Hebrifo 3:1-19
3 Enti, anuanom a moyɛ kronkron a moka ɔsoro frɛ+ ho no, monhwɛ ɔsomafo+ ne ɔsɔfo panyin a yɛpae mu ka ne ho asɛm+ no—Yesu.
2 Odii Onii a ɔpaw no no nokware+ sɛnea Mose+ nso dii Onii no fie nyinaa mu nokware no.+
3 Na wobu ɔno sɛ ɔfata anuonyam+ sen Mose, sɛnea nea+ osi fie no wɔ nidi sen ofie no.+
4 Nokwarem no, ofie biara obi na osi, na nea ɔyɛɛ nneɛma nyinaa ne Onyankopɔn.+
5 Na Mose dii Onii no fie nyinaa mu nokware sɛ ɔsomfo+ de dii nsɛm a wɔbɛka no akyiri yi ho adanse,+
6 na Kristo de, odii Onii no fie so nokware sɛ Ɔba.+ Onii no fie no ne yɛn,+ nanso gye sɛ yeso nnamyɛ a yɛde kasa ne anidaso a yɛde hoahoa yɛn ho no mu pintinn kosi ase.+
7 Eyi nti, sɛnea honhom kronkron+ ka no: “Ɛnnɛ, sɛ mote Onyankopɔn nne a,+
8 mummpirim mo koma sɛ bere a wɔhyɛɛ me abufuw no,+ te sɛ sɔhwɛ da no+ wɔ sare so hɔ,+
9 bere a mo agyanom gyigyee me sɔɔ me hwɛe, ɛmfa ho sɛ na wɔahu me nnwuma+ mfe aduanan+ no.
10 Eyi nti na awo ntoatoaso yi bɛyɛɛ akyide maa me, na mekae sɛ, ‘Wɔyera wɔ wɔn koma mu daa,+ na wonhuu m’akwan.’+
11 Enti mekaa ntam m’abufuw mu sɛ, ‘Wɔrenhyɛn+ me home mu.’”+
12 Anuanom, monhwɛ yiye na koma bɔne a enni gyidi amma mo mu biara mu da, na wanwae amfi Onyankopɔn teasefo no ho;+
13 mmom no monkɔ so ntutu mo ho mo ho fo+ da biara a wɔfrɛ no “Ɛnnɛ”+ no, na bɔne nnaadaa+ nti, mo mu biara ansen ne kɔn.
14 Na gye sɛ yeso ahotoso a yenya fii mfiase no mu pintinn kosi awiei ansa na yɛanya Kristo mu kyɛfa+ ankasa,+
15 bere a wɔka sɛ: “Ɛnnɛ, sɛ mote Onyankopɔn nne a,+ mummpirim mo koma sɛ bere a wɔhyɛɛ me abufuw no.”+
16 Na henanom na wɔtee nanso wɔhyɛɛ no abufuw no?+ Ɛnyɛ wɔn a wofii Egypt a na wɔhyɛ Mose ase no nyinaa?+
17 Bio nso, henanom na Onyankopɔn buu wɔn akyide mfe aduanan?+ So ɛnyɛ wɔn a wɔyɛɛ bɔne a wɔn afunu guguu sare so no?+
18 Na henanom bio na ɔkaa wɔn ntam+ sɛ wɔrenhyɛn ne home mu? Ɛnyɛ wɔn a wɔde asoɔden yɛɛ ade no?+
19 Enti yehu sɛ gyidi a wɔannya nti na wɔantumi anhyɛn mu.+
