Hiob 12:1-25
12 Ɛnna Hiob buae sɛ:
2 “Ampa ara, mo na moyɛ nnipa;Muwu a na nyansa asa!+
3 Me nso me koma mu tew+ te sɛ mo.Monkyɛn me;+Hena na onnim nneɛma a ɛtete saa?
4 Mayɛ obi a ne yɔnko di ne ho fɛw,+Nea osu frɛ Onyankopɔn sɛ onnye no so.+Wodi ɔtreneeni a ne ho nni asɛm ho fɛw.
5 Nea n’asom adwo no de, obu amanehunu animtiaa ne tirim;+Ɛwɔ hɔ ma wɔn a wohinhim.+
6 Ɔsɛefo ntamadan wɔ hɔ dwoodwoo,+Na wɔn a wɔhyɛ Onyankopɔn abufuw wɔ ahobammɔTe sɛ obi a okura onyame bi wɔ ne nsam.+
7 Wo de, bisa afieboa, na wɔbɛkyerɛ wo;+Ɛne wim nnomaa, na wɔbɛka akyerɛ wo.+
8 Anaasɛ dan w’ani hwɛ asase, na ɛbɛkyerɛ wo;+Na ɛpo mu mpataa+ bɛka akyerɛ wo.
9 Wɔn mu hena na onnimSɛ Yehowa nsa na ayɛ eyi,+
10 Nea ɔteasefo biara kra+Ne ɔhonam nyinaa honhom+ wɔ ne nsam no?
11 Ɛnyɛ asõ na ɛsɔ nsɛm hwɛ+Sɛnea dodom+ ka aduan hwɛ no?
12 Nyansa nni nkwakoraa mu anaa,+Na ntease nni onyinkyɛ mu?
13 Ɔno na nyansa ne kɛseyɛ wɔ no;+Na afotu ne ntease yɛ ne dea.+
14 Hwɛ! Ɔno na obubu a obi ntumi nsi;+Ɔto mu wɔ onipa anim, na obi ntumi mmue.+
15 Hwɛ! Osiw nsu kwan, na ɛyow;+Ɔsoma no, na ɛsesã asase.+
16 Ɔno na ahoɔden ne nyansa wɔ no;+Na nea odi mfomso ne nea ɔdaadaa nyinaa yɛ ne dea;+
17 Ɔma afotufo de wɔn nan gu fam nantew,+Na ɔma atemmufo di abɔdansɛm.
18 Ɔsansan ahene nkyehama,+Na ɔde abɔso kyekyere wɔn asen.
19 Ɔma asɔfo de wɔn nan gu fam nantew,+Na otutu nnipa a wɔn ase atim gu;+
20 Ɔma anokwafo nsɛm ka wɔn anom,Na oyi nkwakoraa nyansa fi hɔ;
21 Ohwie animtiaabu gu atitiriw so,+Na ohodwow atumfoɔ abɔso mu;
22 Oyi nea emu dɔ adi fi sum mu,+Na ɔma hann tɔ esum kabii so;
23 Ɔma aman yɛ akɛse, na ɔsɛe wɔn;+Ɔtrɛw aman mu, na otu wɔn kɔ;
24 Ogye asase so aman mu atitiriw nimdeɛ,Na ɔma wokyinkyin nea hwee nni,+ faako a ɔkwan biara nni.
25 Wɔde wɔn ti pempem sum mu,+ faako a hann nni,Na ɔma wokyinkyin te sɛ ɔsabofo.+
