Hesekiel 6:1-14
6 Yehowa san ka kyerɛɛ me sɛ:
2 “Onipa ba, fa w’ani kyerɛ Israel mmepɔw na hyɛ wɔn+ nkɔm.+
3 Na ka sɛ, ‘O Israel mmepɔw, muntie Awurade Tumfoɔ Yehowa asɛm:+ Nea Awurade Tumfoɔ Yehowa aka akyerɛ mmepɔw ne nkoko,+ nsubon ne abon ni: “Mini! Mede nkrante reba mo so abɛsɛe mo sorɔnsorɔmmea.+
4 Mo afɔremuka bɛsɛe+ na mo aduhuam ade abubu. Na mɛma mo nkurɔfo atotɔ wɔ mo abosom fĩ anim.+
5 Mede Israelfo afunu begu wɔn abosom fĩ anim, na mɛbɔ mo nnompe apete mo afɔremuka ho nyinaa ahyia.+
6 Nkurow a motete mu+ nyinaa bɛsɛe pasaa,+ mo sorɔnsorɔmmea bɛdan amamfõ na ada mpan,+ mo afɔremuka besi hɔ kwa na abubu,+ mo abosom fĩ bɛyera,+ wobetwitwa mo aduhuam ade agu+ na wɔapopa mo nsa ano adwuma nyinaa.
7 Nnipa bɛtotɔ mo mfinimfini,+ na mubehu sɛ mene Yehowa.+
8 “‘“Na sɛ mobɔ hwete nsase so a, mɛma mo mu nkaefo bi aguan afi nkrante ano wɔ amanaman no mu.+
9 Na wo nkurɔfo a wɔanya wɔn ti adidi mu no bɛkae me wɔ aman a wɔafa wɔn nkoa no mu,+ sɛnea wɔde wɔn aguamammɔ koma a atwe afi me ho+ ne wɔn aguamammɔ aniwa a edi abosom fĩ+ akyi no abubu me koma no, na abofonode ne nneɛma bɔne a wɔayɛ nyinaa bɛma wɔafɛre.+
10 Wobehu sɛ mene Yehowa, na ɛnyɛ anohunu+ na mede kae sɛ mɛma mmusu aba wɔn so.”’+
11 “Nea Awurade Tumfoɔ Yehowa aka ni, ‘Israel fie amumɔyɛde ne n’akyide nyinaa nti, bɔ wo nsam+ na fa wo nan pem hɔ ka sɛ: “Ao!”+ efisɛ wɔbɛtotɔ nkrante+ ne ɔkɔm+ ne owuyare ano.+
12 Nea ɔwɔ akyirikyiri no,+ owuyare bekum no; nea ɔbɛn no, ɔbɛtɔ nkrante ano; nea wafi mu aka ma wɔakora no so no, ɔkɔm bekum no, na mewie m’abufuw wɔ wɔn so.+
13 Na sɛ wɔn nkurɔfo wuwu gu wɔn abosom fĩ ntam,+ wɔn afɔremuka ho nyinaa,+ nkoko atenten nyinaa so,+ mmepɔw nyinaa so,+ ne nnua kusuu+ ne nnua frɔmfrɔm nyinaa bi ase,+ faako a wɔbɔ afɔre huamhuam ma wɔn abosom fĩ+ nyinaa no a, mubehu sɛ mene Yehowa.+
14 Na mɛteɛ me nsa wɔ wɔn so+ na mama asase no adan amamfõ, na ɛbɛsɛe asen sare a ɛda Dibla ho, wɔn tenabea nyinaa. Na wobehu sɛ mene Yehowa.’”
