Hosea 1:1-11
1 Asɛm a Yehowa+ ka kyerɛɛ Beeri ba Hosea+ wɔ Yuda ahene Usia,+ Yotam,+ Ahas,+ ne Hesekia+ ne Israel hene Yeroboam+ a ɔyɛ Yoas+ ba no bere so ni.+
2 Yehowa fii ase ne Hosea kasae, na Yehowa ka kyerɛɛ Hosea sɛ: “Kɔfa+ ɔbea aguaman ne aguaman mma, efisɛ aguamammɔ nti na asase no fii Yehowa akyi.”+
3 Enti ɔkɔfaa Diblaim ba Gomer, na onyinsɛn woo ɔbabarima maa no.+
4 Na Yehowa ka kyerɛɛ no sɛ: “To no din Yesreel,+ na aka kakraa bi na mama Yehu+ fie abu Yesreel mogyahwiegu ho akontaa na mama Israel fie nniso to atwa.+
5 Saa da no, mebu Israel agyan+ mu wɔ Yesreel asasetaw so.”
6 Na ɔsan nyinsɛn woo ɔbabea. Na ɔka kyerɛɛ no sɛ: “To no din Lo-Ruhama,+ efisɛ merenhu Israel fie mmɔbɔ bio,+ na meyi wɔn akɔ.+
7 Nanso mehu Yuda fie mmɔbɔ,+ na me Yehowa wɔn Nyankopɔn, megye wɔn,+ na ɛnyɛ agyan anaa nkrante anaa ɔko anaa apɔnkɔ anaa apɔnkɔsotefo so na mɛfa agye wɔn.”+
8 Na otwaa Lo-Ruhama nufu akyi no, onyinsɛn bio woo ɔbabarima.
9 Na ɔkae sɛ: “To no din Lo-Ami, efisɛ ɛnyɛ me man ne mo, na menyɛ mo Nyankopɔn.
10 “Na Israelfo bɛdɔɔso sɛ mpoano anhwea a wontumi mmu wɔn ano na wontumi nkan wɔn.+ Na faako a wɔka kyerɛɛ wɔn sɛ, ‘Ɛnyɛ me man ne mo’ no,+ wɔbɛka akyerɛ wɔn sɛ, ‘Onyankopɔn teasefo no mma.’+
11 Na wɔbɛka Yudafo ne Israelfo abom ayɛ wɔn biako+ na wɔde obiako asi wɔn so sɛ wɔn ti; na wobefi asase no so aba,+ na Yesreel da no bɛyɛ da kɛse.+
