Hesekiel 44:1-31
44 Na ɔsan de me baa kronkronbea no pon ano, akyi ponkɛse a ɛkyerɛ apuei fam no,+ nanso na wɔato mu.+
2 Ɛnna Yehowa ka kyerɛɛ me sɛ: “Ɔpon yi mu bɛto daa. Wɔremmue, na ɔdesani biara remfa mu, efisɛ Israel Nyankopɔn+ Yehowa ankasa afa mu, enti emu bɛto daa.
3 Nanso obirɛmpɔn+ no de, obirɛmpɔn a ɔyɛ nti, ɔbɛtena hɔ adidi wɔ Yehowa anim.+ Na ɔbɛfa ɔponkɛse no abrannaa kwan no so aba mu na wafa hɔ afi adi.”+
4 Afei ɔde me faa ɔponkɛse a ɛwɔ atifi fam no mu baa Fie no anim sɛ memmɛhwɛ, na mihui sɛ Yehowa anuonyam ahyɛ Yehowa fie hɔ mã.+ Na mede m’anim butuw fam.+
5 Na Yehowa ka kyerɛɛ me sɛ: “Onipa ba, fa wo koma+ si so, fa w’ani hwɛ, na fa w’aso tie Yehowa fie ho ahyɛde ne ɛho mmara a mereka akyerɛ wo yi nyinaa, na hwɛ ɔkwan a wɔfa so ba Fie hɔ ne nea wɔfa so pue fi kronkronbea hɔ nyinaa yiye.
6 Na ka kyerɛ Atuatew,+ Israel fie, sɛ, ‘Nea Awurade Tumfoɔ Yehowa aka ni: “O Israel fie, mo abofonode no adɔɔso.+
7 Mode ahɔho a wɔyɛ komam momonotofo ne honam mu momonotofo+ ba me kronkronbea hɔ begu ho fĩ, me fie ankasa. Na mode m’aduan,+ srade+ ne mogya,+ bɛbɔ afɔre, bere a mo abofonode nyinaa nti wobu m’apam so no.+
8 Afei moanhwɛ m’akronkronne so,+ na moamma afoforo nso anyɛ me kronkronbea hɔ nnwuma amma me.”’+
9 “‘Nea Awurade Tumfoɔ Yehowa aka ni: “Ɔhɔho biara a ɔte Israelfo mu a ɔyɛ komam momonotoni anaa honam mu momonotoni biara remma me kronkronbea hɔ.”’+
10 “‘Na Lewifo a wɔtwee wɔn ho fii me ho+ bere a Israelfo fii m’akyi kodii wɔn abosom fĩ no akyi no mpo bɛsoa wɔn bɔne.+
11 Na wɔbɛsom wɔ me kronkronbea hɔ ahwɛ Fie no ne n’apon so.+ Wɔn na wobekum mmoa a wɔde bɛbɔ ɔhyew afɔre ne afɔre foforo ama ɔman no,+ na wobegyina wɔn anim asom wɔn.+
12 Esiane sɛ wɔsom wɔn wɔ wɔn abosom fĩ+ no anim na wɔtoo Israel fie hintidua ma wɔyɛɛ bɔne nti,+ mama me nsa so atia wɔn,+ na wɔbɛsoa wɔn bɔne,’ Awurade Tumfoɔ Yehowa asɛm ni.
13 Wɔrenyɛ asɔfodwuma wɔ m’anim, na wɔremma m’akronkronne ho,+ akronkronne mu ade kronkron biara ho, na wɔbɛsoa wɔn animguase ne wɔn abofonode.+
14 Na mɛma wɔahwɛ Fie hɔ ayɛ emu som adwuma nyinaa ne biribiara a ɛsɛ sɛ wɔyɛ wɔ hɔ.’+
15 “‘Na Sadok+ mma Lewi asɔfo+ a wɔhwɛɛ me kronkronbea hɔ bere a Israelfo twee wɔn ho fii me ho+ no de, wɔbɛbɛn me abɛsom me na wɔagyina m’anim+ de srade+ ne mogya+ abɔ afɔre ama me,’ Awurade Tumfoɔ Yehowa asɛm ni.
