Hebrifo 11:1-40
11 Gyidi+ ne awerɛhyem a yɛde twɛn biribi a yɛn ani da so,+ nneɛma a yenhu ho adanse a ɛda adi pefee.+
2 Eyi na wɔnam so dii tetefo no ho adanse.+
3 Gyidi na yɛde hu sɛ wɔnam Onyankopɔn asɛm+ so na ɛtotoo nneɛma a ɛwɔ wiase+ no, ma enti nea yehu no fi nneɛma a ɛnna adi mu na ɛbae.+
4 Gyidi na Habel de bɔɔ afɔre a ɛsom bo sen Kain+ de no maa Onyankopɔn, na ɛnam gyidi so na wodii ne ho adanse sɛ ɔyɛ treneeni, na Onyankopɔn dii n’ayɛyɛde no ho adanse;+ na ɛnam ɛno so no, ɛwom sɛ wawu de, nanso ɔda so kasa.+
5 Gyidi nti woyii Enok+ fii baabi a na ɔwɔ na wanhu owu, na wɔanhu no baabiara, efisɛ Onyankopɔn yii no kɔɔ baabi foforo;+ na ansa na wɔreyi no afi hɔ no, onyaa adanse sɛ ɔsɔ Onyankopɔn ani.+
6 Bio nso, gyidi nni hɔ a,+ obi ntumi nsɔ Onyankopɔn ani,+ efisɛ ɛsɛ sɛ nea ɔba ne nkyɛn no gye di sɛ ɔwɔ hɔ,+ na ɔyɛ wɔn a wɔn ani abere rehwehwɛ no+ no katuafo.+
7 Gyidi nti bere a wɔmaa Noa+ Onyankopɔn kɔkɔbɔ a ɛfa nneɛma a wonnya nhui+ ho no, ɔdaa Onyankopɔn ho suro adi na ɔyɛɛ adaka+ a wɔde begye ne fiefo nkwa; na ɔnam saa gyidi yi so buu wiase no fɔ,+ na ɔbɛyɛɛ trenee a ɛnam gyidi so ho dedifo.+
8 Gyidi nti bere a wɔfrɛɛ Abraham+ no, otie siim kɔɔ baabi a na wɔahyɛ sɛ daakye obenya sɛ agyapade no; na osiim kɔe, bere a na onnim faako a ɔrekɔ.+
9 Gyidi nti ɔkɔtenaa bɔhyɛ asase no so yɛɛ ɔhɔho te sɛ nea ɔte ananafo asase so,+ na ɔne Isak+ ne Yakob+ a wɔn nyinaa yɛ bɔhyɛ koro no ara+ adedifo no tenaa ntamadan+ mu;
10 efisɛ na ɔretwɛn kurow+ a ɛwɔ fapem ankasa a ne kyekyefo ne ne yɛfo ne Onyankopɔn.+
11 Gyidi nti Sara+ nso nyaa ahoɔden faa yafunu bere a na wapa saa mfe no ho+ mpo, efisɛ obuu nea ɔhyɛɛ bɔ no nokwafo.+
12 Enti obiakofo+ a na ɔte sɛ nea wawu+ no mpo woo mma a wɔdɔɔso sɛ ɔsoro nsoromma ne mpoano anhwea a enni ano.+
13 Gyidi mu na saa nnipa yi nyinaa wuwui+ a wɔanhu bɔhyɛ ahorow no mmamu,+ nanso wohui wɔ akyirikyiri+ gye toom, na wɔpaee mu kae sɛ wɔyɛ ahɔho ne amamfrafo wɔ asase no so.+
14 Na wɔn a wɔka nsɛm a ɛte saa no di adanse sɛ wɔn ani abere rehwehwɛ baabi a ɛbɛyɛ wɔn ankasa de.+
15 Na sɛ wɔkɔɔ so kaee nea wofi bae no a,+ anka wobenya hokwan asan akɔ hɔ.+
16 Nanso afei wɔhwehwɛ baabi a eye kyɛn so a ɛyɛ ɔsoro+ de. Enti wɔn ho nyɛ Onyankopɔn aniwu sɛ wɔbɛfrɛ no wɔn Nyankopɔn,+ efisɛ wasiesie kurow+ bi ama wɔn.
