Atemmufo 11:1-40
11 Saa bere yi na Gileadni+ bi a ɔde Yefta+ a ne maame yɛ ɔbea aguaman+ abɛyɛ ɔbarima katakyi kokodurufo.+ Ná Yefta papa din de Gilead.
2 Na Gilead yere woo mmabarima maa no. Afei bere a ne yere no mma nyinyinii no, wɔpam Yefta ka kyerɛɛ no sɛ: “Wunni agyapade biara wɔ yɛn papa fie,+ efisɛ ɔbea foforo bi ba ne wo.”
3 Enti Yefta fii ne nuanom nkyɛn kɔtenaa Tob+ asase so, na akobɔfo bi boaa wɔn ho ano bɛkaa Yefta ho, na opue a, wɔne no na ɛkɔ.+
4 Akyiri yi Ammonfo ne Israelfo bɛkoe.+
5 Bere a Ammonfo ne Israelfo bɛkoe no,+ Gilead mpanyimfo yɛɛ ntɛm kɔɔ Tob+ asase so sɛ wɔrekɔfa Yefta aba.
6 Na wɔka kyerɛɛ Yefta sɛ: “Bra bɛyɛ yɛn sahene na yɛne Ammonfo nko.”
7 Ɛnna Yefta bisaa Gilead mpanyimfo+ no sɛ: “Ɛnyɛ mo na ɔtan nti mopam me fii me papa fie no?+ Afei sɛ mo ho akyere mo a, moaba sɛ menyɛ mo dɛn?”+
8 Na Gilead mpanyimfo no ka kyerɛɛ Yefta sɛ: “Ɛno nti na yɛasan aba wo nkyɛn yi.+ Enti ma yɛnkɔ na yɛne Ammonfo nkɔko, na yɛbɛma woadi Gileadfo+ nyinaa so.”
9 Ɛnna Yefta ka kyerɛɛ Gilead mpanyimfo no sɛ: “Sɛ mode me san kɔ sɛ me ne Ammonfo nkɔko, na Yehowa de wɔn hyɛ me nsa+ a, ɛnde mɛyɛ mo ti!”
10 Na Gilead mpanyimfo no ka kyerɛɛ Yefta sɛ: “Yehowa ate, enti sɛ yɛanyɛ nea woaka yi a,+ ɔno ne yɛn ntam dansefo.”+
11 Ɛnna Yefta ne Gilead mpanyimfo no kɔe, na ɔman no de no yɛɛ wɔn ti ne wɔn sahene.+ Na Yefta de n’asɛm nyinaa too Yehowa anim+ wɔ Mispa.+
12 Afei Yefta tuu abɔfo kɔɔ Ammon+ hene nkyɛn kobisaa no sɛ: “Asɛm bɛn na me ne wo wɔ+ a enti woaba m’asase so sɛ wo ne me rebɛko yi?”
13 Na Ammonfo hene ka kyerɛɛ Yefta abɔfo no sɛ: “Asɛm no ara ne sɛ, bere a Israelfo fi Egypt reba no, wɔfaa m’asase+ de fi Arnon+ kɔ Yabok kosi Yordan+ ho. Enti dan ma me komm.”
14 Nanso Yefta san tuu abɔfo kɔɔ Ammon hene nkyɛn
15 kɔka kyerɛɛ no sɛ:
“Yefta se yɛnka nkyerɛ wo sɛ, ‘Israel amfa Moab+ ne Ammonfo+ asase biara.
16 Bere a Israelfo fi Egypt reba no, wɔfaa sare so beduu Po Kɔkɔɔ+ no ho, na wofi hɔ baa Kades.+
17 Afei Israel tuu abɔfo kɔɔ Edom+ hene nkyɛn kɔka kyerɛɛ no sɛ: “Mesrɛ wo ma memfa w’asase so,” nanso Edom hene ampene. Na wɔsoma kɔɔ Moab+ hene nso nkyɛn, na ɔno nso ampene. Enti Israelfo tenaa Kades.+
18 Bere a wɔnam sare so no, wotwa faa Edom+ ne Moab asase ho kopuee Moab asase no apuei,+ na wɔkɔsoɛɛ Arnon mpɔtam. Na wɔantra amma Moab asase so,+ efisɛ na Arnon da Moab hye so.+
19 “‘Akyiri yi Israel somaa nnipa kɔɔ Amorifo hene Sihon a odi ade wɔ Hesbon+ no nkyɛn kɔka kyerɛɛ no sɛ: “Yɛsrɛ wo ma yɛmfa w’asase so nkɔ m’asase so.”+
20 Nanso na Sihon tirim nteɛ no sɛ ɔbɛma Israelfo afa n’asase so, na ɔboaboaa ne dɔm nyinaa ano wɔ Yahas+ ne Israelfo koe.+
21 Na Israel Nyankopɔn Yehowa de Sihon ne ne dɔm nyinaa hyɛɛ Israelfo nsa, na wokunkum Amorifo faa asase a wɔte so nyinaa.+
22 Wɔfaa Amorifo asase nyinaa fi Arnon kosi Yabok, fi sare so kosi Yordan ano.+
23 “‘Enti Israel Nyankopɔn Yehowa na otuu Amorifo fii ne man Israel anim,+ na wo nso wopɛ sɛ wutu ɔman yi anaa?
