɛm a yɛyɛ ho adansefo.+
16 Enti ne din, gyidi a yɛwɔ wɔ ne din mu na ama ɔbarima a muhu no na munim no yi anya ahoɔden, na ne mu gyidi na ama ɔbarima yi ho atɔ no korakora wɔ mo nyinaa anim no.
17 Afei anuanom, minim sɛ munnim nti na moyɛe,+ sɛnea mo atumfoɔ+ no nso yɛe no.
18 Nanso Onyankopɔn nam saa kwan yi so ama nneɛma a ɔnam adiyifo no nyinaa anom so ka siei sɛ ne Kristo no behu amane no aba mu.+
19 “Enti monsakra mo adwene,+ na monnan mo ho+ mma wɔmpopa mo bɔne,+ na ahosan mmere+ afi Yehowa ankasa nkyɛn aba
20 na wasoma Kristo a wɔapaw no ama mo, a ɔne Yesu
21 a etwa sɛ ɔsoro kora no+ kosi mmere a wobesiesie+ nneɛma nyinaa sɛnea Onyankopɔn nam ne tete adiyifo+ kronkron no anom so aka no.
22 Nokwasɛm ni, Mose kae sɛ, ‘Yehowa Nyankopɔn beyi odiyifo bi a ɔte sɛ me afi mo nuanom mu ama mo.+ Ɛsɛ sɛ nea ɔbɛka akyerɛ mo nyinaa mutie.+
23 Nokwarem no, ɔkra biara a ontie saa Odiyifo no, wɔbɛsɛe no koraa afi ɔman no mu.’+
24 Na adiyifo no nyinaa, efi Samuel so ne wɔn a wodidi so no so no, wɔn a wɔkasae nyinaa kaa saa nna no ho asɛm fann.+
25 Moyɛ adiyifo no ne apam a Onyankopɔn ne mo agyanom pamee no mma,+ sɛnea ɔka kyerɛɛ Abraham sɛ, ‘W’aseni so na wɔnam behyira asase so mmusua nyinaa’+ no.
26 Bere a Onyankopɔn maa n’Akoa so no, mo nkyɛn na ɔsomaa no kan+ sɛ ɔmmɛdan mo nyinaa mfi mo nneyɛe bɔne ho na onhyira mo.”
Ase Hɔ Nsɛm
^ Bɛyɛ awia nnɔn 3.
