Daniel 12:1-13
12 “Saa bere no, Mikael,+ ɔsafohene+ kɛse a ogyina hɔ+ ma wo man+ mma no bɛsɔre agyina. Na ahohia a efi bere a ɔman bae ebi mmae da bɛba.+ Saa bere no, wo manfo benya wɔn ti adidi mu,+ obiara a wɔakyerɛw ne din wɔ nhoma no mu no.+
2 Na wɔn a wɔdeda fam dɔte mu no bebree benyan;+ ebinom bɛkɔ daa nkwa mu,+ na ebinom nso ayɛ ahohorade ne daa akyide.+
3 “Na mmadwemma no bɛhyerɛn sɛnea wim hyerɛn,+ na wɔn a wɔde nnipa bebree ba trenee mu no+ bɛyɛ sɛ nsoromma daa daa.
4 “Na wo Daniel, to nsɛm no mu na sɔ nhoma no ano+ kosi awiei bere no.+ Nnipa bebree bɛtweetwee mu,* na nimdeɛ a edi mu bɛdɔɔso.”+
5 Na me, Daniel, mihui na hwɛ! abɔfo foforo baanu gyinagyina hɔ.+ Obiako gyina asubɔnten no ano ha na obiako nso gyina asubɔnten no ano hɔ.+
6 Na biako bisaa ɔbarima a ofura nwera+ a ɔwɔ asubɔnten no nsu so no sɛ: “Da bɛn na anwonwade no awiei bɛkɔ akodu?”+
7 Na metee ɔbarima a ofura nwera a ɔwɔ asubɔnten no nsu so no nne, na ɔmaa ne nsa nifa ne ne nsa benkum so kyerɛɛ ɔsoro, na ɔkaa nea ɔte ase daa+ no ntam+ sɛ: “Ɛbɛkɔ akodu bere, mmere ne bere fã.+ Na sɛ wɔsɛe ɔman kronkron no ahoɔden+ wie ara pɛ a, eyinom nyinaa bɛba awiei.”
8 Na metee, nanso mante ase,+ enti mibisae sɛ: “Ao me wura, nneɛma yi awiei bɛyɛ dɛn?”+
9 Ɛnna ɔkae sɛ: “Daniel, wo de, kɔ, efisɛ wɔato nsɛm no mu asɔ ano kosi awiei bere no.+
10 Nnipa bebree bɛtew wɔn ho+ na wɔayɛ fitaa,+ na wɔayiyi wɔn mu fĩ.+ Amumɔyɛfo bedi amumɔyɛsɛm,+ na omumɔyɛfo biara rente ase;+ mmadwemma na wɔbɛte ase.+
11 “Na efi bere a wobeyi+ daa afɔre+ na wɔde akyide+ a ɛbɔ ɔman asi hɔ no yɛ nna apem ahanu aduɔkron.
12 “Anigye+ ne nea ɔtwɛn kodu nna apem ahasa aduasa anum no!
13 “Na wo de, kɔ kodu awiei;+ wobɛhome,+ na woasɔre abenya wo kyɛfa, nna no awiei.”+
Ase Hɔ Nsɛm
^ Hebri mu ɛkyerɛ sɛ “bebree bedi akɔneaba.”
