Hosea 14:1-9
14 “O Israel, san bra Yehowa wo Nyankopɔn nkyɛn,+ efisɛ wo bɔne ama woawatiriw.+
2 Momfa nsɛm mmra Yehowa nkyɛn.+ Monka nkyerɛ no sɛ, ‘Fa bɔne firi+ na gye papa, na yɛde yɛn ano bɛbɔ anantwinini afɔre.+
3 Asiria rentumi nnye yɛn nkwa.+ Na yɛrentena apɔnkɔ so.+ Yɛrenka nkyerɛ yɛn nsa ano adwuma bio sɛ: “O yɛn Nyankopɔn!” efisɛ wo na wuhu agyanka mmɔbɔ.’+
4 “Mɛsa wɔn yare afi wɔn atuatew ho.+ Meyi me yam adɔ wɔn,+ efisɛ m’abufuw adan afi no so.+
5 Mɛyɛ sɛ obosu ama Israel.+ Ɔbɛyɛ frɔmm sɛ sukooko na ne ntini atenetene sɛ Lebanon.
6 Ne mmaa bɛdennan, na n’anuonyam ayɛ sɛ ngodua,+ na ayi hua sɛ Lebanon.
7 Afei wɔbɛtena ne nwini ase+ bio na wɔadua aba; na wɔbɛfefɛw sɛ bobe.+ Na wɔbɛkae no sɛ Lebanon nsã.
8 “Efraim bɛka sɛ, ‘Dɛn bio na me ne ahoni wɔ yɛ?’+
“Na me ara mɛma mmuae na m’ani aku ne ho.+ Mete sɛ ɔpopaw dua frɔmfrɔm.+ Na me so na wubenya aba.”
9 Hena ne onyansafo a ɔbɛte nsɛm yi ase?+ Hena ne ɔbadwemma a obehu?+ Yehowa akwan teɛ,+ na treneefo na wɔbɛfa so;+ nanso mmaratofo bɛwatiriw wɔ so.+
