Hiob 5:1-27
5 “Frɛ hwɛ ɛ! Obi wɔ hɔ a obegye wo so anaa?Na akronkronfo no mu hena na wobɛdan akɔ ne nkyɛn?
2 Ateetee na ebekum ɔkwasea,Na anibere na ebekum ogyimfo.
3 Me ara mahu ɔkwasea a ɔregye ntini,+Nanso medomee ne tenabea ntɛm so.
4 Ne mma ne nkwagye ntam ware,+Na wɔpɛtɛw wɔn wɔ kurow apon ano a wonnya ogyefo.
5 Nea otwa no, nea ɔkɔm de no na obedi;Nea wasina mpo, obi beyi awe,Na afiri bɛtow asɔw n’asetenade.
6 Efisɛ bɔne mfifi mfutuma mu,Na ɔhaw mfifi mfi fam.
7 Wɔwoo onipa maa ɔhawSɛnea ogyaframa tutu kɔ soro no.
8 Nanso sɛ me a, anka mɛsrɛ Onyankopɔn,Anka mede m’asɛm bɛhyɛ Onyankopɔn nsa,+
9 Ɔno na ɔyɛ nneɛma akɛse a enni hwehwɛbea,Na ɔyɛ anwonwade a enni ano;+
10 Ɔno na ɔma osu tɔ gu asase so+Na ɔma mfuw nya nsu;+
11 Ɔno na ɔde abrɛfo tena nea ɛkorɔn,+Na ɔpagyaw wɔn a wodi awerɛhow kɔ nkwagye kwan so;
12 Ɔno na ɔsɛe anitefo agyina+Sɛnea ɛbɛyɛ a wɔn nsa ntumi nyɛ adwuma yiye;
13 Ɔno na ɔkyere anyansafo wɔn ankasa anifere mu,+Ma anitefo agyina sɛe,+
14 Na esum duru wɔn awia,Na awia ketee, wɔde wɔn ti pempem te sɛ nea ade asa no;+
15 Ɔno na ogye onipa fi anitefo anom nkrante ano,Na ogye ohiani fi ɔhoɔdenfo nsam,+
16 Na ɔma ɔbrɛfo nya anidaso,+Na amumɔyɛfo ka wɔn ano tom.+
17 Hwɛ! Anigye ne onipa a Onyankopɔn ka n’anim;+Ade nyinaa so Tumfoɔ nteɛso nso, mpo!
18 Ɔno na opira, nanso ɔkyekye kuru no;Ɔno na obubu, na ɔno ara nsa sa yare.
19 Ahohia asia mu na obegye wo,+Na ason mu nso, bɔne bi renka wo.+
20 Ɔkɔm bere mu, obegye wo afi owu mu,+Na ɔko bere mu nso, obegye wo afi nkrante ano.
21 Ɔde wo behintaw afi tɛkrɛma mpire ano,+Na sɛ afowfo ba a, worensuro.
22 Wobɛserew afowfo ne ɔkɔm,Na worensuro asase so akekaboa.
23 Efisɛ wuram abo ne wo bɛyɛ apam,Na wɔbɛma wuram akekaboa mpo ne wo atena asomdwoe mu.+
24 Wubehu sɛ asomdwoe yɛ wo ntamadan;Na wobɛkɔ akɔhwɛ wo mmoa adidibea, na worenhwere biribiara.
25 Wubehu sɛ wo mma dɔɔso+Na w’asefo te sɛ asase so wura.+
26 Wode ahoɔden na ɛbɛkɔ ɔdamoa mu+Sɛnea wɔboaboa awi ano wɔ ne bere mu no.
27 Hwɛ! Eyi na yɛahwehwɛ mu ahu. Saa na ɛte.Tie, na wo nso hu fa.”
