Hesekiel 5:1-17
5 “Wo onipa ba, fa nkrante nnamnam yɛ oyiwan yi wo ti nhwi ne wo bogyesɛ.+ Afei fa nsenia kyekyɛ nhwi no mu.
2 Kyɛ mu abiɛsa na hyew emu biako wɔ kurow no mfinimfini bere a nkahyem nna no aba awiei no.+ Emu biako nso, fa nkrante twitwa fa kurow no ho nyinaa,+ na fa nea etwa to no nso pete ma mframa, na mɛtwe nkrante adi wɔn akyi.+
3 “Afei fa eyi mu kakra kyekyere w’atade ano.+
4 Fa nea ɛbɛka no nso gu ogya mu na hyew. Na emu na ogya befi aba Israel fie nyinaa so.+
5 “Awurade Tumfoɔ Yehowa asɛm ni, ‘Eyi ne Yerusalem. Na mede no sii amanaman mfinimfini, na aman atwa ne ho nyinaa ahyia.
6 Na ɔsɔre tiaa m’atemmusɛm yɛɛ amumɔyɛde sen aman a aka nyinaa,+ na obuu m’ahyɛde so sen aman a atwa ne ho ahyia nyinaa, efisɛ wɔpoo m’atemmusɛm na wɔanni m’ahyɛde so.’+
7 “Enti nea Awurade Tumfoɔ Yehowa aka ni, ‘Esiane sɛ mudii bɔne+ sen aman a atwa mo ho ahyia, na moannantew m’ahyɛde mu na moanni m’atemmusɛm so,+ na mudii aman a atwa mo ho ahyia no atemmusɛm so nti,+
8 nea Awurade Tumfoɔ Yehowa aka ni: “Me+ ne wo wɔ asɛm, na mebu wo atɛn wɔ aman nyinaa anim.+
9 Akyide yi nyinaa nti, mɛyɛ wo ade a menyɛɛ bi da na merenyɛ nea ɛte saa bio da.+
10 “‘“Enti agyanom bɛwe wɔn mma wɔ wo mu,+ na mma awe wɔn agyanom, na mebu wo atɛn na mapete wɔn a wɔbɛka no ama mframa.”’+
11 “Awurade Tumfoɔ Yehowa asɛm ni, ‘Sɛ mete ase yi, esiane sɛ wode w’atantanne+ ne w’akyide+ nyinaa agu me kronkronbea ho fĩ nti, me nso mehuan wo so+ na merenhu wo mmɔbɔ,+ na me yam renhyehye me mma wo.+
12 Na owuyare bekunkum wo+ mu nkyem abiɛsa mu biako na ɔkɔm ahyew wɔn ase.+ Nkyem abiɛsa mu biako nso bɛtotɔ nkrante ano atwa wo ho ahyia. Na biako a aka no nso mɛpete wɔn ama mframa+ na matwe nkrante adi wɔn akyi.+
13 Afei m’abufuw to betwa,+ na medwudwo m’anibere wɔ wɔn so+ na makyekye me werɛ;+ na sɛ m’abufuw ba awiei a, wobehu sɛ me Yehowa na makasa sɛ obi a ɔhwehwɛ ahofama mũ.+
14 “‘Na mɛma woadan amamfõ ne aniwude wɔ aman a atwa wo ho ahyia nyinaa mu ne obiara a obetwam anim.+
15 Na amanaman a wɔatwa wo ho ahyia no bɛbɔ wo ahohora+ atwa wo adapaa,+ na bere a mede abufuw abu wo atɛn na mede anibere aka w’anim no,+ wobɛyɛ sɛnnahɔ+ ne ahodwiriwde ama amanaman no. Me Yehowa na maka.
16 “‘Sɛ metow ɔkɔm ba wɔn so te sɛ agyan bɔne+ na mede agyan yi bɛsɛe mo a,+ mɛma ɔkɔm mu ayɛ den wɔ mo so na mabubu dua a mode paanoo nkuruwankuruwa sensɛn so no.+
17 Na mɛsoma ɔkɔm ne mmoa bɔne+ abekunkum wo mma, na ɔyaredɔm+ ne mogya+ bɛsen afa wo mu, na mede nkrante bɛba wo so.+ Me Yehowa na maka.’”
