Hesekiel 25:1-17
25 Na Yehowa san ka kyerɛɛ me sɛ:
2 “Onipa ba, fa w’ani kyerɛ Ammonfo na hyɛ wɔn ho nkɔm.+
3 Na ka kyerɛ Ammonfo sɛ, ‘Muntie Awurade Tumfoɔ Yehowa asɛm. Nea Awurade Tumfoɔ Yehowa aka ni: “Esiane sɛ wokae sɛ Ahaa! bere a wohuraa me kronkronbea ho, ne bere a Israel asase dan amamfõ, ne bere a Yuda fie kɔɔ nkoasom mu nti,+
4 mede wo bɛma Apuei Famfo ma wɔadi wo so,+ na wɔbɛba abɛkyekye wɔn asoɛe na wɔasisi wɔn ntamadan wɔ w’asase so. Na wobedi wo nnɔbae anom wo nufusu.+
5 Mɛma Raba+ adan yoma adidibea na Ammon adan nguan ahomegyebea;+ na mubehu sɛ mene Yehowa.”’”+
6 “Nea Awurade Tumfoɔ Yehowa aka ni, ‘Esiane sɛ wobɔɔ wo nsam+ de wo nan pempem hɔ dii ahurusi na wode wo kra nyinaa dii Israel asase ho fɛw nti,+
7 me nso mewɔ hɔ; mateɛ me nsa wɔ wo so,+ na mede wo bɛma amanaman sɛ asade; metwa wo afi aman mu na matɔre w’ase afi nsase so.+ Mɛsɛe wo+ na woahu sɛ mene Yehowa.’
8 “Nea Awurade Tumfoɔ Yehowa aka ni, ‘Esiane sɛ Moab+ ne Seir+ kae sɛ: “Yuda fie te sɛ aman a aka no nyinaa”+ nti,
9 mɛma Moab koko ho ada hɔ wɔ nkurow no mu, nkurow a ɛwɔ n’ahye so, asase a ɛso yɛ fɛ sen asase biara, Bet-Yesimot+ ne Baal-Meon+ kosi Kiriataim.+
10 Mede bɛka Ammon+ ho ama Apuei Famfo+ adi so na wɔankae+ Ammonfo bio wɔ aman no mu.
11 Na mebu atɛn wɔ Moab,+ na wobehu sɛ mene Yehowa.’+
12 “Nea Awurade Tumfoɔ Yehowa aka ni, ‘Esiane sɛ Edom tɔɔ Yuda fie so were na wɔyɛɛ wɔn bɔne kɛse saa kwan no so nti,+
13 nea Awurade Tumfoɔ Yehowa aka ni: “Me nso mɛteɛ me nsa wɔ Edom+ so na matwa nnipa ne nyɛmmoa+ afi asase no so, na efi Teman+ kosi Dedan+ nyinaa, mɛma adan amamfõ. Nkrante ano na wobewuwu.
14 ‘Na menam me man Israel so bebu Edom atɛn;+ na m’abufuw ne m’anibere so na wɔne Edom bedi; na wobehu sɛnea m’atemmu te,+ Awurade Tumfoɔ Yehowa asɛm ni.”’
15 “Nea Awurade Tumfoɔ Yehowa aka ni, ‘Esiane sɛ Filistifo tɔɔ wɔn so were+ na wɔn kra yii wɔn ahii, na wɔtan+ wɔn daa pɛe sɛ wɔsɛe wɔn nti,+
16 nea Awurade Tumfoɔ Yehowa aka ni: “Mɛteɛ me nsa wɔ Filistifo+ so na matwa Keretifo+ afi hɔ, na masɛe mpoano fã a aka no.+
17 Na mede anibere kɛse bebu wɔn atɛn m’abufuw mu,+ na sɛ mibu wɔn atɛn a, wobehu sɛ mene Yehowa.”’”+
