Hesekiel 11:1-25
11 Afei honhom+ no maa me so+ de me kɔɔ Yehowa fie pon a ani kyerɛ apuei+ fam no ano, na hwɛ, mmarima aduonu anum+ gyinagyina ɔpon no ano, na mihuu Asor ba Yaasania ne Benaia ba Pelatia a wɔyɛ ɔman no mu abirɛmpɔn wɔ wɔn mu.+
2 Na ɔka* kyerɛɛ me sɛ: “Onipa ba, mmarima yi na wodwen amumɔyɛsɛm na wotu fo bɔne tia kurow yi.+
3 Wɔka sɛ, ‘Bere a wɔde sisi adan nnui anaa?+ Kurow yi ne kuku,+ na yɛn ne nam.’
4 “Enti hyɛ wɔn ho nkɔm. Onipa ba, hyɛ nkɔm.”+
5 Afei Yehowa honhom tɔɔ me so,+ na ɔka kyerɛɛ me sɛ: “Ka sɛ, ‘Nea Yehowa aka ni:+ “Israel fie, moaka no yiye, na mo nsusuwii biara, minim.+
6 Moama mo nkurɔfo pii awuwu wɔ kurow yi mu, na moama afunu ahyɛ ne mmɔnten so mã.”’”+
7 “Enti nea Awurade Tumfoɔ Yehowa aka ni, ‘Awufo a mode agugu kurow yi mu no, wɔn ne nam no,+ na kurow no ne kuku no;+ na wobeyi mo afi mu.’”+
8 “‘Musuro nkrante,+ na nkrante na mede bɛba mo so,’ Awurade Tumfoɔ Yehowa asɛm ni.+
9 ‘Meyi mo afi kurow yi mu de mo ahyɛ ananafo nsa,+ na mebu mo atɛn.+
10 Mobɛtotɔ nkrante ano.+ Israel hye so+ na mebu mo atɛn na moahu sɛ mene Yehowa.+
11 Kurow no renyɛ kuku+ mma mo, na mo nso morenyɛ nam wɔ ne mu. Israel hye so na mebu mo atɛn,
12 na mubehu sɛ mene Yehowa, efisɛ moannantew m’ahyɛde mu na moanni m’atemmusɛm so,+ na mmom aman a atwa mo ho ahyia no atemmusɛm so na mudii.’”+
13 Na bere a mehyɛɛ nkɔm no ara na Benaia ba Pelatia wui,+ na mede m’anim butuw fam de nne kɛse teɛɛm+ sɛ, “Ao, Awurade Tumfoɔ Yehowa!+ So ɔsɛe pasaa na wode bɛtɔre Israelfo a wɔaka yi ase?”+
14 Na Yehowa san ka kyerɛɛ me sɛ:
15 “Onipa ba, Yerusalemfo aka akyerɛ wo nuanom+—wo nuanom, w’abusuafo, ne Israel fie nyinaa—sɛ, ‘Montwe mo ho mfi Yehowa ho nkɔ akyirikyiri. Asase yi yɛ yɛn de; wɔde ama yɛn sɛ yɛmfa.’+
16 Enti ka sɛ, ‘Nea Awurade Tumfoɔ Yehowa aka ni: “Ɛwom sɛ mayi wɔn kɔ aman so wɔ akyirikyiri, na mabɔ wɔn apete nsase ahorow so+ de, nanso mɛyɛ kronkronbea ama wɔn bere kakra mu wɔ nsase a wɔakɔ so no so.”’+
17 “Enti ka sɛ, ‘Nea Awurade Tumfoɔ Yehowa aka ni: “Mɛsesaw mo afi aman no mu na maboaboa mo ano afi nsase a wɔapete mo kɔ so no so, na mede Israel asase bɛma mo.+
18 Na wɔbɛba hɔ abeyi akyide ne abofonode no nyinaa afi mu.+
19 Mɛma wɔn koma koro+ na mede honhom foforo ahyɛ wɔn mu,+ na meyi ɔbo koma afi wɔn honam mu+ na mama wɔn koma a ɛyɛ mmerɛw,+
20 sɛnea ɛbɛyɛ a wɔbɛnantew m’ahyɛde mu na wɔadi m’atemmusɛm so,+ na wɔayɛ me man+ na me nso mayɛ wɔn Nyankopɔn.”’+
21 “‘“Na wɔn a wɔn koma di wɔn atantanne ne wɔn abofonode akyi no de,+ mɛma wɔn akwan adan aba wɔn ti so,” Awurade Tumfoɔ Yehowa asɛm ni.’”+
22 Afei kerubim+ no momaa wɔn ntaban so bere a ntwahonan no di wɔn nkyɛnmu no,+ na na Israel Nyankopɔn anuonyam+ wɔ wɔn so, fi soro.+
23 Na Yehowa anuonyam+ maa ne ho so fii kurow no mu kogyinaa bepɔw+ a ɛwɔ kurow no apuei fam+ no so.
24 Na honhom+ no maa me so+ baa Kaldea wɔ Onyankopɔn honhom anisoadehu mu, na ɛde me baa wɔn a wɔafa wɔn nnommum no mu.+ Afei anisoadehu a minyae no fii me so kɔe.
25 Na mekaa nea Yehowa ma mihui no nyinaa kyerɛɛ wɔn a wɔafa wɔn nnommum no.+
Ase Hɔ Nsɛm
^ Kyerɛ sɛ, Onyankopɔn.