17 Gyidi nti bere a wɔsɔɔ Abraham hwɛe+ no, ɔde Isak bɔɔ afɔre wiei koraa ne sa, na ɔbarima a na ɔde anigye agye bɔhyɛ ahorow no yɛe sɛ ɔde ne ba koro no rebɔ afɔre,+
18 ɛwom sɛ na wɔaka akyerɛ no sɛ: “Nea wɔbɛfrɛ no ‘w’aseni’ no nam Isak so na ɛbɛba.”+
19 Nanso ohui sɛ Onyankopɔn betumi anyan no afi awufo mu+ mpo; na ɛno mu nso na ne nsa kaa no wɔ sɛnkyerɛnne kwan so.+
20 Gyidi nso nti na Isak hyiraa Yakob+ ne Esau+ wɔ nneɛma a ɛrebɛba ho.
21 Gyidi nti bere a Yakob rebewu no,+ ohyiraa Yosef mmabarima baanu no,+ na ɔbɔɔ ne mu ase ne poma so somee.+
22 Gyidi nti bere a Yosef rebegyaa mu no, ɔkaa tu a Israel mma betu+ afi Egypt ho asɛm; na ɔkyerɛɛ nea wɔnyɛ ne nnompe.+
23 Gyidi nti bere a wɔwoo Mose no, n’awofo de no hintawee asram abiɛsa,+ efisɛ wohui sɛ abofra kumaa no ho yɛ fɛ,+ na wɔansuro ɔhene mmara no.+
24 Gyidi nti bere a Mose nyinii no,+ wampɛ sɛ wɔfrɛ no Farao babea ba,+
25 na ɔpawee sɛ ɔbɛma wɔatan ɔne Onyankopɔn nkurɔfo ani mmom sen sɛ obenya bɔne mu anigye bere tiaa bi,
26 efisɛ obuu Nea Wɔasra No* no ahohorabɔ+ sɛ ahonyade kɛse sen Egypt ademude; efisɛ ogyen n’ani hwɛɛ akatua no.+
27 Gyidi nti na ofii Egypt+ a wansuro ɔhene no abufuw,+ na ɔkɔɔ so tintimii te sɛ nea ohu Onii a wonhu no no.+
28 Gyidi nti odii twam+ no de mogya petepetee+ apongua ho sɛnea ɛbɛyɛ na ɔsɛefo no mfa ne nsa nka wɔn mmakan.+
29 Gyidi nti wɔfaa Po Kɔkɔɔ no mu te sɛ nea wɔnam asase kesee so,+ na bere a Egyptfo yɛe sɛ wɔrefa mu no, ɛmenee wɔn.+
30 Gyidi nti bere a wotwaa Yeriko afasu no ho hyiae nnanson no, edwiriw gui.+
31 Gyidi nti wɔansɛe aguaman Rahab+ amfra asoɔdenfo no, efisɛ ogyee akwansrafo no asomdwoe mu.+
32 Na dɛn bio na menka? Sɛ mereka Gideon,+ Barak,+ Samson,+ Yefta,+ Dawid+ ne Samuel+ ne adiyifo+ nkae no ho asɛm a, anka adagyew bɛbɔ me;
33 wɔn na wɔnam gyidi so ko dii ahenni horow so nkonim,+ wɔmaa adetrenee kɔɔ so,+ nyaa bɔhyɛ+ ahorow, siw agyata ano,+
34 dwudwoo ogya ano,+ guanee nkrante ano,+ nyaa ahoɔden bere a wɔyɛɛ mmerɛw,+ bɛyɛɛ ɔko mu nnɔmmarima,+ kaa ananafo dɔm gui.+
35 Mmea nsa kaa wɔn awufo denam owusɔre so;+ nanso ebinom de, wɔyɛɛ wɔn ayayade na wɔanhwehwɛ ogye, na ama wɔanya owusɔre a eye kyɛn so.
36 Yiw, ebinom nso nyaa wɔn sɔhwɛ denam fɛwdi ne ɔhwe so, ne nea ɛsen saa mpo no, mpokyerɛ+ ne afiasenna+ so.
37 Wosiw wɔn abo,+ wɔsɔɔ wɔn hwɛe,+ wɔde sradaa paee wɔn mu, wɔde nkrante kunkum wɔn,+ wɔde nguan ne mmirekyi nhoma+ nantewee bere a wɔredi hia,+ wɔn ho hiahiaa wɔn,+ wodii wɔn ani;+
38 ná wiase no mfata wɔn. Wokyinkyin sare so ne mmepɔw so ne abodan+ ne asase so abɔn mu.
39 Na ɛwom sɛ wɔn gyidi dii wɔn ho adanse de, nanso wɔannya bɔhyɛ no mmamu,+
40 efisɛ Onyankopɔn hu siei sɛ biribi a ɛkyɛn saa+ da hɔ ma yɛn,+ sɛnea ɛbɛyɛ a wɔnkwati yɛn+ nyɛ wɔn+ pɛ.+
Ase Hɔ Nsɛm
^ Hela, “Kristo.”
