Deuteronomium 33:1-29
33 Ansa na nokware Nyankopɔn nipa Mose+ rebewu no, ohyiraa+ Israelfo no.
2 Ɔkae sɛ:“Yehowa fi Sinai bae,+Na ofi Seir puee wɔn so.+Ɔhyerɛn fii Paran bepɔw so,+Na abɔfo kronkron huhaa ka ne ho,+Wɔn nnɔmmarima wɔ ne nsa nifa so.+
3 Ɔdɔ ne man,+Na wɔn akronkronfo nyinaa wɔ wo nsam.+Wɔbɛtenatenaa wo nan ase,+Na wotiee w’asɛm.+
4 (Mose maa yɛn mmara,+Yakob asafo no agyapade.)+
5 Ɔbɛyɛɛ ɔhene wɔ Yesurun,+Bere a ɔman no mpanyimfo hyiae,+Bere a Israel mmusua nyinaa hyiae no.+
6 Ma Ruben ntena ase, mma onnwu,+Mma ne fiefo so nntew.”+
7 Na ohyiraa Yuda+ nso sɛ:“Yehowa, tie Yuda adesrɛ,+Na fa no bra ne nkurɔfo nkyɛn.Ne nsa ako ama no;Boa no gye no fi n’atamfo nsam.”+
8 Nea ɔka faa Lewi ho nso ni:+“Wo Tumim ne Urim*+ yɛ nea odi wo nokware no dea,+Nea wosɔɔ no hwɛe wɔ Masa no.+Wo ne no dii asi wɔ Meriba nsu ho.+
9 Ɔno na ɔka kyerɛɛ ne papa ne ne maame sɛ, ‘Minhuu no.’Ne nuanom mpo ɔpoo wɔn,+Na ne mma nso, na onnim wɔn.Wodii w’asɛm so,+Na wokuraa w’apam mu.+
10 Ma wɔmfa w’atemmusɛm nkyerɛkyerɛ Yakob+Na wɔmfa wo mmara nkyerɛkyerɛ Israel.+Ma wɔnhyew aduhuam wo hwene ano pɛɛ,+Na wɔmmɔ afɔre mũ w’afɔremuka so.+
11 Yehowa, hyira no ma no ahoɔden,+Na ma w’ani nnye ne nsa ano adwuma ho.+Wɔn a wɔsɔre tia no no, huan wɔn dwonku,+Na wɔn a wokyi no nso yɛ wɔn saa ara, na wɔansɔre bio.”+
12 Nea ɔka faa Benyamin ho ni:+“Ma nea Yehowa dɔ no+ no ntena ne nkyɛn dwoodwoo,+Ɔmmɔ ne ho ban da mũ nyinaa,+Na ɔmfa no nsi akɔnkɔn.”+
13 Nea ɔka faa Yosef ho nso ni:+“Yehowa nhyira n’asase daa,+Na ɔmma no ɔsoro nnepa, ɔsoro bosu,+Ne subun a ɛwɔ fam.+
14 Ɔmma no nnepa, owia de,+Na ɔmma no nnepa, ɔsram biara de.+
15 Ɔmma no apuei mmepɔw so nnepa,+Ne nkoko a etim hɔ daa so nnepa.
16 Ɔmma no asase so nnepa ne nea ɛwɔ so nyinaa bi,+Na onnya nea ɔte nkyɛkyerɛ mu no anim dom.+Ne nyinaa mmra Yosef atifi,+Ɛmmra nea woyii no fii ne nuanom mu no mpampam.+
17 N’anuonyam te sɛ nantwinini abakan,+Na ne mmɛn yɛ ɛkoɔ mmɛn.+Ɔde bepiapia aman+Na wɔn nyinaa akogu asase ano,Ɛno ne Efraim ɔpedudu,+Ne Manase mpempem.”
18 Nea ɔka faa Sebulon ho nso ni:+“Sebulon, ma w’ani nnye w’akwantu mu,+Isakar nso, wo ntamadan mu.+
19 Wɔbɛfrɛ nnipa akɔ bepɔw so.Ɛhɔ na wɔbɛbɔ trenee afɔre.+Na wobefew po mu agyapade bebree+Ne anhwea mu ademude a ahintaw.”
20 Nea ɔka faa Gad ho ni:+“Nhyira nka nea ɔbɛtrɛw Gad ahye mu.+Ɔte hɔ sɛ gyata,+Na ɔbɛtew basa, mpampam ankasa.+
21 Ɔbɛpaw nea eye afa,+Ɛhɔ na mmarahyɛfo kyɛfa wɔ.+Na ɔman no mpanyimfo behyia.Ɔbɛda Yehowa trenee adi,Ne n’atemmusɛm wɔ Israel ho.”
22 Nea ɔka faa Dan ho nso ni:+“Dan yɛ gyata ba.+Obehuruw afi Basan.”+
23 Nea ɔka faa Naftali ho nso ni:+“Yehowa adom amee Naftali,Na ne nhyira ayɛ no mã.Fa atɔe ne anafo di so.”+
24 Nea ɔka faa Aser ho nso ni:+“Wɔde mma behyira Aser.+Ma ne nuanom nnye no ntom,+Na ɔmfa ne nan mmɔ ngo mu.+
25 Dade ne kɔbere yɛ wo pon akyi adaban,+Na wo nkwa nna nyinaa yɛ nna a wode beyi akyẽa.
26 Obiara nni hɔ a ɔte sɛ Yesurun+ nokware Nyankopɔn no,+Ɔno na ɔnam soro boa wo+Na ɔnam wim mununkum mu wɔ n’anuonyam mu.+
27 Tete Nyankopɔn ne wo guankɔbea,+Ne basa wɔ w’ase daa.+Ɔbɛpam w’atamfo afi w’anim,+Na ɔbɛka sɛ, ‘Sɛe wɔn!’+
28 Israel bɛtena hɔ dwoodwoo,+Yakob abura bɛtena hɔ komm+Asase a awi ne nsã foforo abu so so.+Na obosu bɛsosɔ afi ne soro.+
29 Israel, ma w’ani nnye!+Hena na ɔte sɛ wo,+Ɔman a anya Yehowa nkwagye?+Ɔno ne wo kyɛm a ɔboa wo+Ne wo nkrante kɛse.+Enti w’atamfo ho bɛpopo w’anim+Na wo de, wubetiatia wɔn mmepɔw ne wɔn nkoko so.”+
