Hosea 13:1-16
13 “Sɛ Efraim kasa a, nnipa ho popo, efisɛ na ɔwɔ tumi wɔ Israel.+ Nanso Baal nti odii fɔ,+ na owui.+
2 Wɔasan ayɛ bɔne bio, efisɛ wɔde wɔn dwetɛ ayɛ ahoni.+ Ne nyinaa yɛ abosom a wɔde wɔn adwene ayɛ,+ adwumfo nsa ano adwuma.+ Na wɔka kyerɛɛ wɔn sɛ, ‘Ma nnipa a wɔbɔ afɔre no mfew anantwi mma no ano.’+
3 Enti wɔbɛyɛ sɛ anɔpa mununkum+ ne obosu a ɛyera ntɛm; te sɛ ntɛtɛwa a mframa bɔ fi awiporowbea+ ne wusiw a epue fi tokuru mu wɔ ɔdan atifi.
4 “Nanso mene Yehowa wo Nyankopɔn fi Egypt asase so,+ na woanhu Onyankopɔn foforo biara sɛ me, na na ogyefo biara nni hɔ ka me ho.+
5 Bere a wowɔ sare so,+ atiridii asase so no, na minim wo.+
6 Wɔn asase pa nti, wodidi mee.+ Na bere a wɔmee no, wɔn koma maa ne ho so,+ enti wɔn werɛ fii me.+
7 Afei mɛba wɔn so sɛ gyata,+ na mɛtɛw wɔ kwankyɛn te sɛ ɔsebɔ.+
8 Mɛtow ahyɛ wɔn so te sɛ osisi a ne mma ayera,+ na mɛtetew nea edura wɔn koma ho no mu. Na mɛwe wɔn wɔ hɔ te sɛ gyata,+ na wuram aboa bɛtetew wɔn mu.+
9 O Israel, woayɛ ade atia me, me a meyɛ wo boafo no,+ enti ɛde wo sɛe bɛba.+
10 “Afei wo hene ne w’atemmufo no wɔ he? Ma wonnye wo wɔ wo nkurow nyinaa mu ɛ.+ Eyinom ho na wokae sɛ, ‘Ma me ɔhene ne abirɛmpɔn.’+
11 M’abufuw mu na memaa mo ɔhene,+ na m’anibere mu na mɛfa no akɔ.+
12 “Wɔakyekyere Efraim amumɔyɛ, na wɔakora ne bɔne so.+
13 Ne ho bɛyeraw no te sɛ ɔbea a ɔrewo.+ Ɔyɛ ɔba a onnim nyansa,+ na edu ne bere so a, ɔremmegyina awotwaa no ano, baabi a mma sen fa no.+
14 “Megye wɔn afi Adamoa* nsam;+ meyi wɔn afi owu mu.+ Owu, wo nwowɔe wɔ he?+ Adamoa, wo sɛe wɔ he?+ Na mmɔborɔhunu bɛyera afi m’anim.+
15 “Sɛ ɔsow aba te sɛ demmire mpo a,+ apuei mframa, Yehowa mframa, bɛba.+ Efi sare so reba, na ɛbɛma n’abura mu nsu ayow na atwetwe n’asuti.+ Ɔno na ɔbɛfa adekoradan mu agyapade nyinaa.+
16 “Wobebu Samaria fɔ,+ efisɛ wasɔre atia ne Nyankopɔn.+ Enti wɔbɛtotɔ nkrante ano.+ Na wɔbɛpɛtɛw wɔn mma+ na wɔapaapae wɔn mmea a wɔyem mu.”+
Ase Hɔ Nsɛm
^ Anaa “Sheol.” Nea ɛkyerɛ ne adesamma adamoa. Hwɛ Nkekaho 4.
