Efesofo 2:1-22
2 Afei nso, mo na Onyankopɔn ama moaba nkwa mu, bere a na moawu wɔ mo mfomso ne mo bɔne mu no,+
2 na emu na bere bi monantew sɛnea wiase nhyehyɛe+ yi te, sɛnea mframa a ɛrebɔ no panyin+ no tumi te; ɛno ne honhom+ a seesei ɛyɛ adwuma wɔ asoɔden mma+ mu no.
3 Yiw, wɔn mu na bere bi yɛn nyinaa bɔɔ yɛn bra sɛnea yɛn honam akɔnnɔ+ te, na yɛyɛɛ nea ɔhonam ne nsusuwii pɛ,+ a na yefi awosu mu yɛ abufuw mma+ te sɛ wɔn a aka no ara.
4 Nanso Onyankopɔn a ne mmɔborɔhunu dɔɔso+ no nam ɔdɔ kɛse a ɔdɔɔ yɛn+ no so,
5 ama yɛaka Kristo ho anya nkwa, bere a na yɛawu wɔ mfomso mu+ mpo no—wɔnam adom so na agye mo+—
6 na wanyan yɛne no+ na ɔde yɛn abom atena ɔsoro atenae+ wɔ Kristo Yesu mu,
7 sɛnea ɛbɛyɛ na bere* a ɛreba+ no mu no, wobeyi n’adom ahonyade+ a ɛboro so wɔ n’ayamye mu no adi akyerɛ yɛn wɔ Kristo Yesu mu.+
8 Adom yi na ama wɔnam gyidi+ so agye mo nkwa; na emfi mo,+ ɛyɛ Onyankopɔn akyɛde.+
9 Dabi, emfi nnwuma mu,+ na obiara annya biribi annyina so anhoahoa ne ho.+
10 Na yɛyɛ ne nsa ano adwuma,+ na ɔbɔɔ yɛn+ Kristo Yesu mu+ maa nnwuma pa+ a Onyankopɔn asiesie ato hɔ+ sɛ yɛnnantew mu no.
11 Enti momma ɛntena mo adwenem daa sɛ bere bi a atwam no na moyɛ amanaman mufo wɔ ɔhonam mu;+ ná wɔn a wɔfrɛ wɔn “twetiatwa” a nsa na wɔde twae wɔ ɔhonam mu no frɛ mo “momonoto.”+
12 Na monkae sɛ saa bere no na munnim Kristo;+ ná moyɛ nkurɔfo a wɔne Israel man nni twaka;+ na moyɛ bɔhyɛ apam+ ahorow no ho ananafo; na munni anidaso+ biara, na na munnim Onyankopɔn wɔ wiase.+
13 Nanso mo a bere bi na mowɔ akyirikyiri a seesei mowɔ Kristo Yesu mu yi, monam Kristo mogya+ so abɛn.
14 Na ɔno ne yɛn asomdwoe,+ nea wayɛ akuw abien+ no biako+ na wasɛe ɔfasu+ a na etwa wɔn ntam+ no.
15 Ɔnam ne honam+ so yii nitan,+ Mmara nsɛm a ahyɛde+ ahorow wom no fii hɔ sɛnea ɛbɛyɛ a ɔbɛka akuw abien+ no abom wɔ ne mu ayɛ no onipa foforo,+ na asomdwoe aba;
16 na afei wafa asɛndua+ no so aka akuw abien no abom+ wɔ nipadua koro+ mu aba Onyankopɔn nkyɛn, efisɛ ɔde ne ho akum nitan+ no.
17 Na ɔbɛkaa asomdwoe ho asɛmpa+ kyerɛɛ mo a mowɔ akyirikyiri ne asomdwoe kyerɛɛ wɔn a wɔbɛn,+
18 efisɛ ɔno na wama yɛn, akuw abien no nyinaa,+ atumi aba Agya no nkyɛn+ denam honhom biako+ so.
19 Ɛnde afei monyɛ ananafo+ ne ahɔho+ bio, na mmom mo ne akronkronfo+ nyinaa yɛ ɔman mma,+ na moyɛ Onyankopɔn fiefo,+
20 na wɔato mo asi asomafo+ ne adiyifo+ no fapem+ a Kristo Yesu ankasa ne twea bo+ titiriw no so.
21 Ɔno mu na wɔama ɔdan mũ no asisi so pɛpɛɛpɛ,+ na ɛrepagyaw ayɛ asɔrefie kronkron ama Yehowa.+
22 Ɔno mu+ na wɔreto mo nso abom ma ayɛ baabi a Onyankopɔn bɛtena wɔ honhom mu.+
Ase Hɔ Nsɛm
^ Anaasɛ, “nneɛma nhyehyɛe,” Hela, ai·oʹsin.
