Hebrifo 1:1-14
1 Onyankopɔn a tete no ɔfaa akwan horow so mpɛn pii nam adiyifo so kasa+ kyerɛɛ yɛn agyanom+ no,
2 awiei mmere+ yi mu no, ɔnam Ɔba+ a wapaw no sɛ ɔdedifo wɔ nneɛma nyinaa so,+ a ɔnam no so yɛɛ+ mmeresanten mu nneɛma no so akasa akyerɛ yɛn.
3 Ɔyɛ n’anuonyam+ hyerɛn ne ne su sɛso+ pɛpɛɛpɛ, na ɔde n’asɛm a tumi wom no wowaw nneɛma nyinaa;+ na bere a odwiraa yɛn ho fii yɛn bɔne ho+ no, ɔkɔtenaa Anuonyam no nifa+ so wɔ sorosoro.+
4 Enti afei ɔkyɛn abɔfo+ no ma wanya din+ a ɛkyɛn wɔn de no koraa.
5 Sɛ nhwɛso no, abɔfo no mu hena na waka akyerɛ no pɛn sɛ: “Woyɛ me ba; me na ɛnnɛ, mayɛ w’agya”?+ Anaasɛ: “Me na mɛyɛ n’agya, na ɔno nso ayɛ me ba”?+
6 Nanso ɛdefa bere a ɔbɛsan de n’Abakan+ no aba asase so ho no, ɔka sɛ: “Ma Onyankopɔn abɔfo+ nyinaa nkotow no.”+
7 Bio nso, ɔka n’abɔfo no ho asɛm sɛ: “Ɔyɛ n’abɔfo ahonhom, na n’asomfo nso ogyaframa.”+
8 Nanso ɔka Ɔba no ho asɛm sɛ: “Onyankopɔn ne w’ahengua daa+ daa, na w’ahempoma+ yɛ teeyɛ poma.+
9 Wodɔɔ trenee, na wukyii mmarato. Ɛno nti na Onyankopɔn, wo Nyankopɔn, de ahurusi ngo sraa+ wo sen wo mfɛfo+ no.”
10 Bio nso: “O Awurade, wo na mfiase no wotoo asase fapem, na ɔsoro yɛ wo nsa ano adwuma.+
11 Ne nyinaa twam mpo a, wo de, wobɛtena hɔ daa; na ne nyinaa bɛyɛ dedaw sɛ atade,+
12 na wobɛbobɔw no sɛ ofuratam,+ sɛ atade nguguso; na ɛbɛsesã, na wo de, wonsesã da, na wo mfe to rentwa da.”+
13 Na abɔfo no mu hena na ɔka kyerɛɛ no pɛn sɛ: “Tena me nsa nifa kosi sɛ mede w’atamfo bɛyɛ wo nan ase ntiaso”?+
14 So wɔn nyinaa nyɛ ahonhom+ a wɔsom,+ a wɔsoma wɔn ma wɔkɔsom wɔn a wɔbɛyɛ nkwagye adedifo+ no?