24 Ɛnyɛ asase a wo nyame Kemos+ bɛma woagye no na wobɛfa? Enti yɛn nso, asase a yɛn Nyankopɔn Yehowa bɛma yɛagye no na yɛbɛfa.+
25 Wususuw sɛ wokyɛn Sipor ba Balak, Moab hene no, anaa?+ So ɔne Israel dii asi, anaa ɔne wɔn koe pɛn?
26 Bere a Israel te Hesbon ne ɛho nkurow+ ne Aroer+ ne ɛho nkurow ne nkurow a egu Arnon nsunoa nyinaa mu mfe ahasa no, dɛn nti na woannye amfi wɔn nsam saa bere no?+
27 Me de, menyɛɛ wo bɔne biara, na wo mmom na woayɛ bɔne sɛ wode ntɔkwaw atoa me. Ɔtemmufo+ Yehowa no ankasa mmu Israelfo ne Ammonfo ntam atɛn nnɛ.’”
28 Na Ammonfo hene no antie asɛm a Yefta soma ma wɔkɔka kyerɛɛ no no.+
29 Afei Yehowa honhom baa Yefta so+ na ɔkɔfaa Gilead ne Manase kɔɔ Gilead-Mispe, na ofi Gilead-Mispe+ kɔɔ Ammonfo so.
30 Na Yefta hyɛɛ Yehowa bɔ+ sɛ: “Sɛ wode Ammonfo hyɛ me nsa,
31 na mifi Ammonfo so ba asomdwoe mu+ a, obiara a obefi me fie abehyia me no bɛyɛ Yehowa dea,+ na mede no bɛbɔ ɔhyew afɔre.”+
32 Enti Yefta kɔɔ Ammonfo so ne wɔn kɔkoe, na Yehowa de wɔn hyɛɛ ne nsa.
33 Na okunkum wɔn fii Aroer ara koduu Minit,+ nkurow aduonu, na ɔdwɛree nnipa no koduu Abel-Keramim. Enti wɔbrɛɛ Ammonfo ase maa Israelfo.
34 Afei Yefta baa Mispa,+ na ɔrekɔ ne fie no, hwɛ, ne babea de mpintin ne asaw behyiaa no!+ Ná odi no bakoro; onni ɔbabarima anaa ɔbabea biara ka ne ho.
35 Bere a n’ani bɔɔ no so ara pɛ na osuan n’atade mu,+ na ɔkae sɛ: “Ao me ba! Woama mahodwow, sɛɛ na wo na merebetwa wo asu. Nanso manya abue m’ano ahyɛ Yehowa bɔ, enti mintumi nsan m’akyi.”+
36 Ɛnna ne babea no ka kyerɛɛ no sɛ: “Papa, sɛ woabue w’ano ahyɛ Yehowa bɔ a, ɛnde nea afi w’anom no, yɛ me saa ara,+ efisɛ Yehowa atua w’atamfo Ammonfo so ka ama wo.”
37 Na ɔtoaa so ka kyerɛɛ ne papa sɛ: “Nea meresrɛ wo ni: Gya me kwan na menkɔ mmepɔw so asram abien, na me ne me nnamfonom nkosu me baabunyɛ.”+
38 Ɛnna ne papa kae sɛ: “Kɔ!” Enti ogyaa no kwan ma ɔkɔe asram abien. Na ɔne ne nnamfonom kosuu ne baabunyɛ wɔ mmepɔw so.
39 Asram abien no baa awiei no, ɔbaa ne papa nkyɛn, na ɔyɛɛ no sɛnea wahyɛ bɔ no.+ Na ɔbea no ne ɔbarima biara anna da. Afei ɛbɛyɛɛ amanne wɔ Israel sɛ:
40 Afe biara Israel mmabea kɔkamfo Gileadni Yefta babea no nnanan.+
