Hesekiel 21:1-32
21 Yehowa ka kyerɛɛ me bio sɛ:
2 “Onipa ba, fa w’ani kyerɛ Yerusalem na woro+ nsɛm gu kronkronbea hɔ,+ na hyɛ nkɔm tia Israel asase.+
3 Ka kyerɛ Israel asase sɛ, ‘Nea Yehowa aka ni: “Hwɛ, me ne wo anya asɛm,+ na mɛtwe me nkrante afi ne boha mu+ atwa ɔtreneeni ne ɔbɔnefo afi asase no so.+
4 Enti me nkrante befi ne boha mu aba ɔhonam nyinaa so, fi anafo kosi atifi,+ na metwa ɔtreneeni ne ɔbɔnefo afi asase no so.
5 Na ɔhonam nyinaa behu sɛ me Yehowa na matwe me nkrante afi ne boha mu.+ Ɛrensan nkɔ n’akyi bio.”’+
6 “Onipa ba, fa ahopopo*+ si apini. Fa awerɛhow si apini wɔ wɔn anim.+
7 Sɛ wobisa wo sɛ, ‘Dɛn nti na woresi apini?’ a,+ ka kyerɛ wɔn sɛ, ‘Amanneɛbɔ bi ntia.’+ Na ɛbɛba mu,+ na koma nyinaa bɛnan+ na nsa nyinaa adwudwo na honhom nyinaa abotow na nkotodwe nyinaa aporow nsu.*+ ‘Hwɛ, ɛbɛba mu ɔkwan biara so,’+ Awurade Tumfoɔ Yehowa asɛm ni.”
8 Na Yehowa san ka kyerɛɛ me sɛ:
9 “Onipa ba, hyɛ nkɔm na ka sɛ, ‘Nea Yehowa aka ni: “Ka sɛ, ‘Nkrante, nkrante!+ Wɔasew ano,+ na wɔatwiw ho.
10 Wɔasew ano sɛ enkum; wɔatwiw ho ma etwa nyinamnyinam.’”’”+
“Yenni ahurusi anaa?”+
“‘Ɛbɛpo m’ankasa me ba+ ahempoma,+ sɛnea ɛpo dua biara anaa?+
11 “‘Wɔde ama sɛ wontwiw ho, sɛnea wɔde nsa bekura mu. Wɔasew nkrante no ano, wɔatwiw ho sɛ wɔde bɛhyɛ okumfo nsam.+
12 “‘Onipa ba, su na twa adwo,+ efisɛ nkrante aba me man so;+ aba Israel abirɛmpɔn+ nyinaa so. Wɔde wɔne me man ama nkrante.+ Enti bɔ wo srɛ ho.+
13 Wɔasɔ ahwɛ,+ na sɛ ɛpo ahempoma+ no a, dɛn na ebesi? Ɛrenkɔ so ntena hɔ,’+ Awurade Tumfoɔ Yehowa asɛm ni.
14 “Onipa ba, hyɛ nkɔm na bɔ wo nsam,+ na ka ‘Nkrante!’ mprɛnsa.+ Ɛyɛ awufo nkrante. Ɛyɛ otitiriw a wawu nkrante, na edi wɔn so kyinhyia.+
15 Nea ɛbɛyɛ na koma anan+ na wɔn a wɔbɛka wɔn agu wɔn apon nyinaa ano+ adɔɔso no, mede nkrante bɛdwerɛw wɔn. Hwɛ, ɛho retwa yerɛwyerɛw, na wɔatwiw ho sɛ enkum!+
16 Ma w’ano nyɛ nnam;+ kɔ nifa! Gyina w’afã; kɔ benkum! Baabiara a wɔde w’ani bɛkyerɛ biara!
17 Na mɛbɔ me nsam+ na m’abufuw+ ano abrɛ ase.+ Me Yehowa na maka.”
18 Na Yehowa ka kyerɛɛ me bio sɛ:
19 “Onipa ba, yɛ akwan abien ma Babilon hene nkrante mfa so mmra.+ Ma abien no nyinaa mfi asase biako so, na yɛ akyerɛkyerɛkwan;+ yɛ wɔ kurow no nkwanta so.
20 Siesie ɔkwan ma nkrante no nkɔ Ammonfo kurow Raba+ mu, na biako nkɔ Yuda, Yerusalem kurow a ɛyɛ den no mu.+
21 Babilon hene gyina nkwanta no so, akwan abien no nkwanta so, rekɔ abisa.+ Wawosow agyan no. Ɔnam terafim ahoni+ so abisa; wahwɛ berɛbo mu.
22 Na nea adebisa no ma ohui wɔ ne nsa nifa mu ne Yerusalem, sɛ ɔnhyehyɛ mfiri a wɔde dwiriw afasu,+ na ɔnka okum ho asɛm, ɔnhyɛn ɔko torobɛnto,+ ɔmfa mfiri nnwiriw kurow no apon ngu, onsi pempe ntwa ho nhyia, na ɔnto akoban.+
23 Na ɛyɛɛ wɔn ani so sɛ nkɔntoro+—wɔn a wɔaka ntam no.+ Ɔbɛkae wɔn bɔne+ na wakyere wɔn.+
24 “Enti nea Awurade Tumfoɔ Yehowa aka ni, ‘Esiane sɛ moama wɔakae mo amumɔyɛ na mo mmarato ho ada hɔ ama wɔahu mo bɔne wɔ biribiara mu nti, esiane sɛ wɔkae mo nti,+ wɔde nsa bɛkyere mo.’+
25 “Israel obirɛmpɔn+ omumɔyɛfo+ a woapira opirabɔne a wo da adu, amumɔyɛ bere a etwa to mu,+
26 nea Awurade Tumfoɔ Yehowa aka ni, ‘Yi abotiten no na tu ahemmotiri no.+ Ɛrenyɛ sɛnea ɛte no bio.+ Nea abrɛ ase no, ma so;+ na nea ɛwɔ soro no, brɛ no ase.+
27 Ɔsɛe, ɔsɛe, ɔsɛe na mɛma aba.+ Na eyi nso renyɛ obiara dea kosi sɛ nea ɛyɛ ne dea no bɛba,+ na mede bɛma no.’+
28 “Onipa ba, hyɛ nkɔm na ka sɛ, ‘Nea Awurade Tumfoɔ Yehowa aka afa Ammonfo ne ahohora a wɔde aba ho ni.’ Ka sɛ, ‘Nkrante, wɔatwe nkrante a wɔde bekum, na wɔatwiw ho sɛ enni nam na ɛho ntwa yerɛwyerɛw.+
29 Na wɔka anisoadehu a ɛnyɛ nokware hyɛ nkɔntoro+ kyerɛ wo, sɛnea wɔde wo bɛto abɔnefo a wɔawuwu kɔn ho, amumɔyɛfo a wɔn da adu wɔ amumɔyɛ bere a etwa to mu.+
30 San fa hyɛ ne boha mu. Faako a wɔbɔɔ wo, asase a wɔwoo wo so+ no so na mebu wo atɛn.
31 Mehwie m’abufuw agu wo so. Na mefita m’anibere gya mu wɔ wo so,+ na mede wo bɛhyɛ nnipa a wonni adwene a wɔde adesɛe ayɛ wɔn adwuma nsa.+
32 Wɔde wo bɛsɔ gya,+ na wo mogya bɛtene afa asase no so, na wɔrenkae wo bio. Me Yehowa na maka.’”+
