Hebrifo 8:1-13
8 Afei nea yɛreka ho asɛm no, asɛntitiriw a ɛwom ni: Ɔsɔfo panyin+ a ɔte saa na yɛwɔ, na watena Anuonyam no ahengua nifa so wɔ soro+
2 sɛ obi a ɔsom wɔ kronkronbea+ ne nokware ntamadan a nea ɔyɛe ne Yehowa,+ na ɛnyɛ onipa,+ no mu.
3 Na ɔsɔfo panyin biara wɔpaw no sɛ ɔmfa ayɛyɛde ne afɔrebɔde nyinaa mma;+ enti, na ehia sɛ oyi nso nya biribi de bɔ afɔre.+
4 Na sɛ ɔwɔ asase so a, anka ɔnyɛ ɔsɔfo+ efisɛ mmarima wɔ hɔ a wɔde ayɛyɛde ma sɛnea Mmara no kyerɛ,
5 nanso saa nnipa no resom wɔ ɔsoro nneɛma no nsusuwso+ ne ne sunsuma+ mu; ɛte sɛ bere a Mose rebesi ntamadan+ no, Onyankopɔn maa no ahyɛde+ yi: Na ɔka sɛ: “Hwɛ hu sɛ wobɛyɛ nneɛma nyinaa sɛnea ne nhwɛsode a mede kyerɛɛ wo bepɔw no so no te.”+
6 Nanso afei Yesu nsa aka ɔsom adwuma a ɛkorɔn ma enti ɔyɛ apam a ɛno nso kyɛn so,+ a wɔnam bɔhyɛ+ ahorow a ɛkyɛn so so de asi hɔ mmara kwan so, no ntamgyinafo.+
7 Na sɛ apam a edi kan no ho nni asɛm a, anka wɔanhwehwɛ nea ɛto so abien akyi kwan;+
8 na onya ɔmanfo no ho asɛm bere a ɔka sɛ: “‘Hwɛ! Nna bi reba,’ Yehowa na ose, ‘na me ne Israel fie ne Yuda fie bɛyɛ apam foforo;+
9 ɛrenyɛ sɛ apam+ a me ne wɔn agyanom yɛe da a misusoo wɔn nsa yii wɔn fii Egypt asase so+ no, efisɛ wɔankɔ so antena m’apam mu,+ enti manhwɛ wɔn bio,’ Yehowa asɛm ni.”+
10 “‘Eyi ne apam a me ne Israel fie bɛyɛ wɔ nna no akyi,’ Yehowa asɛm ni. ‘Mede me mmara bɛhyɛ wɔn adwene mu, na mɛkyerɛw wɔ wɔn koma mu.+ Na mɛyɛ wɔn Nyankopɔn+ na wɔn nso ayɛ me man.+
11 “‘Na ɛremma da sɛ wɔn mu bi bɛkyerɛ ne man muni ne ne nua sɛ: “Hu Yehowa!”+ Efisɛ wɔn nyinaa behu me,+ efi akumaa so kosi ɔkɛse so.
12 Na mehu wɔn mmɔbɔ wɔn nnebɔne+ ho, na merenkae wɔn bɔne bio da.’”+
13 Bere a ɔkae sɛ “apam foforo” no, ɔmaa kan de no twaam.+ Afei nea atwam na ɛreyɛ dedaw no rebɛyera afi hɔ.+