16 ‘Wɔbɛba me kronkronbea+ hɔ, na wɔbɛbɛn me pon ho abɛsom me,+ na wɔbɛyɛ adwuma ama me.+
17 “‘Na sɛ wɔba mfinimfini hɔ adiwo no pon ano a, wɔnhyɛ nwera atade, na biribiara a wɔde kuntu ayɛ nnka wɔn ho bere a wɔresom wɔ mfinimfini adiwo no pon ano anaa fie no mu no.+
18 Wɔmfa nwera abotiri mmɔ wɔn ti,+ na wɔnhyɛ nwera twakoto nkata wɔn asen.+ Na ɛnsɛ sɛ wɔde biribiara a ɛbɛma wɔafi fifiri bɔ wɔn mu.
19 Na sɛ wɔkɔ nnipa no nkyɛn wɔ akyi hɔ adiwo hɔ a, wonyi wɔn ntade a wɔde somee+ no ngu adidibea+ kronkron no mu na wɔnhyɛ ntade foforo, na wɔamfa wɔn ntade ankɔtew nnipa no ho.+
20 Ɛnsɛ sɛ wɔwerɛw wɔn ti so,+ nanso wonnnyaw nngu so kuhaa. Na mmom wommubu wɔn ti so.+
21 Ɛnsɛ sɛ ɔsɔfo biara nom nsã ba mfinimfini adiwo hɔ.+
22 Na ɛnsɛ sɛ wɔware okunafo anaa ɔbea a ne kunu agyaa no,+ na mmom wɔnware Israel fie mmaabun+ anaa okunafo a na ne kunu yɛ ɔsɔfo.’
23 “‘Wɔnkyerɛ me man nsonsonoe a ɛda nea ɛyɛ kronkron ne nea ɛnyɛ kronkron ntam; na wɔmma wonhu nsonsonoe a ɛda nea ɛho tew ne nea ɛho ntew ntam.+
24 Na sɛ asɛm bi sɔre a, wonnyina hɔ mmu atɛn;+ m’atemmusɛm so na wonnyina mmu atɛn.+ Na wonni m’afahyɛ+ nyinaa ho mmara ne ahyɛde no so na wɔnyɛ me homeda kronkron.+
25 Ɛnsɛ sɛ ɔkɔ ɔdesani biara funu ho na ne ho angu fĩ, nanso sɛ ɛyɛ ne papa anaa ne maame anaa ne babarima anaa ne babea anaa ne nuabarima anaa ne nuabea a ɔnwaree a, ɛnde wobetumi ama agu wɔn ho fĩ.+
26 Sɛ odwira ne ho wie a, wɔnkan nnanson mma no.+
27 Na da a ɔbɛba kronkronbea hɔ, mfinimfini hɔ adiwo hɔ, abɛsom no, ɔmfa ne bɔne ho afɔrebɔde mmra,’+ Awurade Tumfoɔ Yehowa asɛm ni.
28 “‘Wɔn agyapade ni: Mene wɔn agyapade.+ Mommma wɔn kyɛfa biara wɔ Israel: Mene wɔn kyɛfa.
29 Na aduan afɔre ne bɔne ho afɔre ne asodi afɔre nyinaa, wɔn na wobedi.+ Na biribiara a wɔahyira so wɔ Israel no bɛyɛ wɔn dea.+
30 Na aba nyinaa mu nea ebedi kan abere ne mo ntoboa nyinaa mu nea edi mũ biara bɛyɛ asɔfo no dea;+ momfa mo awisiam a edi kan mma ɔsɔfo no,+ na ama nhyira atena mo fie.+
31 Na ɛnsɛ sɛ asɔfo we aboa funu biara anaa anomaa anaa aboa biara a wɔatetew ne mu.’+
