Hiob 33:1-33
33 “Afei Hiob, mesrɛ wo, tie me kasa,Na yɛ asõ ma me nsɛm nyinaa.
2 Hwɛ! Mebue m’ano;Me tɛkrɛma ne m’ano bɛkasa.+
3 Me koma mu teeyɛ mu na mɛkasa,+Na nimdeɛ na m’ano bɛka no frenkyemm.+
4 Onyankopɔn honhom na ɛyɛɛ me,+Na ade nyinaa so Tumfoɔ no home na ɛde me baa nkwa mu.+
5 Sɛ wubetumi a, yi me ano,Hyehyɛ wo nsɛm; bɔ w’asen.
6 Hwɛ! Sɛnea wote wɔ nokware Nyankopɔn ani so no, saa ara na mete;+Me nso, dɔte na wɔde nwenee me.+
7 Hwɛ! Me ho hu biara nni hɔ a ebetu wo koma,Na me nhyɛso+ renyɛ wo so duru.
8 Woaka wɔ m’asom,Na mate w’anom nsɛm sɛ,
9 ‘Me ho tew, na bɔne biara nni me ho;+Me ho nguu fĩ, na mfomso biara nni me ho.+
10 Nanso wanya biribi agyina so ne me adi asi,Obu me sɛ ne tamfo.+
11 Ɔde me nan bɔ nnua mu,+Na n’ani di m’akwan nyinaa akyi.’+
12 Hwɛ! Eyi mu de, mereka akyerɛ wo, woanyɛ no yiye;+Efisɛ Onyankopɔn sen onipa desani koraa.+
13 Dɛn nti na wo ne no reyiyi nsɛm ano?+W’asɛm a onyi ano nti anaa?+
14 Onyankopɔn kasa pɛnkoroNe ne mprenu so+—nanso onipa ntie—
15 Ɔdae mu,+ anadwo adehu mu,+Bere a nnahɔɔ atɔ nnipa so,Bere a wɔada wɔ mpa so.+
16 Saa bere no na obue nnipa asõ,+Na ɔma n’afotu tim wɔn mu;
17 Ɔde dan onipa fi ne nneyɛe ho,+Na oyi ahantan+ fi ɔbarima anim.
18 Osianka ne kra na antɔ amoa mu,+Ne ne nkwa nso na antɔ bɛmma ano.+
19 Ɔde ade a ɛyɛ yaw teɛ no so ne mpa so,Na ne nnompe mu aperedi nnyae da.
20 N’asetena ma aduan yɛ no abofono,+Na ne kra po akɔnnɔduan.
21 Wafɔn ma wonhu ne honam,Na ne nnompe a na wonhu no apuepue.
22 Ne kra bɛn amoa,+Na ne nkwa bɛn awudifo.
23 Sɛ ɔwɔ ɔbɔfo bi,Ɔkasamafo bi, apem mu biako,A ɔbɛkyerɛ onipa nea ɛteɛ a,
24 Ɛma ɔdom no, na ɔka sɛ,‘Gye no na wankɔ amoa mu!+Manya agyede!+
25 Ma ne honam nyɛ frɔmfrɔm nsen mmofra de;+Ma ɔnsan nkɔ ne mmeranteberem ahoɔden mu.’+
26 Ɔbɛpa Onyankopɔn kyɛw, na n’ani agye ne ho;+Osebɔ na ɔde behu n’anim,Na Ɔde Ne trenee bɛma onipa desani bio.
27 Ɔbɛto dwom akyerɛ nkurɔfo sɛ,‘Mayɛ bɔne;+ na nea ɛteɛ no, makyea no.Anyɛ adepa amma me.
28 Wagye me kra na ankɔ amoa mu;+Me nkwa nso behu hann.’
29 Hwɛ! Eyinom nyinaa na Onyankopɔn yɛ,Mprenu, ne mprɛnsa wɔ ɔbarima ho,
30 Sɛ ɔde bɛdan ne kra afi amoa ho,+Na ateasefo hann ahyerɛn no so.+
31 Enti afei Hiob yɛ asõ! Tie me!Yɛ komm, na mentoa so nkasa.
32 Sɛ wowɔ asɛm bi ka a, yi me ano;Kasa, efisɛ wo trenee ho asɛm hia me.
33 Sɛ wunni hwee ka a, ɛnde tie me ɛ;+Yɛ komm na menkyerɛ wo nyansa.”
