Deuteronomium 32:1-52
32 Ɔsoro, yɛ aso na menkasa;Asase nso ntie m’anom asɛm.+
2 Me nkyerɛkyerɛ bɛsosɔ sɛ osu,+M’asɛm begu sɛ obosu,+Ɛbɛyɛ sɛ osu a ɛretɔ gu sare so+Na ayɛ sɛ osu a ɛrepete nhaban so.+
3 Mɛbɔ Yehowa din.+Montontono yɛn Nyankopɔn!+
4 Ɔbotan no, n’adeyɛ yɛ pɛ,+N’akwan nyinaa teɛ.+
Ɔyɛ Onyankopɔn nokwafo+ a nkontomposɛm biara nni n’akwan mu,+Ɔtreneeni a obu atɛntrenee.+
5 Wɔn de, wɔasɛe wɔn ho;+Wɔnyɛ ne mma bio, wɔn ankasa nkekae nti.+Wɔyɛ awo ntoatoaso a wɔakɔntɔn na wɔakyea!+
6 Ɔman nkwaseafo a munnim nyansa,+Yehowa na moyɛ no saa no?+Ɛnyɛ ɔno ne mo Agya a ɔbɔɔ mo?+Ɛnyɛ ɔno na ɔyɛɛ mo na ɔmaa mo ase timii?+
7 Monkae tete,+Mummu nkɔmpɔw nhwɛ mo akyi, awo ntoatoaso kosi awo ntoatoaso;Bisa w’agya, na ɔbɛkyerɛ wo;+Wo mpanyimfo, na wɔbɛka akyerɛ wo.+
8 Bere a Ɔsorosoroni no maa aman no agyapade,+Na ɔpaapaee Adam mma mu no,+Otwaa ɔman biara hye maa no+Sɛnea Israelfo dodow te.+
9 Na Yehowa kyɛfa ne ne man;+Yakob yɛ n’agyapade.+
10 Ohuu no wɔ sare so,+Sare pradada so mmoa su mu.+Na otwaa ne ho hyiae+ hwɛɛ no so,+Ɔbɔɔ ne ho ban sɛ n’aniwa kesua.+
11 Sɛnea ɔkɔre wosow ne buw,Na otu fa ne mma so,+Trɛw ne ntaban mu fa wɔn,Na ɔde wɔn gu ne ntakra so no,+
12 Yehowa nkutoo na odii n’anim,+Na ananafo nyame biara nka ne ho.+
13 Ɔma ɔfaa asase so nkoko so,+Na odii asase no so nnɔbae.+Ɔmaa ofew ɛwo fii ɔbotan mu,+Na onyaa ngo fii abohemmaa mu.+
14 Ɔmaa no anantwi srade ne nguan nufusu+Ne adwennini srade,Ne Basan nguan a wɔadɔ, ne mpapo+Ne awi asaabo mu srade;+Na wonom bobe mu mogya sɛ nsã.+
15 Yesurun+ yɛɛ kɛse no, ɔtotow ne nan.+O Yesurun, woayɛ kɛse, wo mu ayɛ duru, woabɔ mã.+Enti ɔpoo Onyankopɔn a ɔyɛɛ no no,+Na obuu ne nkwagye Botan+ no animtiaa.
16 Wɔde ananafo anyame+ huruu ne bo;+Na wɔde akyide hyɛɛ no abufuw.+
17 Wɔbɔɔ afɔre maa adaemone, ɛnyɛ Onyankopɔn,+Anyame a wonnim wɔn,+Anyame a wɔbae nkyɛe koraa,+Anyame a mo agyanom nnim wɔn ho hwee.
18 Nanso Ɔbotan a ɔwoo wo no de, wo werɛ afi no,+Na Onyankopɔn a ɔkyem woo wo no, wunni ne ho nkae biara.+
19 Yehowa huu saa no, wɔn ho yɛɛ no nwini,+Efisɛ ne mmabarima ne ne mmabea huruu ne bo.
20 Enti ɔkae sɛ, ‘Ma minyi m’ani nhintaw wɔn,+Ma menhwɛ sɛnea ebewie wɔn.Na wɔyɛ awo ntoatoaso nkontompofo,+Mma a nokware biara nni wɔn mu.+
21 Wɔn de, wɔde anyamehunu ahuru me bo;+Na wɔde abosonhuhuw ahyɛ me abufuw;+Me nso, mede ɔman hunu behuru wɔn bo;+Na mede ɔman agyimfo beyi wɔn ahii.+
22 M’abufuw mu gya asɔ,+Na ɛbɛhyew akosi Adamoa* ase tɔnn.+Ɛbɛhyew asase ne ɛso nneɛma,+Na ɛde ogya ato mmepɔw nnyinaso mu.+
23 Mɛma ɔhaw abu wɔn so,+Na m’agyan nyinaa bɛsa wɔ wɔn so.+
24 Ɔkɔm+ bekisa wɔn na atiridiinini+Ne ɔsɛe yawyaw amene wɔn.+Mede mmoa se bɛtoa wɔn+Ne mfutuma mu awɔ ano bɔre.+
25 Nkrante bekunkum wɔn abɔnten+Na ehu akum wɔn mpia mu,+Mmerante ne mmabaa,+Nkokoaa ne wɔn a wɔafuw dwen nyinaa.+
26 Anka mɛka sɛ: “Mɛbɔ wɔn apete,+Na mɛma wɔn din ayera adesamma mu,”+
27 Nanso misuro sɛ ɔtamfo no behuru me bo,+Na wɔn a wokyi wɔn no bɛkyea asɛm no,+Na wɔbɛka sɛ: “Yɛakyerɛ yɛn tumi,+Yehowa nsa nnim.”+
28 Wɔyɛ ɔman a nyansa abɔ wɔn,+Na wɔne nhumu abɔ nsianho.+
29 O sɛ wonim nyansa a!+ Anka wobedwen asɛm yi ho.+Anka wobehu wɔn awiei.+
30 Obiakofo bɛyɛ dɛn atoa apem,Na ɛbɛyɛ dɛn na baanu ama mpem du aguan?+Gye sɛ wɔn Botan no atɔn wɔn,+Na Yehowa ayi wɔn ama.
31 Wɔn botan no nte sɛ yɛn Botan no,+Na yɛn atamfo mpo begye atom saa.+
32 Wɔn bobe yɛ Sodom bobe,Efi Gomora mfuw mu.+Wɔn bobe aba yɛ awuduru,N’asiaw yɛ nwene.+
33 Wɔn nsã yɛ awɔ akɛse bɔre,Aprammiri bɔre a edi awu.+
34 Makora so wɔ me nkyɛn,Na masɔ ano wɔ m’adekoradan mu.+
35 Aweredi wɔ me, na me na metua ka.+Bere du a, wɔn nan bɛkeka abom,+Efisɛ wɔn amanehunu abɛn,+Na nea ɛda hɔ retwɛn wɔn no bɛba ntɛm.’+
36 Yehowa bebu ne nkurɔfo atɛn+Na ne nkoa asɛm bɛyɛ no yaw,+Efisɛ obehu nnipa a wɔn ahoɔden asa,Nnipa hunu a wonni ɔboafo biara.
37 Na ɔbɛka sɛ, ‘Wɔn anyame no wɔ he,+Ɔbotan a wɔde wɔn ho twerii no no wɔ he,+
38 Wɔn a wodii wɔn afɔrebɔ srade no,+Na wɔnom wɔn afɔrebɔ nsã no?+Ma wɔnsɔre mmoa mo.+Ma wɔmfa mo nsie.+
39 Afei munhu sɛ mene Onyankopɔn+Na anyame biara nka me ho.+Me na mikum, na me na migye nkwa.+Mipira,+ na mesa,+Na obiara rentumi nhwim biribi mfi me nsam.+
40 Mede me nsa kyerɛ soro ka ntam,+Na meka sɛ: “Mete ase daa yi,”+
41 Sɛ mesew me nkrante ano hyɛnn,+Na me nsa so atemmu mu a,+Metua m’atamfo ka+Na matwe wɔn a wɔtan me no aso.+
42 Mɛma mogya abow m’agyan,+Na me nkrante bedi nam,+Wɔn a wɔakunkum wɔn ne nnommum mogya,Wɔn a wodi ɔtamfo no anim no ti.’+
43 Amanaman, mo ne ne man ani nnye,+Obetua n’atamfo ka,+Obebisa ne nkoa mogya afi wɔn nsam,+Na ɔbɛpata ama ne nkurɔfo asase.”
44 Afei Mose ne Nun ba Hosea+ bɛkaa nnwom yi mu nsɛm nyinaa kyerɛɛ ɔman no.+
45 Bere a Mose kaa nsɛm yi nyinaa kyerɛɛ Israel wiei no,
46 ɔtoaa so ka kyerɛɛ wɔn sɛ: “Momma nsɛm a mede rebɔ mo kɔkɔ nnɛ yi nyinaa nna mo koma so,+ na moaka akyerɛ mo mma na wɔadi mmara yi mu nsɛm nyinaa so.+
47 Asɛm yi nyɛ nsɛnhunu,+ na mmom ɛne mo nkwa,+ na asɛm yi na ɛbɛma mo nna aware wɔ asase a moretwa Yordan akɔfa no so.”+
48 Na Yehowa ka kyerɛɛ Mose saa da no ara sɛ:
49 “Foro kɔ Abarim bepɔw yi so,+ Bepɔw Nebo+ a ɛwɔ Moab asase so no so, beae a ɛne Yeriko di nhwɛanim no, na kɔhwɛ Kanaan asase a mede bɛma Israelfo no.+
50 Na wubewu wɔ bepɔw a worekɔ so no so, na wobesie wo aka wo nkurɔfo ho,+ sɛnea wo nua Aaron wui wɔ Bepɔw Hor so+ na wosiee no kaa ne nkurɔfo ho no,
51 efisɛ mofom me+ wɔ Israelfo mu wɔ Meriba nsu+ a ɛwɔ Kades no ho wɔ Sina sare so, efisɛ moanyɛ me kronkron wɔ Israelfo no mu.+
52 Na w’ani na wode behu asase a mede rema Israelfo no wɔ akyirikyiri, na wo nan de, ɛrensi hɔ.”+
Ase Hɔ Nsɛm
^ Anaa “Sheol.” Nea ɛkyerɛ ne adesamma adamoa. Hwɛ Nkekaho 4.
